Hazraat e Ambiya kiram alaihum assalam ki Mulaqat Roohani thi ya Ajsaam ke sath

Hazraat e Ambiya kiram alaihum assalam ki Mulaqat Roohani thi ya Ajsaam ke sath

            Hazraat e Ambiya e Kiram alaihim assalam apni Quboor me zinda hain. Huzoor pur Noor ka Ambiya e Kiram ka Baitul Muqaddas aur Aasmano me dekhna us se ya to un ki arwaah mubarikah ko dekhna muraad hai ya Ma’a ajsaam ansariya (jismo ke sath) ke dekhna murad hai ke Huzoor ke aezaz o ikram ke liye Ambiya kiram ko Ma’a ajsaam e ansariya ke Masjid e Aqsa aur Aasmano me mad’oo kiya gaya chunkeh Hazraat e Ambiya e Kiraam alaihim assalam apni Quboor me jismo ke sath zinda hain jaisa ke Rasoolullah sallallahu alaihi wasallam ne irshad farmaya: ان الله حرم علي الارض اجسام الانبياء (Bilashubah Allah ne Zameen par Nabiyon ke jimson ko Haraam kardiya hai wo unke jismo ko khaa nahi saktiin) aur Ahwaal e Barzakh ko Ahwaal e Dunya par Qiyaas bhi nahi kiya jasakta isi liye AanHazrat Sarwar e Aalam sallallahu alaihi wasallam ne Hazrat Moosa alaihis salam ko unki Qabar me Namaz padhte hue dekha lihaza koi baeed nahi hai ke Masjid e Aqsa me Ambiya alihim assalaat wassalaam ko aap ne un ke ajsaam e ansariyah ke sath maujood paaya aur unhe namaz padhai phir aasmano me tashreef le gaye to wahan bhi Hazraat e Ambiyaa alaihim assalam me se jin se bhi mulaqaat ki wo wahan apne jismon ke sath maujood the.

Aur Baaz Ulama ne ye farmaya ke Hazraat e Ambiya kiraam alaihim assalam ke ajsaam to Quboor hi me rahe aur Allah Ta’ala ne un ki Arwaah ko Ajsaam e Misaaliyah de kar mutamassil farmadiya, aur isi haal me aap ke peeche namaz padhi aur phir oopar Aasmano me mulaqaten huin, Albattah Hazrat Eisa alaihis salam chunkeh Zinda hi utha liye gaye the aur abhi un ka dunya me aana aur wafaat paana baaqi hai is liye un se jo mulaqat hui wo usi jism ke sath hui jo dunya me un ka jism tha aur chunkeh ye mulaqaat un ki wafaat se pehle hai is liye un ko Aanhazrat sarwar e aalam sallallahu alaihi wasallam ke Sahabah me bhi Shumaar kiya gaya hai.

(Fathul Baari jild 7 safha 210, AL Isabah jild 3 safha 52)

Advertisements

2 thoughts on “Hazraat e Ambiya kiram alaihum assalam ki Mulaqat Roohani thi ya Ajsaam ke sath”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s