Badkari ka Anjaam 1

Badkari ka Anjaam 1

Allah Ta’ala ka irshad hai

“Aur Zina ke Qareeb bhi mat jao beshak wo badi Behayai hai.”

Aur doosri Jagah farman e Bari Ta’ala hai

“Zaania aur Zani dono me se har ek ko 100 Kode maro aur Allah ke Deen ke Mamle me Agar tum ALLAH par aur Akhirat par IMAN rakhte ho to unke sath kisi tarah ki Narmi nahi baratni chahye aur unki is Saza ko MOMINEEN ki ek Jamat Mulaheza kare.”

Fuqaha e Ikram rahimahumullah farmate hai ke ZAANIA aur ZAANI ki ye Dunyawi Saza hai bashart ye ke (ZAANI AUR ZAANIA) Ghair Shadi Shuda ho, aur Agar Shadi Shuda hon to Phir unki Saza ye hai ke unhe NISF (adha/half) JISM tak gadhe me Khad kar ke SANGSAAR kiya jata hai, In logo ki ye Saza Sunnat se sabit hai, chunanche Irshad hai ke agar DUNYA me inhe ye SAZA nahi mili to phir AKHIRAT me DOZAKH ke Andar AAG ke Angaaro se AZAAB diya jayega.

Jaisa ke ZABOOR me bhi aya hai ke

“ZINA karne wale QAYAMAT ke DIN apni Sharmgaahon ke Bal latke hue honge aur unhe LOHEY ki SALAAKHON se Maara jayega, aur Jab SHIDDATE TAKLEEF se faryad karenge to JAHANNAM ka DAAROGHA kahega, ye AWAAZ kahan se Aarahi hai?
Halanke tu to hansta tha, khush hota tha aur BADMASTI karta tha, na ALLAH se Darta tha na SHARMATA tha.”
(KITABUL KABAIR, ALLAMA ZAHBI)

Zara sochye,
kya ye saza hum bardasht karsakte hai?
Baar baar padhye aur tanhai me sochye kya aj ki kuch der ki LAZZAT ke lye hamesha hamesha ka Azaab humko Manzoor hai?

Har waqt Yaad rakhen ke ALLAH MUJHE DEKH raha hai aur Akhirat me Apne Har Amal ka mujhe HISAB dena hai, insha Allah gunaho se bach jayenge.

Apne Dost Ehbaab ko bhi is Lanat se bachaye.
JazakAllah khair.
Aur kuch tafseel aage ayegi.
Assalamu Alaikum

AQEEDA LIT TAHAWI

BISMILLAHIR RAHMAANIR RAHEEEM

Hum khuda wande Khuddoos hi se madad chahte hain.

Tamam Tarrefen Allah hi ke lye hai jo Tama Jahano ka RABB hai

Hujjatul Islam Imam Abu Jafar Warraq Tahawi Rahmatullahi alaih farmate hain:

“Ye AHLE SUNNAT WAL JAMAAT ke AQEEDA ka bayan hai, jise Millat ke Fuqahaae UZAAM; Imam ABU HANEEFA Noman Bin Saabit, Imam Abu Yousuf Yaqoob Bin Ibrahim aur Imam Muhammad Abu Abdullah Muhammad Bin Hasan Shaibani Rahimahumullah ke Tareeq par Zikr kiya jata hai. Inhi Baaton ka Deen ke Usool ke taur par Wo AQEEDAH rakhte the aur RABBUL AALAMEEN ke bare me unka yahi DEEN O IMAN tha”

 

Allah ki taufeeq ke hum TAUHEED BARI TA’AlA me apna ye AQEEDAH bayan karte hain:

