Reply :Lord Shiva was Muslims’ first prophet, says Jamiat Ulema Mufti Muhammad Ilyas

Assalamu alaikum.

HAMARA AQEEDA .

Allah Ta’ala Quran me farmate hain:

“Hum ne har Ummat me Koi Nabi bheja hai…”

(Surah Nahal 16 ayat 36)

Hamara Aqeeda ye hai ke Hum Imaan laate hain

Allah par uske farishton par uski kitabon par aur uske rasoolon par Aaakhirat par aur Taqdeer par.”

Rasoolon ke baare me hamara Imaan hai ke Allah Ta’ala ne Jitne Ambiya bhejen hum sab par Imaan laate hain.

Jin ke Baare me tafseel jitni batlayi gayi hai un par utni tafseel ke sath imaan laate hain aur jinke baare me hame nahi bataya gaya hai hum un par bhi imaan laate hain.

Hum jiske baare me Quran aur Hadees me nahi bataya gaya hai unke baare me hargiz ye nahi kehte ye Allah ke Nabi hai.

Hum Yaqeeeni Taur par keh hi nahi sakte ke ye fulaan Nabi the Jab tak ke Hame Nusoos (Quran o hadees aur Ijmaa e Ummat se ye baat nahi milti).

Koi Mufti Ilyas ka bayan aaya ke Hamare Hindu bhai jinhe “Lord Shiva” kehte hain wo Musalmano ke Pehle Nabi Hazrat Adam alaihis salam the.”

Hum sakhti se is baat ka rad karte hain kyu ke is baat ka saboot na Quran se hai aur Na Hadees se hai.

ye unki shakhsi raaye hosakti hai jiska Hum bharpoor rad karte hain.

Mufti Ilyas ki baat ko lekar bada hangama khada hogaya hai .
Khair ek baat yaad rakh len,
AHLE SUNNAT WAL JAMAAT KE AQAID KE KHILAF JO BHI KAHEGA US KI BAAT KO QABOOL NAHI KIYA JAYEGA.
AHLE SUNNAT WAL JAMAT KE AQAID ALHAMDULILLAH SAB MUDAWWAN MAUJOOD HAI.
KISI EK SHAKHS KI RAYE USKI ZAATI HO SAKTI HAI AUR US KA RAD BHI KIYA JATA RAHA HAI KIYA JATA RAHEGA.
IMAM TAHAWI RAHMATULLAHI ALAIH NE AQEEDATUT TAHAWI ME YE BAAT WAZEH KARDI KE ”
ولا نخالف جماعة المسلمين


“HUM UMMAT KE IJMA YANI JAMATUL MUSLIMEEN KI MUKHALIFAT NAHI KARENGE”

TO JO BAAT AQEEDE ME AHLE SUNNAT WAL JAMAT KE LIKHI JACHUKI HAI WO HAMARA AQEEDA HAI NA KE KISI KE TAFARRUDAAT KO HUM AQEEDA BANA KAR BAITHENGE.
CHAHE WO ILM ME KITNA HI BADA PAHAD HO USKI BAAT IJMAI AQEEDE KE KHILAF NAHI MAANI JAYEGI.

Ab rahi baat ke ye kehne walon ke Sath Lafz Qasmi likha hua hai isliye maine ek post dekhi jo ek Ghair Muqallid ne banai ke
Rasoolullah sallallahu aliahi wasallam ki baat ko chord kar Imamon ko maanoge to aisa hi hoga.

ye khabees Us bayan ki mukhalifat karne ka APNI ROTIYAN sekhne ki koshish kar rahe hain.
To Un ko batadun Zara Waheeduz Zaman ki kitaben padhlen .
aur rahi baat ye bayan dene wale Qasmi hai
to Qasmi hona ya naam ke aage lagana koi Motabar hone ki degree nahi hai.
ek Jala Uddin Qasmi sada hua Ghair Muqallid.
Maulana Khizar Qasmi db ne apne ek bayan me ek achi misaal di thi agar hum aise ko Qasmi maan bhi len to
jaise Ghair me Bhot si cheezon ki zaroorat hoti hai waise hi ek Zaroorat Baitul Khala ki bhi hoti hai.
Jo Aqeeda e Ahle Sunnat wal Jamat ke khilaf jaye to hum uski parwah nahi karte.
Chahe Ibne Taimia ho ya Ibne Qayyim rahimahumullah aur chahe
Waheeduz Zaman ho ya ye mufti Ilyas.

