Waqia e Meraj ki Gawahi ek Paadri(father) ki Zabani

Hiraqal Qaisar E Rome Ke Samne Ek Paadri Ki Gawahi

                      7 Hijri me Rasoolullah sallallahu alaihi wasallam ne Baadshahon ko Dawat e Islaam ke Khutoot (letters) likhe hain unme se ek Hiraqal ke naam bhi tha jo Romiyon ka badshah tha. Shaam (syria) us waqt uske zer e nageen tha, wo Shaam aaya hua tha, idhar se Hazrat Dehya Kalbi Razi Allahu anhu Ap sallallahu alaihi wasallam ka Waala naama lekar Shaam pohanche aur Wo BASRAA ke Governor ko dediya, usne Hiraqal ko pohancha diya, ye us waqt ki baat hai jab ke Quraish e Makkah ka ek Qaafila Tijarat ke liye Mulk e Shaam pohancha hua tha, Hiraqal ne kaha ke dekho kuch Arab ke log aye hue hain to unhe Bulaao taake mai un se in sahib ke bare me Maaloomaat haasil karun jinho ne Mere paas Khat likha hai, chunanche ye log Hiraqal ke darbaar me haazir kiye gaye, Hiraqal ne poocha tum me in Sahab se ziada Qareeb tar kaun hai jo apne ko Allah ka Nabi batate hain. Abu Sufyan bhi taajiron ke Qaafile me the, Abu Sufyan ne kaha ke mai qareeb tar hun. Hiraqal ne Abu Sufyaan se kaha ke dekho mai tum se sawaal karunga Saheeh jawab dena. Abu Sufyan us Waqt Musalman nahi the. Rasoolullah sallallahu alaihi wasallam ke mukhaalif the, unho ne chaaha ke koi aisi baat keh den jis se Aap sallallahu alaihi wasallam ki haisiyat gir jaye aur Ap ke Daawa e Nabuwwat me wo Apko sacha na samjhe. (Saheeh Bukhari safha 4 jild 1)

Bhot hi soch bichaar ke baad Abu Sufyaan ne ye baat Nikaali ke who ye kehte hain ke Mai Makkah ki sarzameen se ek hi raat me aaya aur Baitul Muqaddas pohancha aur phir usi raat me Subah hone se pehle Makkah pohanch gaya (Abu Sufyan ka khayal tha ke ye ek aisi baat hai jis ki wajeh se Qaiser Aap sallallahu alaihi wasallam ke bare me zaroor hi badgumaan hojayega, lekin hua ye ke) wahan Qaisar ke paas Nasraaniyo ke ek Paadri khada hua tha , Abu Sufyan ki baat sun kar  wo paadri bole ke haan mujhe us raat ka ilm hai ( jis me aisa waqia hua hai ke wahan baaz Hazraat aaye aur unho ne Namaz padhi) Qaisar ne uski taraf dekha aur daryaft kiya ke tujhe iska kya pata hai? Us paadri ne kaha ke mai Rozana raat ko Masjid  ke darwaze band kar ke sota tha mazkoorah raat me jab maine Saare Darwaze band kar diya lekin ek darwaza band na hosaka us waqt wahan jo log maujood the, Maine unse madad li aur hum sab ne usey harkat dene ki koshish ki lekin usey Harkat na de sakey, aisa maloom hota tha jaise hum kisi pahad ko uski jagah se hata rahe hain. Us paadri ne bataya Mai 2 Baab (darwazey) khuley hue chord aaya aur jab subah ko waapis aaya to dekha ke Masjid ke Goshey me pathar ke andar ek Suraakh hai aur usme ek Janwar ke bandhne ka nishaan hai, ye dekh kar maine apne sathiyo se kaha ke Maloom hota hai ke ye darwaza aj is liye Khula rakha gaya ke yahan kisi Nabi ki aamad hui hai aur usne hamari is Masjid me NAMAZ padhi hai.

(TAFSEER IBNE KASEER safha 24 jild 3)

Advertisements

One thought on “Waqia e Meraj ki Gawahi ek Paadri(father) ki Zabani”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s