Roze Ki Niyyat Par Aetrazaat ka jayeza

Assalamu alaikum, Ramazan ke shuru hote hi Jinnat me se sarkash shayateen Qaid kardiye jate hain, lekin wo shayateen jo Insano me se hai qaid nahi hote. Pichle Ramazan se Ghair muqallideen Roze ki Niyyat par ye shosha chord rahe hain ke ye Niyyat Quran o Hadees se sabit nahi. Aur ye Niyyat banana wale ko Arabi nahi aati hai kyu ke isme ek lafz غد hai jis ka matlab “kal” hai, aur hum to aj ka roza rehte hain.
Ye shosha chordne wale jitne bhi ya to FB ke mufti hai ya Youtube/google ke mufti , in tamam ko Arbi ki ع bhi theek se nahi aati hai.
Youtube par kisi Advocate ki speech sunli khush hogaye aur chale unki andhi Taqleed me ya

Whatsapp par kisi ka Audio sun liya aur hogaye uske diwane aur karli andhi taqleed.

Ab hum aate hai Roze ki niyyat par to pehli baat to ye hai ke Sire se kisi ne dawa nahi kiya ke ye Niyyat mansoos hai.

Sehri Karenge to Niyyat Roze ki hogi ….. Zaban se kehna Behter hai

Darul Uloom deoband fatwa

http://darulifta-deoband.org/showuserview.do?function=answerView&all=ur&id=16043

ye log Lafz e غد par bada shor machate hain ke ye Quran Hadees me nahi hai aur

is ka matlab kal hai aur din maghrib se shuru hota hai.

Shayad inhe Quran hades ka ilm nahi ya Inki Aqlon par Allah Ta’ala ne parda daaldiya hai.

Ayye Ab Hum Roze ki niyyat me jo lafz غدا par jo aetraz karte agar unhe Hadees ka ilm hota ya Hadees ko arabi zaban me un ke asli makhaz se padhte to aisi baaten na karte . masla ye hai ke ye log Hadees padhte hai to wo bhi Urdu zaban me . aur is masle me hadees to padhi nahi agar Ramazan ke mutalliq ahadees padhte to aisa bachkana aetraz na karte.
Ayye Hum Sunan Tirmizi Kitabus Saum ki ek hadees padhte hain
عَنِ ابْنِ عَبَّاسٍ قَالَ: جَاءَ أَعْرَابِيٌّ إِلَى النَّبِيِّ صَلَّى اللَّهُ عَلَيْهِ وَسَلَّمَ، فَقَالَ: إِنِّي رَأَيْتُ الهِلاَلَ، قَالَ: أَتَشْهَدُ أَنْ لاَ إِلَهَ إِلاَّ اللَّهُ، أَتَشْهَدُ أَنَّ مُحَمَّدًا رَسُولُ اللهِ، قَالَ: نَعَمْ، قَالَ: يَا بِلاَلُ، أَذِّنْ فِي النَّاسِ أَنْ يَصُومُوا غَدًا.
Ibne Abbas razi Allahu anhu se Riwayat hai unho ne farmaya:
Ek Aerabi Nabi sallallahu alaihi wasallam ke paas aaya, to usne kaha:
Maine Hilal(Chand ) dekha hai. Ap sallallahu alaihi wasallam ne farmaya: Kya Tu Gawahi deta hai ke Allah ke siwa koi Ibadat ke layaq nahi aur ye ke Muhammad (sallallahu alaihi wasallam) Allah ke Rasool hain. Usne kaha : haan!
Ap Sallallahu alaihi wasallam ne farmaya:
Aye Bilal ! logon me Aelaan kardo ke wo KAL ROZA rakhen.
(Sunan Tirmizi Hadees # 691)

Scan:

saum tirmizi
Is Riwayat me ap ghaur karen Ap sallallahu alaihi wasallam ne farmaya
أَذِّنْ فِي النَّاسِ أَنْ يَصُومُوا غَدًا
Ab Isse Ghair Muqallideen ki jahalat aur unki Ummat me Tafreeq paida karne ki koshish aur Musalmano me waswasa daalne aur unme ladane ki koshish apke samne wazeh hoti hai.

Ye to hogai Hadees ab ink eek Ghair Muqallid Muhammad Aqil Jeddah bade dawe karte hai aur ek shakhs ko phone kar Daulatut Tauheed Saudi ka hawala dekar kehte hain, unke liye usi daultaut tauheed ka hawala .

