Aasmaanon Ke Muhafizeen Ne Hazrat Jibraeel Alaihis Salam Se Ye Sawaal Kyun Kiya Keh Aap Ke Sath Kaun Hai, Kya Unhe Bulaya Gaya Hai?

Aasmaanon Ke Muhafizeen Ne Hazrat Jibraeel Alaihis Salam Se Ye Sawaal Kyun Kiya Keh Aap Ke Sath Kaun Hai, Kya Unhe Bulaya Gaya Hai?

Hazrat Jibraeel alaihis salam ne jab darwaza khulwaya to Aasmanon ke zimme daaron ne hazrat Jibraeel alaihis salam se ye sawal kiya ke Apke sath kaun hain unho ne jawab diya ke Muhammad (sallallahu alaihi wasallam) hain is par sawal hua kya unhe bulaya gaya hai? Hazrat Jibraeel alaihis salam jawab dete rahe ke Haan inhe bulaya gaya hai is par darwaze khole jaate rahe aur aap oopar pohanchte rahe. Yahan yeh sawal paida hota hai ke Malaa e A’laake hazraat ne ye sawal kyun kiye? Kya Jibraeel alaihis salam ke bare me unhe ye gumaan tha ke wo aisi shakhsiyat ko sath le aaye honge jise oopar bulaya na gaya ho? Is ka jawab ye hai ke Malaa e A’laake Hazraat ko pehle se maloom tha ke aaj kisi ki aamad hone wali hai lekin AanHazrat Sallallahu alaihi wasallam ka Sharf badhane ke liye aur khushi zaahir karne ke liye ye sawal jawab hua, aur is me ye hikmat bhi thi ke Nabi Akram sallallahu alaihi wasallam ko pata chal jaye keh Aap ka Ism e Giraami Malaa e A’laa me maroof hai. Jab ye sawal kiya gaya ke Aap ke sath kaun hai? To Hazrat Jibraeel alaihis salam ne jawab diya ke Muhammad (sallallahu alaihi wasallam) hain agar wo Aap ke Ism e girami se waqif na hote aur aap ki shakhsiyat se muta’arif na hote to yun sawal karte ke Muhammad kaun hai? Isi se pehle darwaze na kholne ki hikmat bhi maloom hogayi aur wo yeh hai ke aap ko ye batana tha ke aap se pehle zameen ke rehne walon me se kisi ke liye is tareeqe par aasman ka darwaza nahi khola gaya ke wafaat se pehle dunyawi zindagi me hote hue qaasid bhej kar bulaya gaya ho. Jahan aksar mehmaan aate hon aur baarhaa aate rehte hon wahan yahi baat hai ke pehle se darwaze khol diye jaate hain, Dunya me aisa hi hota hai aur chunkeh har mehman ke liye darwaze khol diye jate hain is liye isme kisi khusoosiyat aur imtiyaz ka izhaar nahi hota lekin Meraj ka mehmaan be misaal mehmaan hai na us se pehle kisi ko ye mehmani naseeb hui, na us ke baad, aur mehmaani bhi aisi nahi keh America wala Asia chala aaya ya Asia wala Africa chala gaya, yani khaki Insan khaak hi par ghoomta raha balkeh wo aisi mehmani thi ke farsh e khaak ka rehne wala Saba’(7) samawaat(aasmaan) se guzarta hua Sidratul Munteha tak pohanch gaya jahan us chaheete mehman ke siwa koi nahi pohancha (sallallahu Ta’ala alaihi wa aalihi biqadri kamaalihi wa jamaalih). Chunkeh Insan me se koi wahan nahi jaata aur wahaan ki raah mutabazil nahi hai is liye Hikmat ka taqaaza ye hua ke har har aasman ka darwaza aamad par khola jaye taake wahan ke shaiqeen aur muqeemeen ko mu’azzaz mehman ka martabah maloom hota chala jaye aur ye jaan len ke ye koi aisi hasti nahi hai jis ko baghair darkhwast ke bulaya gaya hai aur jis ke liye aaj woh darwaze khole jaarahe hain jo kabhi kisi ke liye nahi khole gaye darhaqeeqat ye aezaaz us aezaaz se ziadah hai ke pehle se darwaze khule rahen jo doosron ke liye bhi khule rahe hon

(Qaala ibnul Muneer Hikmatuhu…39)

(Fathul Baari Jild 1 safha 461)

Joon hi koi darwazah khat khataya gaya us aasman ke rehne wale mutawajjeh hue aur ye samajh liya ke kisi ahem shakhsiyat ki aamad hai aur phir Jibraeel alaihis salam se sawal o jawab hua, is se haazireen ko mehmaan ka ta’aruf aur tashakkhus haasil hogaya pehle sab ne Mehman ka naam suna phir ziyarat ki. Mehman ki aamad ke baad jo ta’aruf haazireen se karaya jata hai wo darwaza khatkhatane aur Hazrat Jibraeel alaihis salam ke naam daryaft karne se haasil hogaya, Zaahir hai ke aamad ki Umoomi ittelaa’ se ye baat haasil na hoti aur chunkeh Baargaah e Rabbul Aalameen ki Haazri ke liye ye safar tha aur farishton ki ziyarat ya farishton ko ziayarat karana maqsad e A’alaa na tha is liye har jagah Qiyaam karne ka mauqa na tha Malaa e A’laa ke Saakineen mutawajjeh hote rahe aur Aap ki ziyarat karte rahe aur Aap aage badhte rahe, Dunya me istiqbaal ke liye Istiqbaaliya committee ke afraad ko pehle se jama karna padta hai kyun ke dunya ke wasail ke peshe nazar achanak sab ka haazir hona mushkil hota hai Laa Mahalah pehle se aane ki koshish karte hain taakeh waqt na nikal jaye lekin Aalam e baala ke sakineen ko wo quwwaten haasil hain ke aan e wahid me hazaaron meel(miles) ka safar kar ke jama hosakte hain.

Darwazah khatkhataya gaya hai bhanak padi sab haazir hogaye darwazah kholte waqt sab maujood hain.

Advertisements

1 thought on “Aasmaanon Ke Muhafizeen Ne Hazrat Jibraeel Alaihis Salam Se Ye Sawaal Kyun Kiya Keh Aap Ke Sath Kaun Hai, Kya Unhe Bulaya Gaya Hai?”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s