Ulama e Kiraam Kya kar rahe hain

Ulama e Kiraam Kya kar rahe hain

Assalamu alaikum.
Ek hota hai Imaan ki Hifazat aur doosri sarhadon ki Hifazat.
Musalmano ko mutlaq dono kaam karne hain.
Kyu ke Islami hukumat nahi hai to filhaal sarhad ki hifazat ka kaam nahi hai lekin Musalmano ke Imaan ki hifazat baaqi hai aur wo aur ziada hai kyu ke sab se ziada Musalmano ke Imaan par Hamla horaha hai.
Alag Alag fitne Imaan par daaka daalne ke liye Namoodar horahe hain jinki wajeh se Ahl e Haq Ulama ki Neenden bhi udd gayi hain aur wo unke ta’aaqub ke silsile me pareshan aur Duaen karte rehte hain aur Iqdamaat bhi karte rehte hain.
Kabhi Qadiyaniat ke roop me Imaan ke daakoo aate hain to kbahi Mehdawiyat ka chehra lekar,
Kabhi Hadees ka Inkar Kar ke aate hain to kahin se Islami Qat’iyyaat ka inkar karke aate hain.
In sab Cheezon se Ulama e Haq Ummat ke Imaan ki hifazat karne ke liye Iqdamaat karte rehte hain.
Aur Ulama ke Ambiya ke waris hone ki zimmedari bhi ada karte rehte hain.
Lekin Baaz Kam fahem aur Door andeshi se door log aise hote hain ke unko Ulama ki ye fikren aur is line ke Iqdamaat nazar nahi aate aur wo Ulama e Kiram par FATWE lagate rehte hain ke France me aisa horaha hai Ulama kahan hai?
Fulaan jagah aisa horaha hai Ulama kahan hai?
Unko aap kabhi ye nahi dekhenge ke Khud se kuch karte hon balke hamesha Ulama se logon ko door karne ki fikr hoti hai.
Aur Ulama ko America aur Yahood ke TALWE chaatne wala kehne me bhi inhe zara bhi jhijak nahi hoti hai.
Qadiyani ayenge to inhe kuch parwa nahi,
Khatm e Nabuwwat ki inhe kuch fikr nahi hogi.
Gauan dihaat me Qadiyanio aur Isai missionaries ke khilaf ulama ki khidmat jo hoti hai uske baare me ek lafz nahi kahenge lekin Ulama ko badnaam karne ka 1 mauqa bhi hath se jaane nahi denge.
Kya france,palastine,Iraq,Syria me jo horaha hai usko rokne ki zimmedari sirf ULAMA ki hai???
Har Musalman ki nahi?
Kya Ek musalman ka jo doosre Musalman se rishta hai wo Alim hone ki bunyad par hai ya kalima go hone ki Bunyaad par?
Agar Ye kaam sirf Ulama ka hai to Ap kyu Ilm Haasil kar ke ye kaam nahi karte bajaye iske Ke Ulama par bhonke.
Facebooki Mujahideen ka sabse aasan kaam yahi hai ke Ulama par Ya Tableegh karne wale Awaam par La’aan Ta’aan kare aur wo khud Sirf Facebook par badi badi denge maaren.
Meri Un Hazraat se Guzarish hai ke wo Practical bane sirf Ulama par tanqeed na karen khud ka bhi jayeza len.
Har ek ki apni field hoti hai wo usme kaam karta hai aur har ek ko apna range maloom hota hai.
Agar Apki fikr Saheeh me Allah ke liye hai to bajaye facebook par ulama ke khilaf kehne ke Apke Ilaqe ke Jo Zimmedar Ulama hain un se raabta karen aur Apni Baat ko saamne rakhen aur unke sath Apna waqt Guzaren.
Tahaffuze Khatme Nabuwwat ho ya jamiat Ulama e Hind ho ya aur koi Ulama ki tanzeem ho unse musalsal rabta rakhen aur dekhen wo kya kar rahe hain , aur unse apni baat bhi kehte rahen.
Ulama Political parties ke leaders nahi hote ke Har Baat ke liye Media me aakar kahen ya Facebook/Twitter par update karen.
Wo Allah ke liye karte hain dikhawe ke liye nahi.
Allah Paak Ulama e Haq ki hifazat farmaye aur tamam Musalmano ko Unki Qadr karne ki taufeeqa ata farmaye.
Aameen.
FBS

Fuqaha e Sahaba

 

Assalamu alaikum,

Aapne Suna hoga ke Taqleed agar Achi cheez hoti to Sahaba bhi karte the, Sahaba kisi ki taqleed nahi karte the isliye Hum bhi nahi karte hain.

