Aaj Tum Par Koi Ilzaam nahi Allah Tumhe Maaf kare

qurani naseehat

بسم اللہ الرحمن الرحیم

Assalamu alaikum.

Allah Ta’ala ne Quran e Majeed me farmaya:

“Quran Naseehat hai Saare Alam walon ke liye.”(Surah Yusuf 104)

Hazrat Yusuf Alaihis salam aur unke bhaiyon ke bare me jo Sawal kiye the unse Allah Ta’ala farma rahe hain.

“Yaqeenan Yusuf(Alaihis salam) aur Unke Bhaiyon me Sawal karne walon ke liye Nishaniyan hain.”(Surah Yusuf 7).

Aayye Is waqie ke Beshumaar Nasheehaton aur Nishaniyon me se ek ki taraf hum nazar daalte hain aur Usse Sabaq Hasil karte hain.

Hazrat yusuf Aliahis salam aur Unke Bhaiyon ke Waqie ka Khulaasa:

1.Yusuf Alaihis salam ne Khwab dekha ke Chand Suraj aur 11 Sitare unhe Sajda kar rahe hain us waqt Ap chote the Apne Apne Khwab ka Zikr Apne Walid Yaqoob (Alaihis salam) se farmaya.(Ayat 4)

2.Yaqoob Alaihis Salam Shaitan aur Uski Shaitaniyat se waqif the Apne Unse farmaya ke Apna Ye Khwab Bhaiyon se Zikr mat karna kyuke wo Kuch Sazish karenge. Beshak Shaitan Insan ka khula dushman hai. Wajeh iski ye hai ke Is khwab ka me jo Chand,Suraj the Wo Yusuf Alaihis salam ke walidain the aur 11 Sitare Yusuf Alaihis salam ke 11 Bhai the, to iski wajeh Se Mumkin tha ke Shaitan Bhaiyon me Waswasa dale Apke mutalliq.(Ayat 5)

  1. Yusuf Aliahis Salam ko Yaqoob Alaihis Salam bhot Chahte the Sab Bhaiyon me Ziada isliye doosre Bhai jo bade the un logon ne Planning ki aur Chaha ke Apne walid ki Muhabbat Apne liye Khaas Karen aur Mashwara kiya aur Usme Aakhir me ye Tai hua ke Yusuf (Alaihis salam) ko Gehre Kunwe me daldenge take unhe koi Musafir/Qafila Utha kar lejaye.(Ayat 10)
  2. Apni Planning ke zarye unlogon ne walid Sahab se Ijazat leli Yusuf (Alaihis salam) ko Bahar lejane ki aur wahan jakar unhe Kunwe me daaldiya.(ayat 15)
  3. Ghar Rote hue Aaye aur Yaqoob (Alaihis salam) se kaha ke Yusuf (Alaihis salam) ko bhediye ne khaliya.(Ayat 17)

6.Yaqoob (Alaihis salam) ne Sabr kiya aur Yusuf (Alaihis salam) ko Ek Qafila Ghulam samajh kar bech diya aur wo Unko MISR lejakar Bech diye.(Ayat 20)