Saudi Arab ke Aalim
Shaikh Abdullah Bin Saleh Fauzan ki kitab ke hawale se is lafz ko bata raha hun.
inke baare me to shayad koi nahi keh sakta ke inhe Arbi nahi aati.
wo apni kitab AHADEESUS SIYAAM AHKAAM O AADAB ke safha no 24 par Niyyat ki bahes me likhte hain

فمَنْ خَطَرَ بباله أَنَّهُ صَائِمٌ غَدًا فَقَدْ نَوَى

“TO JISKE DIL ME DAMADOL HO NIYYAT TO WO SAAYIMUN GHADAN KI NIYYAT KARLE.”

note:-yaad rahe niyyat dil hi ke irade ka naam hai.
ab yahan Shaikh ABDULLAH BIN SALEH FAUZAAN صَائِمٌ غَدًا ka lafz istemal kiya hai.

Scan:

ghad saleh fauzan

Meri Guzarish hai ke jo is lafz par aetraaz karke Ramazanul Mubarak ke maheene me Ummat me ifteraaq paida kar rahe hain wo Inhe bhi kuch keh den, ya agar baat samajh aajaye to ifteraaq o inteshaar band karden.

Isi tarah Ibne Taimia rah jinki tehqeeq par Gm aankh band kar ke bharosa karlete hain aur unka bada hawaala dete hain wo Apni Fatwe me kya kehte hain aayye dekhte hain

Mustadrak Alaa Majmua Fatawa Ibne Taimia jild 3 safha 171 me likhte hain

Ibarat
ومن خطر في قلبه أنه صائم غدا فقد نوى.

Scan:

ibne taimia mustadarak

 

isme Shaikhul Islam Ibne Taimia rah ne bhi lafz غدا istemal kiya hai shayad
Ghair ke Muqallideen ke nazdeek unhe bhi arabi nahi aati hogi????

 

Meri Guzarish hai Ghair Muqallideen se khusoosan Muhammad Aqil Jeddah se ke wo In 2 Hazraat par bhi kuch fatwa lagaden aur Hadees ke Alfaz ka inkar kar ke Munkire hadees hojaye.

Aakhir me meri Guzarish hai Apne Musalman Bhaiyo Behno se ke

Deen ko Youtube,Whatsapp, Facebook, Google se na hasil Karen balke Ulama e Haq se Milkar Saheeh deen haasil Karen warna Imaan ke laale pad jayenge kyu ke Ulama Ambiya ke waris hain.

Allah paak fittiyyeen ke Fitno se Ummat ki hifazat farmaye.

 

Advertisements

5 thoughts on “Roze Ki Niyyat Par Aetrazaat ka jayeza”

  1. As Salaam Alaykom
    Bhai jahan aap ne itni mehnat ki hai lafz ” Ghadan’ par to wo hadith bhi pesh kar do jahan Nabi Alayhi Salaam ne roze ki niyyat sikhayi ho.

    Aap kehte hain sehri karenge to niyyat roze ki hogi lekin zaban se kehna behtar hai to ye behtar Nabi Alayhi Salaam ko samajh nahi aaya Deoband ke ulama ko samajh aaya?

    Deeni aitbaar se kya aisi koi baat hai jo ummat ke liye behtar ho aur Nabi Alayhi Salaam ne na batayi ho?

    Aap ke nazdeek Nabi Alayhi Salaam ki zaat ki ahmiyat to hai magar unki baat ki ahmiyat hai ya nahi is ka jaiza aap ko khud lena hoga.

    1. wa alaikum assalam, Bhai Jaan ap aetraz jo hua hai us ka jawab dekho, aetraz kya tha GHADAN par to wo hadees se sabit hogaya hai, aur Niyyat Deoband ne nahi balke alhamdulillah Aimma e Arba ki tamam fiqhi kitabon me maujood hai. Huzoor Sallallahu alaihi wasallam ke zamane me aisa nahi tha jaisa aj hai, Niyyat Dil ke irade ka naam hai aur Zaban se ada karna Behter hai . ab ap ke is point par “Deeni aitbaar se kya aisi koi baat hai jo ummat ke liye behtar ho aur Nabi Alayhi Salaam ne na batayi ho?”
      to Bhai is ke baare me arz ye kardun ke Ap sallallahu alaihi wasallam ne har baat ki taraf rehnumai farmadi, magar zamane ki gardish se jo naye haalat aur masail aur logon ki be tawajjahi aati hai to us ke aetebar se quran o hadees ko samne rakh kar fuqha masle batate hain.
      Ab isse murad ap sallallahu alaihi wasallam ne ye baat nahi batai thi ap lenge to wo ap lesakte hain hum nahi lenge ye matlab kyu ke rehnumai to Quran o Hadees hi se li gayi hai.
      Ghair Muqallideen urf Naam Nihad Ahle Hadees hazraat Har Juma ka khutba Ilaqai zaban me dete hain to mujhe Ap ek Hadees ya ek sahabi ka amal bataden ke unho ne Khutba Ilaqai zaban me diya tha.
      ya phir ap ye qabool karen
      Aap ke nazdeek Nabi Alayhi Salaam ki zaat ki ahmiyat to hai magar unki baat ki ahmiyat hai ya nahi is ka jaiza aap ko khud lena hoga.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s