MAKKAH MUKARRAMA KI AABADI AUR KAABAH SHAREEF KI TAMEER (part 2)

Hazrat Ibrahim alaihis salaam apni biwi aur apne ladke ke paas kuch din rahe uske baad kuch khajooren aur paani ka mashkeezah chord kar rawana hogaye . biwi ne poocha hame chord kar kahan jaate ho? Kuch jawab nahi diya bil aakhir Biwi ne kaha ke KYA ALLAH TA’ALA NE HUKUM DIYA HAI KE ( HAME CHORD KAR CHALE JAYEN) uske Jawab me farmaya ke Haan ! Allah ta’ala ne aisa Hukum diya hai ye sun kar kehne lageen إذاً لا يضيعنا (jab Allah Ta’ala ne hukum diya hai to hame Zaaya na farmayega) dono Maa bête baghair kisi MUHAAFIZ ke Sumsaan Maidan me rahte rahe hatta ke Mashkeezah ka paani Khatm hone laga jo Hazrat Ibrahim alaihis salam chord kar gaye the. Hazrat Hajerah razi allahu anha paani ki talash me SAFAA par gayin phir MARWAH par gayeen phir MARWAH se SAFAA par Aayeen isi tarah 7 Chakkar lagaye, Bache ko usi jagah chord diya tha jahan is waqt Bi’r e zamzam(zam zam ka kunwa) hai aur SAFAA o MARWAAh ke darmyan me NAsheeb tha is liye Nasheeb se daud kar guzar jati thin taake Bacha der tak nazaron se aujhal na rahe. Abhi ye paani ki talash me bache se door hi thin ke jis jagah bache ko bitha rakha tha wahin par Allah Ta’ala ne chashma jaari farmadiya ye wahi chashma hai jsie ZAMZAM kaha jata hai baad me usey Kunwaan bana diya gaya. Is Chashme ka paani , paani ka kaam bhi deta hai aur Allah Ta’ala ne isme Ghizaiyyat bhi rakhi hai.

Hazrat Ismail alaihis salaam aur unki waledah usi chatyal maidan me rehte the jab paani ka chashma jaari hogaya to upar parinde udne lagey Qabeela BANI JURHAM wahan se guzar raha tha, un logon ne apas me kaha ke yahan to kabhi paani nahi tha Parindey kaise nazar aarahe hain qareeb aaye to dekha ke ek khatoon apne Bache ko liye baithi hai aur Qareeb hi CHASHMA hai kehne lagey hum bhi yahan rehne lagen, Hazrat Ismail alaihis salaam ki waledah ne farmaya ke rehne ki to Ijazat hai lekin Paani me tumhare (maalikana) Hissa nahi hoga / Qabeela Bani Jurham bhi sath rehne lagey is tarah se Makkah Muazzama ki aabadi badhni Shuru hogai.
[Saheeh Bukhar safha475i]
contd insha Allah.

Advertisements

1 thought on “MAKKAH MUKARRAMA KI AABADI AUR KAABAH SHAREEF KI TAMEER (part 2)”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s