HAZRAT Mehdi MUHAMMAD BIN ABDULLAH AUR Mehdi E KAZZAB SHAKEEL BIN HANEEF LANATULLAH

HAZRAT Mehdi MUHAMMAD BIN ABDULLAH AUR Mehdi E KAZZAB SHAKEEL BIN HANEEF LANATULLAH
S NO. HAZRAT Mehdi MUHAMMAD BIN ABDULLAH KE ALAMAAT AUR AUSAAF AHADEES ME JIS JAGAH INN ALAAMAT KA ZIKR HUA HAI USSKA HAWALA Mehdi E KAZZAB SHAKEEL BIN HANEEF LANATULLAH KE HALAAT
1 Hazrat Mehdi Hazrat Fatima r.z ki aulad me se honge. Tirmizi, Abu Dawood, Haakim, Musannaf ibn Abi Shayba Shakeel ne iss hadees ka ye kah kr inkar kr dea ke aaj kal khandan ka koi record nhi halanki Arbo me aaj bhi nasab ko mahfooz krna ek aam baat hai.
2 Hazrat Mehdi ka naam Muhammad aur walid ka naam Abdullah hoga yaani Hazrat Mahadi Muhammad Bin Abdullah honge. Tirmizi, Abu Dawood, Haakim, Musannaf ibn Abi Shayba Shakeel ka naam aur waldeyat hadees se bilkul alag yaani Shakeel Bin Haneef.Iss Nalaiq ke mutabiq naam se sirf Muhammad se shuru hona aur Waalid se Hazrat Ibrahim a.s ka sifati naam kaafi hai.Agar Shakeel ki ye taweelen maan li jaen to sirf Hind o Paak me hi Lakho Mehdi ho jaenge kyunki yahan aksar musalman apne naam ko Muhammad se shuru karte hain aur waalid ka naam bhi Huzoor ﷺ ke kisi na kisi Dada se mil hi jaega.Jaise Muhammad Saad bin Ismaeel, Muhammad Khalil bin Hashim etc.
3 Hazrat Mehdi Madeena Munawwara ke Rahne waale honge. Abu Dawood Shakeel Darbhanga , Bihar ka rahne waala hai aur Madeena se Madeena ka lafzi meaning ‘Shahar’ leta hai jis tarah Mirza Qadyani ne Damishq se murad Qadyan liya tha.
4 Hazrat Mehdi Roshan Chehra, Kushada peshani aur buland naak waale honge. Abu Dawood, Haakim Shakeel ke andar ye sifat bhi maujood nahi aur agar wo masnui(artificially) taur pe ye cheez paida kar bhi le to baaqi alaamate jo piche guzri maslan khandan aur muqam wo cheez nahi.
5 Hazrat Mehdi ke zahoor se pahle Shaam o Iraq wa Misr ki naka bandi, Darya e Furat se Sone ke Pahard ka zahoor, Mina me hujjaj ki bahmi khoonrezi aur sufyani ka fitna angez khurooj hai. Muslim, Musannaf ibn Abi Shayba, Abu Dawood, Haakim, Ibn Maaja Inn saare waqyat me sirf Iraq o Shaam ka waqya zahoor me aaya hai aur baaqi waaqyat ke hone se pehle Shakeel ka Hadeees e Nabwi ﷺ ke sath mazaq karke dawa karna yaqeenan Aap ﷺ ki peshangoi ko jhutlaana hai.
6 Hazrat Mehdi logon ke israr karne pe sabse pehle Hajr-e-Aswad aur Muqam-e-Ibraheem ke darmiyaan Bait krenge. Abu Dawood, Musnad Ahmad, Tabrani Shakeel ne apne Mehdi hone ka dawa khud se Laxmi Nagar, Delhi me kiya.
7 Shaam wa Iraq ke Ulema, Aulia, Qutub Hazrat Mehdi ki Khabar sunte hi unnse Bait karenge. Abu Dawood, Tabrani Ulama, Aulia aur Qutub Shakeel Fraud se bait karne ke bajae usspe Kufr ka fatwa laga chuke hain.
8 Hazrat Mehdi ki khabar milte Shaam se ek lashkar unnpar hamla ke liye chalega jo muqam Baidaa pe zameen me dhansa diye jaenge. Muslim Shakeel ke kaun se mukhalfeen ka lashkar zameen me dhansaya gya.
9 Hazrat Mehdi ke zahoor se pehle Darya-e-Furat se Sone ka Pahard niklega jiske liye Khaleefa ke teen ladko ke beech aisi jung hogi jisme 99% qatal ho jaenge. Muslim, Ibn Maaja Shakeel hame uss Sone ke Pahard ka apta de aur usske liye jo khoon kharaba hua usska bhi data de.
10 Ek Khaleefa ki maut pe usski jaanasheni pe ikhtelaf hoga aur phir foran hi Hazrat Mehdi Muhammad bin Abdullah ka zahoor hoga. Musnad Ahmad, Abu Dawood, Haakim Shakeel ne iss hadees ki taweel ye ki ke 1995 me Tabligi Jamat ke Ameer Maulana Inamul Hasan r.a ka inteqal hua halanki uss jahil aur ahmaq ko itna bhi ilm nhi ke Khaleefa sharii zuban me uss Haakim ko kahte hain jo islami nizam ka waali ho jabki Maulana Inamul Hasan Kandhlavi r.a sirf ek Jaamat ke ameer the.
Note: “1. Shakeel ya usske chele ko jab Aap ﷺ ki Saheeh Ahadees sunai jaati hai to wo Iblees ke zariye sikhae gaye kuch mantr ki bakwas shuru kar dete hai jaise peshangoiya ghaib ki baat hai aur isska saheeh Ilm Allah ke siwa kisi ke paas nahi iss liye kisi peshangoi ka saheeh matlab usske ho jaane ke baad hi samajh me aa sakta hai.Ye baat manwane ke baad wo aasani se Hazrat Mehdi ka naam Muhammad Bin Abdullah ki jagah Shakeel bin Haneef aur unnka watan Madeena Munawwara ke bajae Lakshmi Nagar, Delhi aur saari Ahadees ko isi tarah apna paband banata jaata hai.
2. Sirf 1-2 Alaamate hone se koi agar ye kahe ke wo Mehdi hai to yaqeenan wo kazzab hai balke Jis shakhs ke andar ye saari alaamate maujood hongi wo hi Hazrat Mehdi Muhammad Bin Abdullah honge. (Wo bhi Unki Baatil Taweel ko agar Qabool kiya jaye warna Shakeel Mal’oon me Ek bhi Alamat Hazrat Mehdi ki nahi payi jati.)
3. Upar di gayi kuch Ahadees aur usspar tabseera namoone ke taur pe sirf ye batane ke liye hai ke Shakeel bin Haneef Kazzab hai warna Hazrat Mehdi ke hawale se Siha Sitta ki kitabo me Saheeh Ahadees bhari padi hai aur unnka asal karnama Jung ke maidan me hai jabki Shakeel ka jung ke maidan se kuch waasta hi nhi.”

