Falsafa E Hajj O Qurbani

Bismillahir Rahmanir Raheem

Wal fajr, walayalil ashr , walshafi’i walwatr wallaili izaa yasr , Hal fii zaalika qasamullazi hijr , (suraAlFajr Aayat 1-5)

Hazraat! Ulamae kiraam, Buzurgaan e Mohtaram Aur Biraderan e Azeez !!

Assalamo Alaikum warahmatullahi wabarakatuhu Jaisa ke guzishta ijtema’a me yeh arz kiya gaya tha is majlis ka asal maqsad yeh hai keh ham log baith kar apne halat ka jayeza len

aur marne k ba’ad aane wali zindagi ki tayyari ke liye islaah ki fikr karen.

yahan na koi ustad hai na shagird, na moallim hai na muta’allim hai na muslih hai aur  na zer e islaah balke ham sab ek hi kashti ke sawaar hain aur ham sab ek hi manzil ke baare me baith kar kuchh soch bichaar kar len, us ke liye kya tayari karni hai? kya kar sakte hain? aur kya nahin kar sakte ? bahmi muzakeraat ki barkat se Allah Ta’ala dilon me fikr o bedaari paida farma dete hain. chunanche isii fikr ke paida karne ke liye yeh ijtema’a munaqid kiya gaya hai Allah Ta’ala ham sab ko is ki barkaat ataa farmayen aameen

Ek Waqti Mutalebah :=

Islaah e Nafs aur aakhirat ki tayyari ke liye Deen ke ahkamaat o ta’aleemaat be shumar hain aur insha Allah raftah raftah mukhtalif maozooaat saamne aate rahen ge..Lekin is waqt khayal aaya keh ek waqti mutalebah hai us ke baare me kuchh guzareshaat arz kar doon. woh mutalebah yeh hai keh ek do din ke ba’ad Zilhajjah ka mubarak maheena shuru hone wala hai aur Allah ta’ala ne is maheene ko mukhtalif imtiyazaat bakhshe hain,

Jin se muta’alliq is ke kuchh ahkamat o ta’aleemat maujood hain to khayal aaya keh un se muta’alliq kuchh guzarishaat pesh kar di jayen ,kyun keh mere shaikh hazrat doctor Abdul Hayi Aarfi Qudusullah sirrahu farmaya karte the keh deen waqt ke taqaze par amal karne ka naam hai keh is waqt mujh se deen ka taqazah aur motalebah kya hai Aadmi agar isii waqti taqaze par amal kare to isee ka naam deen hai.

LOGON KI HALAT AUR ISLAH KA BEHTREEN NUSKHAH :=

Ek baat yaad aayee keh mere dost Shaikh Hazrat Maseehullah Khan Sahab Qaddasallah sirrahu ne ek bade kaam ki baat irshaad farmayee.

Log isee wajah se Islaah nahin kar pate keh woh maazii ke gham ya mustaqbil ki fikr me pade rahte hain aur isii gham o fikr ki wajah se haal ko nazar andaaz kar dete hain.. log is gham me rahte hain keh hamari guzishta zindagi badee kharab ,museebaton aur Allah ki nafarmani me guzree aur Mayus ho jate hain aur mustaqbil ki fikr hai keh aayendah kya hoga ?

is ke andeshe aur fikr ko apni jaan ka wazeefah bana liya , nateeja yeh hai keh haal yani maujoodah waqt me kaam karna bhool gaye. unhon ne farmaya keh

“ Islaah ka behtreen tareeqa yeh hai keh maazii aur mustaqbil ki fikr chhod kar haal ki fikr karo. Maazii me jo kuchh hua ,use bhool kar ek martabah Allah ki baargaah me aa kar arz kardo keh Aye Allah ! me ne jitne bhi gunaah kiye hain unhen Mua’af farma de… Astaghfirullahu min Kulli Zanbiw wa Atubu Ilaihi maazii ka hisaab to is tarah bebaq karo aur mustaqbil ki fikr me pade baghair haal ki fikr karo keh is waqt deen ka tum se kya mutalebah hai , bass uski fikr kar lo to tumhara maazii aur mustaqbil dono durust ho jayen ge. Jab tum haal ki fikr karo geto yeh tumhare liye maazii ban jaye ga aur mustaqbil rafta rafta haal banta jaye ga. yeh aisi ajeeb o ghareeb baat hai keh jis ki barkat amal karte waqt zahir hogi. lihazah hamen chahiye keh haal ki fikr karen maazii aur mustaqbil ki fikr me ise barbaad na karen. In sha Allah haal ki fikr se maazii aur mustaqbil apne waqti taqaze ke mutabiq hal hote jayen ge. Isii hawale se is waqt Zilhajj ke waqti mutalebah ke tahet is ke ahkamaat bayan kiye jayen ge Agarcheh keh baaten wahi hain jo ham ne sun rakhi hain aur hamen ma’aloom bhi hain

 

Lekin sun lena aur ma’aloom hona alag cheez hai jab ke amal karna dusri cheez hai, ba’az auqaat insaan ko koi baat ma’aloom hoti hai lekin us ki taraf amal ke lihaaz se tawajjuh nahin jati.  To is tarah Allah ke fazl o karam se umeed hai keh in sha Allah yeh muzakerah kaamyaab ho ga

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s