Note:

Jamiat Ulama e Hind ki taraf se inke Mufti Ilyas Qasmi(!?) ke Rad me press notes

jamiat ulama maharashtra jamiat ulama press note up

Kya Ulama e Deoband Quran ke Tarjuma padhne se Rokte hain?

Assalamu Alaikum,

11 Muqallideen jo Khud ko Ahle Hadees kehte hain unki gaadi baghair fareb diye ke nahi chal sakti.

In ho ne Ulama e Deoband par aur Khusoosan Shaikh Zakariya rahmatullahi alaih par ye bohtan baandha hai ke unho ne kaha ke “Quran ke Tarjume ke liye 15 Uloom ki zaroorat hai” haalanke Aisi koi ibarat Fazaele Aamaal me Shaikhul Hadeees rahmatullahi alaih ne nahi farmayi.

Balke Shaikhul Hadees rahmatullahi alaih ne farmaya kuch is tarah

“AHL E FANN NE TAFSEER KE LIYE 15 ULOOM PAR MAHARAT ZAROORI BATLAI HAI”(Fazael e Quran )

Scan:fazael e Quran_Page90

Musalman Bhaiyo Behno! Ek martaba is ibarat ko Phir se padhiye is me ye bataya gaya hai ke Quran e Kareem ki Tafseer karne ke liye 15 Uloom ki zaroorat hai na ke Quran e Kareem ko samajhne ya Tarjuma karne ke liye.

Kyu ke Quran e Kareem ki Tafseer Khud se yani Raye se karne ki mumaniat Ahadees me aayi hai jaisa ke Khud Shaikhul Hadees rahmatullahi alaih ne usi safhe par oopar ye baat batlai hai

“Jo Shakhs Quran e Paak me Apni Raaye se kuch kahe agar wo Saheeh bhi ho tab bhi us shakhs ne KHATAA(ghalti) ki”

Ye hadees Sunan Abu Dawood o Tirmizi ki hai.

AB Shaikhul Hadees rahmatullahi alaih ne Jo Uloom Ginaye hai unki fehrist hum yahan zikr karte hain:

  1. Lughat: jis se Kalaame Paak ke mufrad Alfaz ke maani maloom hojaye.
  2. Nahw (ye Arbi Grammar ka ilm hai jise Kalime ke Aeraab Zabar,zer pesh waghaira maloom hote hain)
  3. Ilm e Sarf( ye bhi Arbi Grammar ka Ilm hai jise Verbs ki detail ka ilm hota hai)
  4. Ishteqaq ka Janna zaroori hai (ye bhi Arbi Grammar ka Ilm hai Mushtaq se ishteqaq hai agar koi lafz 2 maaddon(roots) se mushtaq ho to uske maine Mukhtalif honge jaisa ke lafz مسیح hai us ka Ishtiqaq مَسح se bhi hai jis ke Maine “CHOONE aur TAR HATH KISI CHEEZ PAR PHERNE KE HAIN” aur مساحت se bhi jis ke maine Paimaish ke hain.
  5. Ilm Ma’aani
  6. Ilm e Bayaan
  7. Ilm e Badii
  8. Ilm e Qiraat
  9. Ilm e Aqaid
  10. Usool e Fiqh
  11. Asbaab e Nuzool
  12. Nasikh o Mansookh
  13. Ilm e Fiqh
  14. Un Ahadees ka jaanna zaroori hai take jo Quran paak ki Mujmal(ghair wazeh) aayat ki Tafseer me waqe hui hain
  15. Ilm e Wahbi jo Allah Ta’ala ka Atiya khaas hai apne Makhsoos bando ko ata farmata hai.

(Fazael e Quran)

Scan:fazael e Quran_Page91

Note: In Uloom ki mukhtasar  Tafseel Fazael e Aaamal me hi likhi hui hai ap ek martaba padh kar andaza karlen ke ye kitne ahem hai aur kyu hai.