Mehdi o shakeel

Advertisements

MEHDI-E-KAZZAAB SHAKEEL BIN HANEEF

 

MEHDI-E-KAZZAAB SHAKEEL BIN HANEEF

Maseeh o Mehdi e Kazzab Shakeel Bin Haneef ki Haqeeqat jaanne aur Zuhoor e Mehdi aur Nuzool e Eisa alaihis salam aur Unke Zarye Shakeel Bin Haneef Kazzab aur In Muqaddas Hastiyon ke Darmiyan Taqabuli jayeza zaroor padhen aur Khoob Samjhen aur apne Bhaiyon o Behno ke Imaan ki Hifazat Karen.

Imam Mehdi ki ahadees me bhot si alamaten manqool hain hum ne unme se pandrah (15) ko muntakhab kar ke Shakeel ko har kasoti par rakha hai aur un tamam tar Tehreefaat ka pardah bhi chaak kiya hai jin ke Zariye wo Ummat-e-Muslimah ki aankhon me Dhool jhonkna chahta hai, hamare Taqabuli jayeze ko padh kar Qaraeen Khud Mehsoos karenge ke is par Mehdi ki koi Alamat bhi fit nahi hoti aur wo Sirf Dhandli ke zor par us mansab ko ghasab karne par tula hai, is liye iska dawa sarasar jhoot aur fraud par mabni hai, Aakhir me ye bhi wazahat karte chalen ke hum ny tajziye ke dauraan Shakeel ko kahin bhi rawadari ka mustahiq nahi samjha aur har jagah us ka tazkirah Bil Ro Ri’ayat kiya, agar ye koi khoobi hai to us ka saba Imaani Ghairat o Hamiyyat hai, Lekin kuch log agar is usloob ko pasnad nahi karte to ye aisa qusoor hai jis par musannif ko ksii mazirat ki zaroorat nahi. Baari Ta’ala Har Musalman ko is fitne se bachaye.

Was Salaam

(Mufti) Asad Qasim Sambhali

 

Mazameen Ki Tarteeb:

Humne Tarteeb waar Mazameen ki Link Dedi hai , Ek se Doosre Mazmoon me kuch munasibat hogi is liye Tarteeb se mazameen ko padhen.

