SAHEEH BUKHARI ME WAQIA MERAJ KI TAFSEEL

 

Saheeh Bukhari me Waqia Meraj ba Riwayat Hazrat Anas Bin Maalik razi Allahu anhu muta’addad Jagah marwi ha kahin Hazrat Ansa razi Allahu anhu ne ba waasta Hazrat Abu Zarr razi Allahu anhu aur kahin ba waasta Hazrat Maalik Bin Sa’sa’ Ansaari Razi Allahu anhu bayan kiya hai.

Hazrat Anas Bin Maalik ne Hazrat Maalik Bin Sa’sa’ Razi Allahu anhu ke wastey se bayan kiya hai ki Rasoolullah sallallahu alaihi wasallam ne irshaad farmaya ke

Maine Ka’aba Shareef ke Qareeb is haalat me tha jaise kuch jag raha hu kuch so raha hu , Mere paas 3 Aadmi aaye, mere paas Soney ka Tasht laya gaya jo HIKMAT aur Imaan se pur tha , mera Seena Chaak kiya gaya phir usey ZAMZAM ke paani se dhoya gaya, phir usey Hikmat aur Imaan se bhar diya gaya aur mere paas ek Sufaid chaupaya laaya gay wo Qad(height) me Khachchar se kam tha aur Gadhe se Ooncha tha, ye Chaupaya BURRAAQ tha.

AASMANO PAR TASHREEF LE JANA AUR AP SALLALLAHU ALAIHI WASALLAM KE LIYE DARWAZA KHOLA JANA, HAZRAAT AMBIYA ALAIHUMAS SALAAM SE MULAQAAT FARMANA AUR UNKA MARHABAA KEHNA

Mai Jibraeel alaihis salaam ke sath rawana hua yahan tak ke qareeb wale Aasmaan tak pohanch gaya, Hazrat Jibraeel alaihis salaam ne Aasmano ke Khaazin se kaha ke kholye usne sawaal kiya ke Apke sath kaun hai? Jibraeel alihis salam ne jawab diya: MUHAMMAD sallallahu alaihi wasallam , usne daryaft kiya unhe bulaya gaya hai? Jibraeel alaihis salam ne jawab diya ke Haan unhe bulaya gaya hai! Is par usen MARHABAA kaha aur darwaza khol diya gaya aur kaha gaya ke unka aana Acha aana hai. Hum oopar pohanche to wahan Hazrat Aadam alaihis salaam ko paya Maine unhe Salaam kiya , unho ne farmaya:  مرحبا بك من ابن و نبي(bête aur Nabi ke liye Marhaba hai) phir hum Doosre Aasmaan tak pohanche wahan Jibraeel alaihis salaam se us tarah ka sawal jawab hua  jo pehle Aasmaan me daakhil hone se qabl kiya gaya tha jab Darwaza khol diya gaya oopar pohanche to wahan Eisa alaihis salaam aur Yahya Alaihis salaam ko paaya unho ne bhi Marhaba kaha, unke alfaaz yun the :  مرحبا بك من أخ و نبي(Marhaba ho Bhai ke liye aur Nabi ke liye), phir Hum teesre Aasmaan par pohanche wahan Jibraeel alaihis salaam se wahi sawal o Jawab hua jo pehle Aasmaano me dakhil hone par hua. Wahan Yousuf alahis salaam ko paya, Maine Salaam kiya unho ne مرحبا بك من أخ و نبي kaha, phir hum Chauthe Aasmaan tak pohanche, wahan bhi Jibraeel alaihis salaam se Hasb e Saabiq sawaal jawab hua , darwaza khol diya gaya to hum oopar pohanch gaye, wahan IDREES alaihis salaam ko paya , Maine unko Salaam kiya, unho ne bhi wahi kaha مرحبا بك من أخ و نبي phir hum paanchwe Aasmana par pohanche to wahan bhi Jibraeel alaihis salam se hasb e saabiq sawaal jawab hua darwaza khol diya gaya to hum oopar pohanche, wahan Haroon alaihis salaam ko paya Maine unko Salaam kiya unho ne bhi مرحبا بك من أخ و نبي  kaha, phir hum chatey Aasman tak pohanche wahan bhi hasb e saabiq Jibraeel alaihi salaam se Sawaal o jawaab hue jab darwaza khol diya gaya to hum oopar pohanch gaye wahan Hazrat Moosa alaihis salaam ko paya, Maine Salaam kiya unho  bhi مرحبا بك من أخ و نبي  kaha jab mai aagey badh gaya to wo Roney lagey un se sawal kiya gay ke ap ke roney ka sabab kya hai? Unho ne jawab diya ke ek ladka mere Baad Mab’oos hua uski Ummat ke log Jannat me dakhil honge jo meri Ummat ke Daakhil hone walo se Afzal honge (doosri Riwayat me hai ke uski Ummat ke daakhil hone wale meri Ummat se ziada honge) phir hum satwey Aasman par pohanche wahan bhi Jibraeel alaihis salaam se Hasbe saabiq Sawaal jawaab hua , jab  Darwaza khul gaya to hum Oopar pohanche waha Hazrat Ibrahim alaihis salaam ko paya maine unhe  Saleem kiya unho ne farmaya مرحبا بك من ابن و نبي  (Hazrat Adam  alaihis salam aur Hazrat Ibrahim alaihis salam ne مرحبا بك من ابن و نبي  isliye farmaya kyu ke Ap unki nasal me the baqi Hazraat ne مرحبا بك من أخ و نبي   farmaya)