  1. Azeez e Misr ne Unhe Kharida aur Apne Ghar me Izzat o Ihtram se rakha aur Apni Biwi ko bhi isi ka Hukm diya, aur wahan Par bhi Yusuf Alaihis salam ki Azmaish hui, wo ALLAH KI PANAH maang kar Usme Sabit Qadm rahe aur Bil Aakhir wo JAIL me gaye.
  2. Wahan par 2 Qaidiyon ne apne Khwab Zikr kiye aur Yusuf (Alaihis salam) ne unki tabeer batayi neez wahan TAUHEED ki DAWAT bhi di.(ayat 33-40)
  3. phir Allah Ta’ala ne wahan se Apko Misr ke Khazano ka Maalik banaya aur MISR aur Uske Atraaf me Sakht Qahet aaya.
  4. Wahan Kan’aan se Unke Bhai bhi Ghalla lene aye. Unko Yusuf (Alaihis salam) pehchan liye lekin wo log Nahi pehchane(ayat 58).
  5. Yusuf (Alaihis salam) ne Hikmat se apne Chote Bhai ko bhi agli martaba unhe lane ke liye kaha aur jab wo log le aye to unhe apne paas ek Tarkeeb ke zarye rakh liya.(ayat 59-77)
  6. Phir Yusuf (Alaihis salam) ne unse kaha wo bhi Tumhe Yaad hai jo Tum ne Yusuf aur uske Bhai se (bartao) kiya tha Jabke Tum Nadaan the.(Ayat 89)
  7. Bhaiyon ne Daryaft kiya ke Kya Aphi Yusuf ho, Yusuf Alaihis salam ne farmaya Haan Mai Yusuf hun aur ye Mera Bhai hai Beshak jo TAQWA Ikhtyar kare aur SABR kare to Beshak Allah Ta’ala Neki Karne walon ka Ajr Zaya nahi karte.(Ayat 90)
  8. phir Bhaiyon Ne Ghaltiyon ka Ikhrar kiya to Yusuf Alaihis Salam ne farmaya: AAJ TUM PAR KOI ILZAM/MALAMAT NAHI, ALLAH TA’ALA TUMHARI MAGHFIRAT FARMAYE.(AYAT 92)
  9. Phir Poore Ghar walon ko MISR laane ke liye farmaya, wo lekar aagaye aur Sab ne Yusuf Alaihis salam ko Sajda(Tazeemi) kiya. Yusuf Alaihis salam ne apne Yaqoob Alaihis Salam se farmaya:
  10. “Aye Mere Abba Jaan Ye Mere pehle wale Khwab Ki tabeer hai Mere Rab ne use Sach kar dikhaya aur usne mere Sath Ahsaan us waqt kiya jab mujhe Qaid khaane se nikala aur Ap sab ko Sehra se le aaya Baad is ke keh “SHAITAN NE MERE AUR MERE BHAIYON KE DARMIYAAN FASAAD DALWADIYA THA” Beshak Mera Parwardigaar jo chahta hai uski Tadbeer kardeta hai, Beshak Wahi Ilm wala,Hikmat wala hai.(Ayat 100)

Is waaqie ko Dubara ghaur se padhen, Yusuf Aliahis salam ke Bhaiyon ne Planning se Apko Nuqsan pohanchaaya Lekin Jab baad me mulaqat hui to Yusuf Alaihis salam ne unko Yaad dilana chaha to Kya andaz apnaya Ayat 89 me JAB TUM NADAAN the farmaya, phir Bhaiyon ki Nadamat par Unse Badle ki baat nahi ki balke farmaya: AAJ TUM PAR KOI ILZAM/MALAMAT NAHI, ALLAH TA’ALA TUMHARI MAGHFIRAT FARMAYE (AYAT 92). Aur Phir jab walid ko bhi Khwab ke sacha hone ki khabr di to Bhaiyon ne jo kiya tha uske baare bus itna farmaya SHAITAN NE MERE AUR MERE BHAIYON KE DARMIYAAN FASAAD DALWADIYA THA

Yusuf Alaihis Salam me chupi sainkdon Naseehaton me se ye Ek Naseehat hame Milti hai ke, Jab Apas me Ikhtelaf hojaye aur phir agar Kisi ko Ghalba miljaye to Use yahi kehna chahye ke Aj Tum par Koi ILZAAM Nahi, Allah Tumhari Maghfirat farmaye, Shaitan ne Hamare Darmiyan fasaad daal diya tha…….

Nabi e Kareem Sallallahu alaihi wasallam ka bhi yahi Uswah tha ke Ap sallallahu alaihi wasallam  ne FATHE MAKKAH ke Din Quraish e Makkah se yahi kaha tha ke AJ TUM PAR KOI ILZAAM nahi.

To Ayye Hum Sab Is Sabaq ko Ache se Yaad karlen, to In sha Allah Zindagi Khushgawaar Guzregi aur Aakhirat bhi.

Allah Ta’ala Deen ki Saheeh Samajh ata farmaye aur Nek Aamaal karne ki Taufeeq Naseeb farmaye.

aameen

FBS

Advertisements

1 thought on “Aaj Tum Par Koi Ilzaam nahi Allah Tumhe Maaf kare”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s