Allama Ali Bin Almadeeni rah jo Imam Bukhari ke Ustaad hain ne apni Ilal me Sahaba ke mazaahib ko zikr kiya hai ke unme se 3 Sahaba aise the jinke Apne Mazaahib yani Maslak hote the aur degar unhi ke Maslak par ya unhi ke fatwe par fatwa dete the. Masrooq rahmatullahi aliah ka Qaul bhi naqal kiya hai ke Sahaba ke Ilm ki inteha sirf 6 Sahaba me thi. Un Sahaba ko Fuqaha e Sahaba kaha jata hai.

Is Tafseel ye Maloom hua ke Faqeeh o Mujtahid ki Taqleed har waqt rahi hai, aap naam use jo chahe delen lekin Jo Mujtahid na Ho US par Taqleed Laazim hoti hai.

Ab hum Ali Bin Al Madeeni rahmatullahi alaih ka mukhtasar taruf aur Unki Kitab Ilal se Hamari baat pesh karte hain.

***Ali Bin Al Madeeni  rahmatullahi alaih Basrah me 161 Hijri me paida hue aur Ap ki wafaat 234 Hijri me hui.

***Imam Bukhari Rahmatullahi alaih farmate hain ke “Main Kisi ke Saamne Khud ko CHota nahi samajhta siwaye Ali Bin Al-Madeeni ke”(Tareekhe Baghdad 11/463)

Imam Bukhari ke Ustaad Ali Bin Al-Madeeni Apni Kitab Al-Ilal me tehreer farmate hain:

  1. Masrooq rah ne farmaya: Maine Ashaab e Muhammad ﷺ ko Jaancha to maine Unka Ilm ki inteha 6 logon ke paas paayi Unme se “Omer,Ali,Abdullah,Abu Dardaa,Ubai Bin Ka’ab aur Zaid Bin Sabit Razi Allahu anhum hain phir Maine in 6 Sahaba Razi Allahu anhum ko jaancha to maine Unke Ilm ki Inteha Ali Aur Abdullah Bin Masood Razi Allahu anhum me paayi.

Aage chal kar likhte hain:

14.“Ashaab e Rasool ﷺ me nahi the Jinko Rasool ﷺ ki Sohbat mili thi Jo Apna Mazhab Banate aur Khud ka Fatwa dete aur Apne tareeqe par chalet Siwaye 3 ke yani Abdullah Bin Masood Razi Allahu anhu, Zaid Bin Sabit Razi Allahu anhu aur Abdullah Bin Abbas Razi Allahu anhu.

15.Chunanche Abdullah Bin Masood Razi Allahu anhu ke Ashaab Jo unhi ke fatwe par Fatwa dete the aur Unhi ki Qirat karte the wo ye hain Alqama Bin Qais, Aswad Bin Yazeed,Masrooq,Ubaida Salmani,Haris Bin Qais aur Amr bin Shurahbeel.

(Al-Ilal LiIbne Madeeni 42)

Scan:sahaba k mazahib alibinmadeeni

Aage Chal kar likhte hain:

29.Ashaab e Muhammad ﷺ me se koi nahi the ke jinke Ashaab hote jo unke Fiqh me Unke Qaul par Fatwa dete siwaye 3 ke: Abdullah Bin MAsood,Zaid Bin Sabit aur Abdullah Bin Abbas razi Allahu anhum. Inme se Har ek ke Ashaab the Jo Inke Qaul par Amal karte the aur Logon ko Fatwa dete the.