  1. Beshak ALLAH ek hai uska  koi SHAREEK nahi.
  2. Koi Shai uski Misal nahi.
  3. Koi cheez usko AAJIZ karne wali nahi.
  4. Uske siwa koi Mabood nahi.
  5. Wo qadeem hai, uski koi IBTEDA nahi, Wo DAYIMI hai usko koi inteha nahi.
  6. Wo FANAA hone wala aur Mitne wala (Marne ya Khatm hone wala) nahi.
  7. Dunya me wahi kuch hota hai, jiska Who Irada karta hai.
  8. Insani wahm o fikr Uski haqeeqat tak rasai haasil nahi karsakte, na hi Insani Fahem uski Zaat ka Idraak kar sakti hai.
  9. Wo MAKHLOOQ ke Mushabeh nahi.
  10. Wo Zinda hai Usey Maut nahi ayegi, Wo Muhafiz hai Usey Neend nahi aati.
  11. WO (Tanha) Sab Ka KHAALIQ hai, (aur ye sab ko paida karna unme se) kisi ke Muhtaaj hone ki wajah nahi. Bidoon e kulfat Wo sabko Rozi dene wala hai.
  12. Wo be khauf o Khatr sabko Maut dne wala hai, aur Doobara sabko paida karne wala hai Bilaa mashaqqat.
  13. Wo apni Tamam Sifaat ke sath Takhleeq e Aalam ke Qabl hi se Muttasif hai. Makhlooqaat ki Takhleeq se Uski Sifaat me aisi koi Cheez ziada nahi hui jo Pehle na thi, Wo jis tarah Apni Sifaat ke sath Azal se hai, isi tarah Un Sifaat se Abad tak Muttasif rahega.
  14. “KHAALIQ” ki sifat se uska Ittesaaf Takhleeq ke baad se nahi,(balke pehle se hai) isi tarah “BAARI” ki sifat se ittesaaf BARIYYAT (makhlooq) ko paida karne ke baad se nahi(balke pehle se hai).
  15. “RUBOOBIYYAT” ki sifat se Wo tab se Muttasif hai, jabke koi Marboob (tarbiyat pane wala) na tha aur KHAALIQ ki sifat se tab se Muttasif hai jab ke koi Makhlooq paida bhi na ki gayi thi.
  16. Wo jis tarah MURDE ko Zinda karne ki wajeh se MUHII (Zinda karne wala) kaha jaata hai usi tarah is (SIFATI) naam se Zinda karne se Qabl bhi Muttasif hai. Aur isi tarah “KHAALIQ” ka sifati naam bhi Talkhleeq se Qabl hi Usko haasil hai.
  17. Aur ye sab kuch is lye ke Wo tamam cheezon par (pehle se) Qaadir hai, aur tamam Ashyaa(Wujood me) Isi ke Mohtaaj hain. Aur ye sab kuch karna us par Asaan hai, aur wo kisi cheez ka Mohtaaj o Zaroorat mand bhi nahi. Uske misl koi cheez nahi, aur WO SAMEE’ O BASEER hai.
  18. Makhlooq ko usi tarah paida kiya jaisa ke wo Janta 9aur chahte) tha.
  19. Aur TAQDEEREN Muqaddar farmayi.
  20. Muddat e hayaat ki ta’yeen farmayi.(contd insha Allah)

Huzoor sallallahu alaihi wasallam ki Tadeeb o Tarteeb ka Qudrati intezaam

BISMILLAHIR RAHMAN NIR RAHEEM

 

Huzoor sallallahu alaihi wasallam ki Tadeeb o Tarteeb ka Qudrati intezaam

Umooman Hazraate Ambiya slaihis salaam ki Taleem o tarbiyat ka Allah Ta’ala khud intezam farmate hai. Khusoosan Hazrat Syedul Ambiya sallallahu alaihi wasallam ki tarbiyat o tadeeb ek imtiyazi shaan se hui ke tarbiyat aur tadeeb Taleem o tehzeeb ke jitne zaahiri zaraye the sab Munqata kardye gaye. Aise shahar me paida hue jahan na koi Ilmi mashghala na koi maktab o madarsa , na koi Aalim na ilmi majlisen, waalid e maajid ka saya paidaish se pehle sar se uth gaya, aise logon me paley aur badhe jinhe ILM o Tehzeebse door ka bhi wasta nahi tha, phir kisi doosri jagah bhi TALAB E ILM ke lye safar nahi kiya. Yahan rehte hue bhi mamooli LIKHNA padhna jo Doosre log seekh lete the Ap(sallallahu alaihi wasallam) ne wo bhi na seekha. UMMI mahez rahe, apna Naam khud na likhte the.

In haalaat me Allah Ta’ala ne JIBRAEEL E AMEEN ke  Zarye Apki Tarbiyat aur tehzeeb ka intezam farmaya ke DUNYA Hairat me reh gayi. Ap hi ki Zaat e giraami  saari Dunya ke lye ILM O HIKMAT aur Akhlaaq o AADAAB , Tehzeeb o Tadeeb ka MIyaar saabit hui.

 

Allah Ta’ala ne AP(sallallahu alaihi wasallam) ka QALB E MUBARAK bhi Awwal hi se aisa banaya tha ke ibteda hi se Apka Nasbul ain MAKAARIM E AKHLAAQ ki Takmeel thi, Apki Dua Allah Ta’ala se ye thi.