Ab aaye dekhte hain kya ye Ulama e Deoband kehte hain ke Quran ki Tafseer ke liye in uloom ki zaroorat padhti hai???

jab ke Fazael e Quran ke shuru me Shaikhul Hadees rah ne bata diya tha ke Apne fulaan fulaan kitabon se Hadeesen li hai agar unke ilawa kisi kitab se li to uska hawala dediya hai unme Qaabil e Zikr kitaben ye hai مرقاة شرح مشكاة ، ترغيب و ترهيب للمنذري اور اتحاف السادة شرح احياء علوم

(tafseel safha no 5 me padhye fazael e Quran)

Jab Maine Mirqaat me dekha to Yahi Sharten Saahib e Mirqaat Mulla Ali Qaari rahmatullahi alaih (mutawaffa 1014 Hijri ) ne Mishkaat Ki Mashhoor Sharah Mirqaatul Mafateeh me naqal farmayi

بِخِلَافِ مَنْ كَمُلَتْ فِيهِ آلَاتُ التَّفْسِيرِ وَهِيَ خَمْسَةَ عَشَرَ عِلْمًا: اللُّغَةُ، وَالنَّحْوُ، وَالتَّصْرِيفُ، وَالِاشْتِقَاقُ، لِأَنَّ الِاسْمَ إِذَا كَانَ اشْتِقَاقُهُ مِنْ مَادَّتَيْنِ اخْتَلَفَ الْمَعْنَى بِاخْتِلَافِهِمَا، كَالْمَسِيحِ هَلْ هُوَ مِنَ السِّيَاحَةِ أَوِ الْمَسْحِ، وَالْمَعَانِي، وَالْبَيَانُ، وَالْبَدِيعُ، وَالْقِرَاءَاتُ، وَالْأَصْلَيْنِ، وَأَسْبَابُ النُّزُولِ، وَالْقَصَصُ، وَالنَّاسِخُ، وَالْمَنْسُوخُ، وَالْفِقْهُ، وَالْأَحَادِيثُ الْمُبَيِّنَةُ لِتَفْسِيرِ الْمُجْمَلِ وَالْمُبْهَمِ، وَعِلْمُ الْمَوْهِبَةِ، وَهُوَ عِلْمٌ يُورِثُهُ اللَّهُ لِمَنْ عَمِلَ بِمَا عَلِمَ

(Mirqaatul Mafateeh 1/446)

Scan:mirqaat uloom e tafseer

Aur aage Dekhiye Ibne Hajar rahmatullahi alaih ka yahi Qaul Ghair Muqallideen ke Muhaddis Abdur Rahman Mubarak Poori apni Kitab Tohfatul Ahwazi me naqal farmayi hai

(Tohfatul Ahwazi 8/280)

Scan:tohfatul ahwazi uloom e tafseer

To jo Baat Shaikhul Hadees rahmatullahi aliah ne naqal ki hai Mirqaat se us ki ghalat wazahat aur us ibarat ko Ghalat padh kar ulama e deoband par aur khusoosan hamare Tableeghi Bhaiyon par ye aetraz kiya jata hai ke Wo Quran ko samajh kar nahi padhna chahte aur Tauseefur Rahman Zaidi kazzab ne Ulama par ye tohmat bhi lagadi ke wo Awaam Ko Quran ke samajhne se door rakhte hain

Lekin fazael e Aamaal me Fazael e Quran padhiye aur Dekhiye Quran se kitna qareeb laaya gaya hai.

Muqaddame me Quran e Kareem ke Aadab me Shaikhul Hadees rahmatullahi alaih ne bhot se aadab bataye un me ye bhi bataya ke

“4.MAAANI KA TADABBUR KARE AUR LAZZAT KE SATH PADHE…..

  1. Jin Aayat ki Tilawat kar raha hai Dil ko Un ke taabe banade maslan agar Aayate Rehmat zaban par hai Dil Suroor e mahez ban jayeaur Aayat e Azaab agar aagayi hai todil laraz jaye”

Scan:

fazael e Quran_Page82

Phir aage Hadees No.1 kke faide ke tahet ye farmate hain

“KAMAAL ISKA YE HAI KE MATAALIB O MAQAASID SAMET SEEKHE AUR ADNA DARJA IS KA YE HAI KE FAQAT ALFAZ SEEKHE.”

Scan:

fazael e Quran_Page83

Phir Aage Hadees NO 9 ke Faide ke tahet TARTEEL ke aadab zikr kiye hain jin me bhi aakhir me yun naqal farmate hain:

“MAQSOOD IN SAB SE SIRF EK HAI YANI KALAAM E PAAK KA FAHEM O TADABBUR”

Scan:

fazael e Quran_Page94

Aur bhi Bhot zor diya hai Quran ko Hifz karne aur samajhne par Ap Fazael e Quran ka mutalaa kijiye in sha Allah Quran ko padhne samajhne ka Shauq paida hojayega.

Allah paak Farebiyo ke Fareb se Hamari hifazat farmaye aur unhe bhi nek taufeeq ata farmaye, Hamara Khatma Imaan par farmaye.

Aameen.

FBS