1.  Tareekh Dawaye Mehdawiyat

2.  Maseeh-e-Kazzab Shakeel Bin Haneef ki Kitab ka Jayeza

3.  ALAAMAATE MEHDI KI RAUSHNI ME SHAKEEL KA POST-MORTEM:1

4.  ALAAMAATE MEHDI KI RAUSHNI ME SHAKEEL KA POST-MORTEM:2

5.  ALAAMAATE MEHDI KI RAUSHNI ME SHAKEEL KA POST-MORTEM:3

6.  ALAAMAATE MEHDI KI RAUSHNI ME SHAKEEL KA POST-MORTEM:4

7.  ALAAMAATE MEHDI KI RAUSHNI ME SHAKEEL KA POST-MORTEM:5

8.  ALAAMAATE MEHDI KI RAUSHNI ME SHAKEEL KA POST-MORTEM:6

9.  ALAAMAATE MEHDI KI RAUSHNI ME SHAKEEL KA POST-MORTEM:7

10.              MEHDI O SHAKEEL KA TAQABULI JAYEZA

Kazzab Shakeel ka Maseehiyat ka dawa

11.              HAZRAT EISA ALAIHIS SALAM KA TA’AARUF

12.              MASEEH KE AAINE ME SHAKEEL KI TASWEER

13.              Ek Dard Mandana Appeal

Ek Dard Mandana Appeal

Ek Dard Mandana Appeal:

Mandarja Baala Taqabuli Mutaale ki raushni me Shakeel Bilkul Khota sabit hua aur Mehdawiyat ki tarah Us ka Dawa-e-Maseehiyat bhi Dhadaam se neeche aagira, Ab Qaraeen khud faisla karenge ke wo kisi Ghalat Fehmi ka shikaar hai ya jaan boojh kar Musalmano me tafarraqa machane par tula hai, Aqal-o-Naqal ki roo se us ke paas koi daleel nahi, Jin baaton ko wo daleel bana raha hai wo sirf aur sirf bakwaan hai, aisi himaqaton se insan Nabi balke Khuda hone ka Dawa bhi karsakta hai.

Baari Ta’al ki ye Sunnat rahi hai ke jo shakhs Hidayat ke badle Gumrahi khareed le uske Dil par Mohar lagadi jati hai aur phir wo kabhi Raah-e-Raast par nahi aata, is liye Shakeel aur uske hum nawaaon ki baabat to hum kisi fehmaish ke rawadaar nahi, kyun ke unho ne Mahez Dunyawi mafaad ki khaatir Islam Dushman taqaton ka Aala-e-kaar banna pasand kiya, is liye Unki Islaah ke Imkaanaat bhot kam hain, Hamara Mukhataba to Musalmano ka wo tabqa hai jo saadah lauhi me Shakeel ke jaal me Phans kar use apna Najaat dahinda samajh raha hai, Hum Un Hazraat se darkhwast karte hain ke Khudaraa! Apne Ap par Rahem karen aur Yun Muft me Khudkushi na karen, har Shakhs ko apni Qabar me sona hai, kal jab Aankh band hogi to tamam Haqaiq Raushan hojayenge, Adal-o-Insaaf ki Mizaan sab kuch bata degi, Insaan ka Naama-e-Aamaal bhi Cheekh Cheekh kar Shahadat dega, us waqt koi  Uzr suna jayega aur na hi koi bahana chal sakega, Aansu Khatam hojayenge, Aankho se Khoon behne lagega, lekin koi cheez faida na degi aur Qayamat ke haulnaak Din is Zaalim ke sath Apko bhi Sazaa bhugatni hogi. Aur wo tum se daman Jhaard kar alag hojayega.

Meri Deeni Bhaiyo!! Apni Jald Khabar lo, Maut ka Farishta sar par khada hai, Maloom nahi kab waqt  aajaye aur tum is Gumrahi ka bojh lekar apni Qabar me jaa so’oo Zara socho to sahi ke, Ulama to Quran o Hadees se Gehri waqfiyat ke bawajood Huzoor ﷺ ki peshangoi na samajh sake aur Shakeel tamam tar jahalat ke sath Nabi ke Manshaa ko samajh gaya? Aakhir ye kaunsi Tuk hai aur tum kis bunyaad par us ka daman pakad rahe ho, Allah aur Uske Rasool ﷺ ne to Ahl-e-Haq Ulama ki pairwi ka Hukum diya hai aur tum inhe chord kar Ek Jahil ka hath thaam rahe ho.

Dosto!! Ye Gumrahi ka hath hai, ise Fauran jhatak dijiye, warna wo Bil-Aakhir Ap ko Jahannam me laa maarega.

Maula Bas Ap hi hamare Haami o Madadgaar hain, Ap Har Musalman ko aisi khuli gumrahi se bachalen aur Imaan ke baad kufr ki waadi me na bhatakne den, Maulaa Ummat-e-Muhammadiya par rahem farmaa dijiye, ye badi Mazloom aur Be Kas ummat hai, Ab isme Mazeed fitno se mazeed ladne ki sakta nahi.

