QURAISH KISKA LAQAB HAI

Jaisa ke pehle arz kiya gaya ke Rasoolullah sallallahu alaihi wasallam ke DADA ka naam AMER ya SHAIBAH tha. Ek waqie ki wajeh se ABDUL MUTTALIB mashhoor hogaya tha, SEERAT E HALABIYA me hai ke unko ABDUL MUTTALIB is liye kaha jata tha ke unke Chacha MUTTALIB jab unko unke BAchpan me MADEENE se MAKKAH lekar aaye to unko unho ne Sawari par Apne peeche bithaliya aur wo is waqt bhot Kharab Haal me the yani phatey purine kapdon me the jab bhi MUTTALIB se koi unke mutalliq poochta ke ye kaun hai to wo keh dete ke ye mera GHULAAm hai wo ABDUL MUTTALIB ke mutalliq (unke Kharaab khasta haal ki wajah se) ye kehte hue Sharmate the ke ye mera Bhatija hai Makkah pohanch kar unho ne unki haalat sanwari aur tab ye batlaya ke ye mera Bhatija hai (lekin Urf e Aam me phir bhi unka naam ABDUL MUTTALIB hi raha)

QURAISH kiska Laqab hai? Seerat nigaron ka ek Qaul ye hai ke ye NAZR BIN KINANA ka Laqab hai aur ek Qaul ye hai ke FIHR BIN MALIK ka Laqab QURAISH tha ua QURAISH naam aur FIHR Laqab tha. QURAISH ki wajeh tasmiya kya hai? Is ke baare me Mukhtalif aqwaal hain. Ek Qaul ye hai ke NAZR BIN KINANA ki Aulaad ko QURAISH se isliey Mulaqqab kiya gaya ke ye sab log MUJTAME the aur TAQARRUSH Tajmaa’ ko kaha jata hai aur ek Qaul ye hai ke ye log Taajir the aur Tujjar ko QURAISH kaha jata hai والتجار يتقارشون اي يتجرون is Qaul ko baaz Ahle Siyar ne tasleem nahi kiya, aur ek Qaul ye hai ke Lafz QURAISH AL QURSH ki tasgheer hai ye Samundar ki ek badi Machli ka naam hai jo Samundar ki machliyon ko khaa jati hai chaunke QURAISH bada Qabeela tha iske muqable me Doosre Qabeele Chote the is liye ye log QURAISH ke Laqab se mashhoor the.

Is tafseel se maloom hogaya ke Arab me jo QURAISH ke liye lafz QURAISH bola jata tha uski wajeh ye thi ke unke AABAA O AJDAD (ancestors) me NAZR BIN KINANA ya FIHR BIN MALIK ko Mulaqqab kiya gaya tha ya doosre Qabeelon ke muqable me bada Qabeela hone ki wajeh se is laqab se mashhoor huwe.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s