Allah Ta’ala Ne Baitul Muqaddas Ko Ap Sallallahu Alaihi Wasallam Ke Saamne Pesh Farmadiya

           Quraish e Makkah tijarat ke liye SHAAM (Syria) jaya karte the Baitul Muqaddas unho ne dekha hua tha kehne lagey Acha agar Aap raat Baitul Muqaddas gaye the, usko dekha hai usme Namaz padhi hai to batayye Baitul Muqaddas me Fulaan Fulaan cheez kaisi hai? (yani iske Sutoon o Darwazon aur doosri Cheezon ke bare me sawaal karna Shuru kardiya) us waqt Aap sallallahu alaihi wasallam HATEEM me tashreefrakhte the , Ap sallallahu alaihi wasallam ne farmya: Un logon ke sawaal par mujhe Badii bechaini hui ke us jaisi bechaini kabhi nahi hui thi, maine Baitul Muqaddas ko dekha to tha lekin Khoob achi tarah uski har har cheez ko Mehfooz nahi kiya ( iska kya andaza tha ke un cheezon ke bare me sawaal kiya jayega) Allah Ta’ala ne Baitul Muqaddas ko Meri Taraf is tarah Utha diya ke Mujh se Quraish e Makkah jo bhi kuch poochte the Mai un sab ka jawaab deta raha.

(SAHEEH MUSLIM Jild 1 Safha 96)

Baaz riwayaat me yun hai “Allah Ta’ala ne Baitul Muqaddas ko mere liye wazeh tareeqe par raushan farmadiya , Mai usey dekhta raha aur uski Jo Nishaaniyan pooch rahe the wo maine Unhe batata raha.” (SAHEEH BUKHARI JILD 1 SAFHA 548)

            Tafseer Ibne Kaseer safha 15 jild 3 me hai ke Jab Aap sallallahu alaihi wasallam ne Baitul Muqaddas ki Alaamaat sab batadiin to wo log jo Ap ki baat me Shak karne ki wajeh se Baitul Muqaddas ki Nishaniyan daryaft kar rahe the kehne lagey ke Allah ki Qasam Baitul Muqaddas ke bare me Saheeh Bayan diya.

Rasoolullah sallallahu alaihi wasallam ne Quraish e Makkah ko ye bhi bataya ke Mujhe Safar me Fulaan waadi me Fulaan Qabeele ka Qaafila mila unka ek Oont Bidak gaya tha, Maine Unhe bataya ke tumhare Oont Fulaan jagah par hai ye us waqt ki baat hai jab mai Baitul Muqaddas  ki taraf jaa raha tha , phir jab mai waapis aaraha tha to Maqaam e Zajnaan me pohancha to dekha ke wo log so rahe hain, ek bartan me paani tha jise unho ne kisi cheez se dhaank rakha tha maine uska dhakkan hata diya aur paani pii kar usi tarah dhaank diya jis tarah se Dhaka hua tha (Ahle Arab Paani doodh aur degar Mamooli cheezon ke bare me Aam taur se be Ijazat kharch par aetraaz nahi karte the aisi cheezen bilaa ijazat  istemaal me lana uske haan Riwaaj pazeer tha. Ijazat e Aamma ki wajeh se Sareeh Ijazat ki zaroorat Mehsoos nahi karte the) Ap sallallahu alaihi wasallam ne mazeed farmaya ke wo Qaafila abhi Tan’eem ki ghaati se Zahir hone wala hai, unke aagey aagaey Chitakbarey rang ka oont hai uske oopar saamaan ke 2 borey hain, ek siyaah( black) rang ka aur doosra sufaid(white) rang ka hai, ye baat sun kar wo log jaldi jaldi Tan’eem ki ghaati ki taraf chal diye wahan dekha ke waaqai mazkoora Qaafila aaraha hai aur uske aagey Wahi oont hai jab us Qaafile par guzarne ki tasdeeq hui to un logon ne Qaafiley waalon se poocha ke tum ne kisi bartan me paani rakha tha unho ne kaha ke Haan, Hum ne ek bartan me paani dhank diya tha, phir dekha ke wo bartan usi tarah dhanka hua hai lekin usme paani nahi hai phir Qaafiley walon se sawaal kiya gaya ke kya tumhare Oont Bidak gaya tha? Unho ne kaha ke Haan, hamara ek Oont Bidak kar chala gaya tha, hum ne ek Aadmi ki Awaaz suni jo hame bulaa raha tha ye tumhare Oont hai, ye Awaaz sun kar hum ne use pakad liya, baaz riwayaat me hai ke Aap sallallahu alihi wasallam ne Qaafile walon ko Salaam bhi kiya tha aur unme se Baaz sunne walon ne kaha tha ke Ye Muhammad (sallallahu alaihi wasallam ) ki Awaaz hai.

(Tafseer Ibne Kaseer Safha 14 Jild 3, Al Bidaaya Wan Nihaaya Safha 110 Jild 3)

Advertisements

1 thought on “Allah Ta’ala Ne Baitul Muqaddas Ko Ap Sallallahu Alaihi Wasallam Ke Saamne Pesh Farmadiya”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s