BID’AT:-

Bid’at har us Qaul ya Amal ko kaha jayega jo DEEN ke Andar IBADAT samajh kar kya jaye or uski Daleel Allah Ke Rasool(SALLALLAHU ALAIHI WASALLAM) ke AQWAAL aur AFAAL (AHADIS) aur Sahaba (Razi Allahu Anhu) ke Daur me Maujood na ho.

BID’AT KE MUTALLIQ ALLAH KE RASOOL (SALLALLAHU ALAIHI WASALLAM) KI AHADIS YE HAIN.

¤ Jisne Hamare Deen me Aisi koi Nayee Baat Nikali jo isme nahi hai to wo MARDOOD hai.
(BUKHARI)

¤ Sab se Behtreen Kalaam (baat) ALLAH KI KITAAB hai, Behtreen Tareeqa Muhammad (Sallallahu alaihi wasallam) ka Tareeqa hai aur BADTAREEN cheezo me Wo Cheez hai Jisko (DEEN me) Naya Nikala gaya ho aur Har Bid’at GUMRAHI hai.
(MUSLIM)

¤Irbaaz Bin Saarya (Razi Allahu Anhu) kehte hai
1 Din Ap (sallallahu Alaihi wasallam) Hum ko Nihayat Muassar Naseehat ki jisse Hamari Ankho se Aansu Jari hogae aur DIL Kaampne lagey. To hum ne kaha
Ae Allah ke Rasool (Sallallahu alaihi wasallam)
Beshak apne aisi Naseehat ki hai jo koi Rukhsat karne wala karta hai to Ap hum ko koi Khaas Naseehat kardijye. To Ap (Sallallahu Alaihi wasallam) ne farmaya

“Logo tumhare upar Lazim hai ALLAH se DARNA,
Tum par Lazim hai (Allah ke Rasool ki baat ko ) Sunna or itaa’at karna
Or agar tum par koi HABSHI GHULAM (AMEER) ho to uski Itaa’at karna.
Aur tum mere baad Bohat Sakht IKHTELAAF dekhoge, to tum par Lazim hai MERI or Hidayat yafta KHULFAE RASHIDEEN ke tareekhe ko Mazbooti se apne Daadho se Pakadlo aur Deen me Nayee baten paida karne se Bacho. Kyu ke Har BID’AT GUMRAHI hai.
(IBNE MAJA)

¤¤BID’ATI KE AAMAAL AUR BID’AT KE NUQSAAN¤¤

¤ ALLAH TA’ALA BID’ATI ka ROZA, NAMAZ, SADQA, HAJ, UMRAH, JIHAD , FARZ, NAFIL kuch QABOOL nahi karenge aur Wo ISLAM se Is tarah Nikal jayega Jis tarah GONDHE HUE AATE me se baal Nikal jata hai.
(IBNE MAJA)

¤ Allah Ta’ala Bid’ati ka Koi AMAL qabool nahi karenge yahan tak ke Wo Bid’at ko Chord de.
(IBNE MAJA)

¤ Jis Qaum ne (Deen me) koi Nayee Baat Nikali uske Misl ek SUNNAT uthali gayi. Sunnat ko Mazboot pakadna Nayee Baat Nikalne se Behtar hai.
(MUSNAD AHMED,MISHKAT)
¤ Jis Qaum ne BID’ATI ki IZZAT ki, usne ISLAM ko Dhaane me Madad ki.”
(BAIHAQI,MISHKAT)

¤ Hassan (Razi Allahu Anhu) farmate hai
Jo Qaum apne Deen me BID’AT (Nayee Baat) nikalti hai ALLAH wahan se uske barabar ek SUNNAT utha lete hai phir us SUNNAT ko Qayamat tak Nahi lauta te.
(DARIMI,MISHKAT)

In Ahadis ko Baar baar Ghaur se padhen,
Dekhen ke Bid’at ke kya Nuqsaanaat hai ke Bid’at ki Wajeh se Hamari koi Ibadat Qabool nahi hogi aur sabse Azeem Nuqsan ye ke Pyare Nabi (Sallallahu Alaihi Wasallam) ki SUNNAT ko Qayamat tak utha lya jayega.

Chahye ke hum hamare Aamaal ko Tatoolen, dekhen kahin hum koi Bid’at wala Amal to nahi kar rahe hai.
Ye Sab ko Bataen , SHARE karen, shayad koi hamari wajeh se Bid’at se TAUBA karlen.
ALLAH HUM SAB KO BID’AT SE BACHAYE.
AMEEN.

Note: IBNE MAJA KI AHADIS ke Ilawa tamam Ahadis ko MISHKAT SHAREEF se lya gaya hai.

Sonchye, Tauba karen aur SHARE karen.
JazakAllah khair.
FBS

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s