HAMARE PYARE NABI(SALLALLAHU ALAIHI WASALLAM)KAISE LAGTE THE

¤¤¤HAMARE PYARE NABI(SALLALLAHU ALAIHI WASALLAM)KAISE LAGTE THE¤¤¤
Hind Bin Abi Haala(Razi Allahu Anhu) farmate hain ke
“Allah ke Rasool(SALLALLAHU ALAIHI WASALLAM) Bazaate khud Azeem aur logo ki Nazar me bhi Azeem martabe wale the,
¤Ap(Sallallahu alaihi wasallam) ka Chehra Mubarak Chaudhwi Raat ke Chand ki tarah Raushan tha,
¤Ap(Sallallahu alaihi wasallam) ka Qad Miyana Qad(normal height) se thoda Lamba aur Bohat Lambe Qad se thoda kam the,
¤Sar Mubarak Bada tha,
¤Kham Daar Baal the agar Maang nikalti to Nikaal lete the Warna nahi nikalte,
¤Ap(Sallallahu alaihi wasallam)ke baal Mubarak kaan ki Lau se tajawuz(badh jate)karte jab Ap(Sallallahu alaihi wasallam)unhe WAFRA(baal rakhne ka ek type hai)rakhte,
¤Pur Noor khilte hue Rang wale the,
¤Kushaada(wide)Peshani wale the,
¤Baareek Kaman daar Bhanwe(eyebrows)thi or wo Mili hui nahi thi, unke Darmyan Ek Rag(vein)thi jo Ghusse me Ubhar jati thi,
¤Naak Mubarak Lambi thi Uspar Buland Noor tha jo Shaqs Ghaur se na dekhta wo samajhta ke Badi Naak wale hai,
¤ Ap(Sallallahu alaihi wasallam)Ghani Daadhi wale the,
¤Naram Rukhsaar wale,
¤Kushada Zahen wale,
¤Daanto ke Darmyan Saan thi,
¤Seene par Baalon ki ek Baareek Lakeer thi,
¤Ap(Sallallahu alaihi wasallam) ki Gardan Mubarak Gudya ki Gardan ki tarah khubsoorat thi, Chandi ki tarah saaf thi,
¤Ap(Sallallahu alaihi wasallam) ka Jism Mukammil taur par Mo’tadil or Pur Gosht tha,
¤Mazboot Aazaa(body parts)wale the,
¤Pet aur Seena barabar tha,
¤Seena Chauda tha,
¤Dono Mondho(Shoulders) ke Darmyan thoda fasla tha,
¤ Jodon ki Haddyan Mazboot aur bhaari thi,
¤ Badan ke Jis Hisse par kapda rehta hai agar wahan se hata dya jaye to Raushan aur Chamakdaar ho,
¤Seene aur Naaf ke Darmyan Baalon ki baareek lakeer jati hui jaise koi line ho, iske Ilawa dono Chaatyan aur Pet baalon se khali Albatta Dono Baazuon aur Mondho aur Seene ke upar ke hisse par kuch baal the,
¤Dono Kalayyan lambi aur Hathelyan kushada thi,
¤Dono Hath aur pair Pur Gosht the,

¤Unglyan lambi,
¤Talwe Gosht se khali the,
¤Dono Qadam chikne paani unse phisal jata tha,
¤Jab chalte to Qadam Quwwat se uthate, Aage ki taraf Jhuk kar chalte aur Narmi se Chalte, Tez chalte,Qadm faasle par rakhte, Chalte to Lagta ke kisi Waadi me utar rahe ho,
¤Jab Mutawajjeh hote(Mudte) to pure Mutawajjeh hote,
¤NIGAAHEN neechi hoti,
¤Ap(Sallallahu alaihi wasallam)ki Nazar Aksar Zameen ki taraf hoti Aasman ke Muqaable,
¤Ap(Sallallahu alaihi wasallam) ki Nazar Aksar Mulaahaze(ghaur se dekhna,analyse karna)ki hoti,
¤Saath chalte hue apne Sahaaba ko Aagey rakhte,
¤Koi Milta to SALAAM me SABAQQAT(pahel) farmaate.

[SHAMAIL TIRMIZI]

Ye hai Hamare pyare Nabi[Sallallahu alaihi wasallam] ki personality to ghaur se padhye aur apni personality apne Mehboob(Sallallahu alaihi wasallam)ki tarah banane ki koshish karen or sab ko bataen.

Advertisements

6 thoughts on “HAMARE PYARE NABI(SALLALLAHU ALAIHI WASALLAM)KAISE LAGTE THE”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s