(Al-Ilal LiIbne Madeeni 45)

Is se Maloom hua ke Sahaba razi Allahu anhum me bhi 2 Qism ke tabqe hote the 1 unka jo Faqeeh o Mujtahid hote the aur doosre Unka Jo Un Fuqahae Sahaba se Masla daryaft kar ke Us par Amal karte the.

Note: Agar koi Ye Ishkaal kare ke phir Sahaba ki Taqleed kyu nahi karte to uska Mukhtasar Jawab ye ke Unke Mazaahib Mudawwan(Compile) nahi hue, Jiski wazahat Imam An Nawawi ne Apni Kitab Al Majmoo Sharah Muhazzab 1/92 me kardi hai.

FBS

Firqa Parasti se Hum Nafrat karte hain

AHLE SUNNAT WAL JAMAAT

Hum Jamaat Ke Sath Rehna Pasand Karte Hain Aur Firqa

Bandi Ko Kaj Rawi Aur Azaab Samajhte Hain.
(Aqeedatut Tahawi)
Ahle Sunnat Wal Jamaat Yani Wo Jamaat Jo Sunnat E Nabawi
ﷺ Aur Sahaba Razi Allahu Anhum Ki Pairwi
Karti Hai Hum Uske Sath Rehna Pasand Karte Hain.
Ab Dekhiye
Shia Aaye Sahaba Ki Gustakhi Kar Ke Kat Gaye.
Khawarij Aaye Ali, Muawiya Razi Allahu Anhum Ko Kafir Keh
Kar Kat Gaye,
Motazala Aaye Quran O Sunnat Ko Aqal Par Rakh Kar Kat
Gaye,
Qadriya Aaye Taqdeer Ka Inkar Kar Ke Kat Gaye,
Mujassama,Murjiya,Mushabbaha/………… Ye Sab Aakar
Katte Gaye Baaqi Ahle Sunnat Wal Jamaat Ab Bhi Hai Aur
Firqe Degar Katte Jarahe Hai. Koi Ijma O Qiyas Ka Rad Kar
Ghair Ke Muqallid Naam Nihad Ahle Hadees Hue To Koi Aur
Firqa Bana Baithe.
Alhamdulillah Ahle Sunnat Wal Jamaat Pehle Se Hai Aur In
Sha Allah Qayamat Tak Rahegi.
Note: Ahle Sunnat Wal Jamaat Ka Tattoo Lagane Wali Jamat
Nahi Wo To Ahle Bid’at Wal Kharafaat Hai.

Rasoolullah Sallallahu alaihi wasallam ki Naseehat

Rasoolullah Sallallahu alaihi wasallam ki Naseehat:

gaali ka badla

“Agar koi Shakhs tumhe GAALI de aur tumhare kisi AIB par tumhe AAR dilaye jise wo jaanta hai to tum (Inteqaman) uske kisi AIB par jise tum jaante ho Aar na dilaao kyu ke uska Gunah use hi milega.”

(Abu Dawood)
Maslaki o Mashrabi Ikhtelaafaat me ek doosre ki zaatiyaat aur ek Doosre ke Ulama par Keechad Uchalne wale hamare wo bhai jo Saamne wala aisa kar raha hai samajh kar Khud ke liye Jawaaz Sabit karne ki koshish karte hain wo thoda Imam Ul Ambiya Sallallahu alaihi wasallam  ki Is Naseehat ko Baar Baar padhen aur Khud ka Jayeza len aur Tauba o Istighfaar karen aur Aisi kisi bhi Kaam me Hissa na len aur Doosron ko bhi roke. Beshak Allah ke Rasool Sallallahu alaihi wasallam  me hamare liye ek Behtreen Namoona (Ideal) hai.
Kisi ke Ghalat Amal karne se hum ko us Amal ke karne ka jawaz nahi milta.
Yaad rakhen! Qayamat ke Din har baat ka jawab dena padega jab ye nahi keh sakte ke Usne Mujhe ya Mere Alim ko Gaali di to maine Use di.
Usne Mere Alim ki Photo Edit ki to Maine bhi ki.
Ye koi Uzr Nahi hoga.
Allah Ta’ala Hame Deen ki Saheeh Fikr ata farmaye.
Aameen.

FBS