ALBAITUL  MA’MOOR AUR SIDRATUL MUNTAHA KA MULAHEZA FARMANA

                Uske abad al baitul Ma’moor mere samne kardiya gaya. Maine Jibraeel alaihis salaam se sawal kiya ye Kya hai? Unho ne jawab diya ke ye AL Baitul Ma’moor hai isme rozana 70000 farishte Namaz padhte hain , jab Nikal kar chale jate hain to kabhi bhi wapas nahi hote phir mere samne Sidratul Muntaha ko laya gaya. Kya dekhta hu ke uske BAIR HIJR (HIJR ek jagah thi jahan bade bade Matkey banaye jate the)ke matkon ke barabar hain aur uske pattey Hathi ke Kaano ke barabar hain.

Sidratul muntaha ki jad me 4 Nehren nazar aayin , 2 Baatini Nehren aur 2 Zaahiri nehren . maine Jibraeel alaihis salaam se daryaft kiya unho ne bataay ke BAatini 2 Nehren Jannat ki Nehren hain aur Zaahiri 2 Nehren FURAAT aur NEEL hain.(Furaat Iraaq me aur Neel Misr me hai)
…….(CONTD)

Advertisements

31 thoughts on “SAHEEH BUKHARI ME WAQIA MERAJ KI TAFSEEL”

  1. Mashaallah bahut payara waqiya…..ya rasul Allah ….hame sahi raste pe chalne Ki tulofik ataa farmaa aur amal karne ke bhi …..

  2. Assalamo alaikum warahmatullahe barkatahu, Ham kismat wale hai ki ham Allah ke meboob ki ummat me paida hue hai.

  3. assajamu alaikum masha allah padhkar bahut achha laga amin allah iske likhne aur padhne walon ko jannat nasib farmaye amin

  4. Assalamualaikum mashaallah yeh bahut pyari hadees hai aap ne hum ko yeh waqiyah bataya aap ka bahut bahut shukriya allah hum sab musalmano ko janatul firdose naseeb kaare

  5. Please continue this tafseel. Mujhe e alfaz samjhme nahi aye please app iska tafseel batayen.
    Kya dekhta hu ke uske BAIR HIJR (HIJR ek jagah thi jahan bade bade Matkey banaye jate the)ke matkon ke barabar hain aur uske pattey Hathi ke Kaano ke barabar hain.

  6. assalamoalaikum ye waqiya bahot hi pyara hai hum aap se gujarish karte hai ki poora waqiya is blog per post kare.jazakallahukhair

  7. MASHAALLAH WAKAI BAHUT ACHHA WAKYA HAI MAGAR KAI LOG KEHTE HAI KI MUSOO ALHI SALAM MEHRAJ PER HOJOOR KE SATH GAYE THE

  8. mughe wo tafseer janni h jab huzoor n bazar m waqya meraj batane pr abubaqr rdt anhu tasdeek krne pr unhe siddiq k laqab mila

  9. Masha allah bahut achha waqiya h mujhe ummed h ke is waqiye ko padhne wale oro ko bhi sunayenge Aameen

  10. Aasman ke fariston ko pahle hi bata diya gaya tha.ki allah ke habib aasmano ki sair allah se didaar ke liya aa rahe hain.to fir main ye kaise maan lu ki fariston ne jibril a.s.se q pooncha tumhare saath kaun hai

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s