Taqleed Kyu Zaroori Hai?

Taqleed Kyu Zaroori Hai?

Ghair Muqallideen Ne Shor Macha Rakha Hai  Keh Aimma Arba’aa Ki Taqleeed Haram Hai. Yeh Un Aimma Ko Rab Banana Hai Is Liye Shirk Hai. Woh Logon Se Kehte Hain Keh Taqleed Chordo Aur Allah O Rasool Ki Ita’at Karo , Is Masle Ki Haqeeqat Samajh Leni Chhahye.

Ghair Muqallideen: Logon Ke Zehno Me Taqleed Ka Ye Ghalat Mafhoom Bithate Hain Keh Taqleed Ke Mainey Hain: Apne Gale Me Patta Daal Kar Rassi Doosre Ke Hath Me Dedena Taakeh Who Jahan Chaahe Le Jaye , Taqleed Ka Ye Ghalat Mafhoom Aadmi Ko Ye Sochne Par Majboor Karta Hai Keh Hum Bewaqoof Kyun Banen??? Allah Ne Hamen Aqal Di Hai, Hum Janwar Ki Tarah Galey Me Patta Daal Kar Rassi Doosre Ke Hath Me Kyun Deden?? Is Liye Pehle Taqleed Ka Saheeh Mafhoom Samajhna Chahye.

Taqleed Baab Taf’eel(تفعيل) Ka Masdar Hai, QALLADA QALLADATAN(قلد قلدة) Ke Maainey Hain : Haar Pehnana, Aur Majaazi Maaine Hain: Ohdah Sompna. Jaise Qalladal Qaazi: Baadshah Ne Qaazi Banaya, Aur Khud Haar Pahenne Ke Liye Baab Tafa’uul(تفعل) Se Taqallud(تقلد) Aata Hai Taqleed (تقليد) Nahi Aata.

Misaal Se Wazaahat: Aaj Ki Flight Se 3 Paartiyon Ke Teen Leader Aa Rahe Hain. Ek Congress Ka, Doosra BJP Ka, Teesra: Lok Dal Ka. Teeno Partiyon Ke Worker Phool Haar Le Kar Airport Pohanch Gaye. Fligh Ayii, Pehle Congress Ka Leader Nikla Us Ki Party Ke Logon Ne Naara Lagaya Jab Wo Qareeb Aaya To Sab Ne Us Ko Haar Pehnaya. Phir Jab Wo Chala To Sab Us Ke Peeche Chal Pade. Yeh Taqleed Hai Aur Yahi Itteba Hai Yani Pehle Aqeedat  Ka Haar Pehnana Phir Us Ke Peeche Chalna. Doosre Log Abhi Khade Hain, Thodi Der Baad BJP Ka Leade Nikla Us Ki Party  Ke Workeron (Workers) Ne Naare Baazi Ki, Apne Leader Ko Aqeedat Ka Haar Pehnaya Aur Wo Us Ke Peeche Ho Liye Ye Uski Taqleed Hai Yahi Amal Lok Dal Ke Workers Ne Kiya Jab Un Ka Leader Nikla.

Yeh Ek Misaal Hai Ye Samajhne Ke Liye Keh Taqleed Ke Liye Do Cheezen Zaroori Hain: Ek Aqeedat Ka Haar Pehnana , Doosri Us Ke Peeche Chalna. Jab Ye Do Cheezen Jama Hongi To Taqleed Hogi Warna Nahi. Agar Haar To Pehnaya Magar Peeche Nahi Chala Ya Aqeedat Ka Haar Pehnaye Baghair Peeche Chala To Ye Taqleed Nahi Hai.

Taqleed E Aimma Ka Bhi Yahi Matlab Hai. Jin Musalmano Ko Jis Mujtahid Se Aqeedat Hai Wo Us Ko Apna Bada Tasleem Karte Hain Wo Jo Ahkaam Fir’iyya(Firoi Masael) Bayan Karta Hai Us Ki Itteba Karte Hain , Yahi Taqleed Hai.

Yahan Se Ye Bhi Maloom Hogaya Keh Taqleed Aur Itteba Ek Cheez Hain. Zamano Ke Badalne Se Istelahaat Badalti Hain Magar Istelahaat Ke Badalne Se Haqeeqat Nahi Badalti, Jaise Aap Jis Cheez Ko Tasawwuf Kehte Hain Pehle Is Ko ZOHD Aur AHSAAN Kehte The. Quran O Hadees Me Yahi Lafz Aaye Hain. Hadees E Jibraeel Me Lafz Ahsaan Istemal Kiya Gaya Hai. Aur Hadees Ki Kitabon Me ABWAABUZ ZOHD (ابواب الزهد) QAAYEM KIYE GAYE HAIN. PHIR ARSE KE BAAD TASAWWUF AUR Aoofi Alfaz Istemal Kiye Jaane Lagey, Jab Ke Allah Ke Nek Bande SAUF (صوف) Yani Oon (اون)  Ke Kapde Pahenne Lagey, Ye Teen Zamano Me Teen Istilaahen Istemal Huin Magar Haqeeqat Sab Ki Ek Hai Isi Tarah Pehle Lafz Itteba Istemal Hota Tha, Quran Kareem Me Yahi Lafz Aaya Hai Phir Arsey Ke Baad Lafz Taqleed Ka Istemal Shuru Hua, Magar Haqeeqat Dono Ki Ek Hai.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s