Vote ki Shar’ii Haisiyat kya hai???

Vote ki Shar’ii haisiyat

Vote ki mukhtalif haisiyaten hain, is ki haisiyat shahadat aur gawahi ki hai keh wo jis Member ko vote deraha hai uske bare me gawah hai keh us ko mulk o qaum ke liye mufeed aur khair khwah samajhta hai.

Is ki haisiyat mashware ki hai ke wo Hukumat aur Nazm o nasq ke silsile me apni Raaye ka izhaar karta hai ke kaun ziada behter aur imaan daar zimme dar hosakta hai. Is ki haisiyat sifarish ki hai ke wo apne is umeedwar ke liye ek ahem ohda aur zimmedari ki sifarish karta hai. Aur us ki haisiyat wakeel naamzad karne ki hai keh wo siyasi Masael me us ko apna wakeel aur numainda namzad karta hai, neez agar muslim mulk ho to in sab ke ilawa vote ki haisiyat bai’at ki hai ke wo vote ke zarye mutalliqah umeedwaar ko wakeel banata hai ke wo uski taraf se sarbaraah e mamlikat ka intekhaab kare, aaj agar wo khush qismat saa’at aaye ke duna ke kisi khitte me “KHILAFAT ALA MINHAJIN NABUWWAT” qaayem ho to ba zaahir is ki soorat yahi hosakti hai ke Aammatul Muslimeen ke baaligh o mukallaf Mard apne vote ke zarye numainda muntakhab karen aur phir wo bahimi raaye se Ameer ka Intekhab karen, aur tamma logon ki taraf se wakalatan aur niyabaran us ke hath par bai’t karen. Bai’t ke liye zaroori nahi hai ke hath hi se Bai’t ki jaye. Chunanche Imam Bukhari Rahmatullahi alaih ne Abdullah Bin Deenar Rahmatullahi alaih se do sanadon Riwayat kiya hai ke Hazrat Abdullah Bin Omer razi Allahu anhuma ne Abdul Malik Bin Marwaan se ba-zarye murasalat Bai’t ki hia. Ibn e Umar Razi Allahu anhuma ne is Riwayat me apni taraf se Sama’ o Taa’at ka iqrar karne ke sath sath ye bhi likha hai ke mere Bachon ne bhi is ka iqrar kiya hai. (Saheeh Bukhari 2/1069)

Isse andaza hota hai ke ye baat kaafi hai ke ameer kisi ko bai’t ke liye wakeel banaye ya bai’t karne wala kisi ko bataur wakeel bheja ke us ki taraf se izhaar e wafadari kare, chunanche Rasoolullah sallallahu alaihi wasallam ne ek dafa Ubada Bin Samit razi Allahu anhu ko apni taraf se Bai’t karne ka hukum farmaya tha.(Saheeh Bukhari 2/1079)

Apne Haq e raaye dahi ke istemal ki haisiyat badi nazuk aur ahem hai . ek shakhs ko ghair mufeed samajhne ke bawajood us ko vote dena shahadat e Zoor(jhooti gawahi), jhoota mashwara, aur ghalat sifarish jaise Gunaho ka haamil hai.

Magar vote dena, dhoka dena hai. Isi tarah raaye dahi ki jo Umar Muta’ayyan hai us se kam umar ke logon ka vote dena bhi jayaz nahi hai. Is ka andaza baaz riwayaat se bhi hota hai. Abdullah Bin Hisham razi Allahu anhu ko unki waleda zainab bint hameed razi Allahu anha , Huzoor sallallahu alaihi wasallam ki khidmat me le gayin aur arz kiya keh unk o bai’t farma lijye, us waqt wo kam sin the. Huzoor sallallahu alaihi wasallam ne un ke sar par hath phera aur duaen dii(Bukhari) chunke wo Baaligh nahi hue the is liye Aap sallallahu alaihi wasallam ne Bai’t nahi li, sirf dast e Shafaqqat pherne par iktefa farmaya.

(JADEED FIQHI MASAEL BY MAULANA KHALID SAIFULLAH RAHMANI JILD 1 SAFHA 302-303)

Some Important fatawa links

English:

  1. http://darulifta-deoband.org/showuserview.do?function=answerView&all=en&id=5024
  2. http://darulifta-deoband.org/showuserview.do?function=answerView&all=en&id=35012
  3. http://darulifta-deoband.org/showuserview.do?function=answerView&all=en&id=297

Urdu

  1. http://darulifta-deoband.org/showuserview.do?function=answerView&all=ur&id=11347
  2. http://darulifta-deoband.org/showuserview.do?function=answerView&all=ur&id=301
  3. http://darulifta-deoband.org/showuserview.do?function=answerView&all=ur&id=12884

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s