ABU MUSLIM QAULANI(Rahmatullahi Alaih) KA EK WAQIA [SAHABA KO CHALLENGE KARNE KA SHUBAH]

ABU MUSLIM QAULANI(Rahmatullahi Alaih) KA EK WAQIA [SAHABA KO CHALLENGE KARNE KA SHUBAH]

 

بِسْمِ اللَّهِ الرَّحْمَنِ الرَّحِيمِ

FAZAEL E SADQAAT me Hazrat Shaikh Rahmatullahi alaih tehreer farmate hain :

“ Hazrat Abu Muslim Qaulani Rahmatullahi alaih ne Ek koda apne ghar ki Masjid me latka rakha tha aur apne NAFS ko KHITAAB karke kaha karte ke uth khada ho, Mai tujhe (Ibadat me) achi tarah ghaseetunga ,yahan tak ke tu thak jayega, Mai nahi Thakunga aur jab un par kuch Susti hoti to us kode ko apni pindliyon par maarte aur farmate ke ye pindliyan peetne ke lye mere GHODE ki nisbat ziada Mustahiq hain ye bhi kaha karte ke SAHABA KIRAAM(Razi Allahu anhum) yun samajhte hain (ke JANNAT ke saare darje ) wahi uda kar lejayenge, nahi hum unse (in darjon me) achi tarah MUZAHIMAT karenge, taake unko bhi Maloom ho jaye ke wo bhi apne peeche MARDON ko Chord aye hain.”

                                                                                                                [FAZAIL E SADQAAT :231-232]

Baaz logon ko Fazael e sadqaat ke Mazkoora Baala Waqia par ye shubah hua ke goya ABU MUSLIM KHAULANI (Rah..) SAHABA KIRAAM  Razi Allahu anhum SE UNKE Maqqm o Martaba me Muqabla aarai aur Zor aazmai kar rahe hain, haalanke koi Ghair Sahabi kam Darje ke Sahabi ke ADNAA Martabe ko bhi Nahi pohanch sakta.

JAWAAB :

Pehle Hum Quran se Mukhtasar ye bataenge ke Sahaba e Ikram ki sachi pairwi karne walo ke lye Allah ne Jannat ke Darajaat tai kar rakhen hai. Chunanche

Surah Tauba  Ayat 100 me Allah Ta’ala farmate hai

وَالسَّابِقُونَ الْأَوَّلُونَ مِنَ الْمُهَاجِرِينَ وَالْأَنْصَارِ وَالَّذِينَ اتَّبَعُوهُمْ بِإِحْسَانٍ رَضِيَ اللَّهُ عَنْهُمْ وَرَضُوا عَنْهُ وَأَعَدَّ لَهُمْ جَنَّاتٍ تَجْرِي تَحْتَهَا الْأَنْهَارُ خَالِدِينَ فِيهَا أَبَدًا ذَلِكَ الْفَوْزُ الْعَظِيمُ

Aur Jo Muhajireen o Ansaar (Iman lane me sab Ummat se) Sabiq aur Muqaddam hain aur (baqiyya Ummat me) jitney log IKHLAAS ke sath unke Pairu hain Allah un sab se Raazi hua aur wo sab Allah se Raazi hue, aur Allah ne unke lye aise BAAGH tayyar kar rakhen hain jin ke Neeche NEHREN beh rahi hongi, jin me wo Hamesha Hamesha rahenge (aur) ye Badi KAMYAABI hai.

 

A bap Ayat ko ghaur se padhen is Jumle

“وَالَّذِينَ اتَّبَعُوهُمْ بِإِحْسَانٍ”

“Se baat bilkul wazeh ho jarahi hai ke jitney log IKHLAAS ke sath unke Pairu hain Allah un sab se Raazi hua…” to isse pata chala ke Qayamat jo IMAN aur NEK AAMAAL me E SAHABA KIRAAM Razi Allahu anhumki Mukammil itteba kare Allah unse Raazi hai aur unke lye Jannat ke Darajaat hain.

Ab aye Aetraaz ki asal haqeeqat ki taraf:

Ye Aetraaz Darasal is wajeh se hua ke Mazkoora Waqie ko baghair nahi padha gaya , bus is Waqie ki Haqeeqat ye hai ke Huzoor Aqdas Sallallahu alaihi wasallam ki Mubarak Sohbat ki wajah se SAHABA KIRAAM Razi Allahu anhum ko Ibadaat me Mashaqqaten bardaht karna aur apne NAFS ka Ilaj karna Asaan tha , Lekin baad walon ko TAZKIYE ke lye SAKHT MUJAAHIDAAT karna Naguzeer hogaya hai, Hazrat Muslim Khaulani (rah) bhi NAFS ka ilaj karte hue shaded RIYAZATEN karte the , jab NAFS sust hojata tha to HAZRAAT E SAHABA KIRAAM Razi Allahu anhum ke Waqiaat, Ibaadaat ko yaad kar ke NAFS ko BARANGEKHTA kiya karte the chaunke QISSE ke ye Jumle

 

  1. ke SAHABA KIRAAM Razi Allahu anhum yun samajhte hain (ke JANNAT ke saare darje ) wahi uda kar lejayenge.
  2. nahi hum unse (in darjon me) achi tarah MUZAHIMAT karenge,

pehle jumle se saaf Maloom hota ke wo SAHABA KIRAAM Razi Allahu anhum ko JANNAT ke tamam Darjaat ka Mustahiq samajhte the.

 

Doosra jumla bata raha hai ke SAHABA KIRAAM Razi Allahu anhum ne apne Amaal li wajah se Khud ko JANNAT ke tamam Darjaat ka Haq daar banaliya tha HUM bhi Mujaahidon ke Zarye kuch Darjaat Haasil karlen.

Aur ye Baat bhi Malhooz  rahe ke CHALLENGE aur Muqabla Aarai ye to Masawi Shaqs se hoti hai aur yahan se SAHABA KIRAAM Razi Allahu anhum se to kisi WALI ya QUTUB waghaira ka koi TAQAABUL nahi hai to unko CHALLENGE karne ka kya maina?

 

Akhir me Dua hai ke
Allah Ta’ala Tamaam Musalmanon Ko Tassub Chhord Kar Haqq Kehne Sunne Aur Us Par Chalne Ki Taufeeq Ata Farmaye aur Ikhlaas ke sath Nek Amal me SAHABA KIRAAM Razi Allahu anhum ki kaamil pairwi o itteba karne ki taufeeq ata farmaye.

 

Ameen Ya Rabbal Aalameen.

 

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s