“Ya Allah hame Nek Amal aur ache Akhlaaq ki hidayat kar , ke Umdah Akhlaaq  ki hidayat Apke Siwa koi nahi kar sakta aur bure Akhlaaq ko ham se Door karde, ke Burey Akhlaaq ko bhi Apke Siwa koi Zaael nahi karsakta.”

 

 

PARDA KARNA ALLAH ZUL JALAAL KI IBADAT HAI

BISMILLAHIR RAHMAANIR RAHEEM

Aj kal Aam taur se ye sawal uthaya jata hai ke parda kyu zaroori hai?

Zail me Kitaab o Sunnat ki Raushni me isi ka jawab deni ki koshish ki gayi hai

  1. PARDA KARNA ALLAH ZUL JALAAL KI IBADAT HAI:

 

Allah Ta’ala ne apni aur apne HABEEB sallallahu alaihi wasallam ki baat maanne ko wajib aur zaroori qarar diya hai jaisa ke Quran e Azeez me maujood hai:

“KISI MOMIN MARD YA MOMINA AURAT KO YE HAQ NAHI HAI KE JAB ALLAH TA’LA AUR USKE RASOOL SALLALLAHU ALAIHI WASALLAM KISI BAAT KA FAISLA KARFEN TO USSE ROOGARDANI KARE (AUR SUN LO) JO SHAQS ALLAH AUR RASOOL sallallahu alaihi wasallam KI NAFARMANI KARE TO WO KHULI GUMRAHI ME GIR PADA.” [SURAH AHZAAB : 36]

 

“(Aye Nabi sallallahu alaihi wasallam) Ap ke Rab ki Qasam! Ye log apne ikhtelaafi maamlaat ( aur apasi jhagdon) me ap ko Hakam( judge) bana kar ap se faisl chahe baghair hargioz hargiz IMAAN se Musharraf nahi hosakte, phir Ap jo kuch faisla karden (agar wo unke khilaf bhi ho) tab bhi apne dilon me koi Nagawari Mehsoos na karen aur khushi khushi maan len ye samajh kar ke Insaaf hi hua.”

[SURAH AN NISA : 65]

Maloom hua ke Allah ke Rasool sallallahu alaihi wasallam ke har har Hukum ko manna aur us par Amal karna yahi IMAAN hai. Na Maanna aur Amal na karna Haqeeqat e Imaan ke khilaaf hai, is haqeeqat ki wazahat ke baad suno ke Allah Buzrug o bartar ne Aurton ko parda karne ka hukum farmaya hai.

Quran Kareem me Allah Ta’ala ka ye hukum maujood hai:

“ Aye Nabi(sallallahu alaihi wasallam)! MOMIN Aurton se keh dijye ke wo apni NAZREN neechi karlen aur apne satar (sharmgaahon) ki Hifazat karlen aur apni Zeenat ko zaahir na karen siwaye iske ke kisi (khaas majboori) se zaahir hojaye aur apni OODHNIYO ko apne SEENO par Daale rakhe (yani SEENO ke ubhaar ko apni oodhniyo se chupaaye rakhe”)

[Surah NOOR : 31]

 

Doosri jagah Allah subhanahu Ta’ala farmate hain:

(Aye AURTO!)  Tumapne GHARON me baithi raho aur Zamana Jaahiliyat ki tarah banaao singhaar kar ke apne ko DIKHAATI na PHIRO”                        [Surah AHZAAB :33]

 

Ek aur Jagah Allah ta’ala ne farmaya:

“Paighambar(sallallahu alaihi wasallam) ki beebiyo se kuch maangna ho ( ya un se kuch poochna ho) to PARDE ke peeche se parde ki aad me reh kar mango (aur pooch) ye hukum ye tareekha tumhare Dilon ko aur un Aurton ke Dilon ke paak rehne ka ek behtreen zarya hai”

[Surah AHZAAB :53]

 

Allah Ta’ala ne ye bhi farmaya:

“Aye Nabi (sallallahu alaihi wasallam) ! Apni beebiyon aur Apni batiyon aur Jumla MUSALMAN AURTON se kehdijye ke CHAADARON se APNE CHEHRE CHUPAA  liya karen”  (yani Jab Bahar Nikalne ki zaroorat ho ya na mehram ka samna ho)”

[Surah AHZAAB :59]