Aameen Ya Rabbal Aalameen.

MASEEH KE AAINE ME SHAKEEL KI TASWEER

MASEEH KE AAINE ME SHAKEEL KI TASWEER:

Ye hai Saheeh Ahadees ki Raushni me Hazrat Eisa alaihis salam ki ek Mukhtasar Sawaneh Hayaat jis me Shuru se Aakhir tak tamam Kardiyon ko hum ne tarteeb se naqal kiya hai, ab is kasoti par Hum Shakeel ko parakh kar dekhte hain ke wo kis postion me hai aur Hazrat Eisa alaihis salam se us ka Hayati Khaaka Kitna Mel khata hai.

  1. Hazrat Eisa alaihis salam ka Khandaan Bani Israil hai, Shakeel ka Us daur se door ka bhi ta’lluq nahi.
  2. Hazrat Eisa alaihis salam ka koi Baap nahi, Shakeel ka baap Haneef hai.
  3. Hazrat Eisa alaihis salam ki Wiladat Phalastene me hui, Shakeel Hindustan me paida hua.
  4. Hazrat Eisa alaihis salam ne Gehware me kalaam kiya, Shakeel Iska Dawa nahi karsakta.
  5. Hazrat Eisa alaihis salam ne Bataur-e-Mojaza Kordhion ko Shifa di, Mitti ki Churdiyon me Rooh phoonki aur Murde Zinda kardiye, Shakeel Qayamat tak aisa karishma nahi dikha sakta.
  6. Hazrat Eisa alaihis salam par Injeel(Bible) utri, Shakeel bataye ke us par kya utra aur Kya wo Asli Injeel dikha sakta hai?
  7. Hazrat Eisa alaihis salam ko Zinda Aasman par utha liya gaya, Shakeel Musalsil Zameen par bojh bana baitha hai.
  8. Hazrat Eisa alaihis salam Mehdi ki madad ke liye Dimashq me utrenge, Shakeel bhi kya Aasman se utra hai?
  9. Hazrat Eisa alaihis salam Naazil hote hi Dajjal ko qatal karenge, Shakeel ne ye Karnama Kab anjaam diya? Wo Tareekh ki wazahat karde.
  • Hazrat Eisa alaihis salam Yahoodion ka Bilkulliya Khatma kardenge, Shakeel bataye ke wo bhi kya waqai aisa hi irada rakhta hai?
  1. Hazrat Eisa alaihis salam ki saans ki hawa se kuffar tadap kar girenge aur mar jayenge, Kya Shakeel bhi is sifat ka Haamil hai?
  2. Hazrat Eisa alaihis salam ki Jung me ped-o-pathar tak bolenge, Shakeel bataye ke wo kya aisa mojaza dikhane par qadir hai?
  • Hazrat Eisa alaihis salam Ka Nikah Arab me Hazrat Shoaib Alaihis salam ke Qabeele me hoga, Shakeel ne 2 ya 3 Shadiyan rachaleen aur un dono me se koi bhi Hazrat Shoaib alaihis salam ke Qabeele ki nahi hai.
  • Hazrat Eisa alaihis salam Saleeb tordenge, Shakeel uske Pursitaron ke Qaseede padh raha hai.
  • Hazrat Eisa alaihis salam Khinzeer ko qatal kardenge, Shakeel is ka Mustaqil deedar karta hai.
  1. Hazrat Eisa alaihis salam poori Dunya par Islami parcham lehrayenge, Shakeel Aj tak Lakshmi nagar bhi fateh na karsaka.
  • Hazrat Eisa alaihis salam ke zamane me Yajooj Majooj ka Khurooj hoga, Shakeel bataye ke Unka Khurooj kab hoga?
  1. Hazrat Eisa alaihis salam ke zamane me Sulaah o Taqwaa aam hoga aur unke Musaabiheen to Imaan o Amal ke us maqaam par honge jis ka Tasawwur bhi nahi kiya jasakta, jabke Shakeel ke hashiye bardaar Mauqa parast aur Fraudi hain.
  • Hazrat Eisa alaihis salam ke zamane me Daulat ki farawaani hogi, Shakeel ke Daur me to uska kaal pada hai aur har taraf buri tarah cheena jhapti horahi hai.
  1. Hazrat Eisa alaihis salam ke Ahed me Har cheez Arzaan aur sasti hogi, Shakeel ki Delhi me to paani bhi mol bik raha hai.
  2. Wafaat ke baad Hazrat Eisa alaihis salam Huzoor ﷺ ke Rauza-e-Aqdas me dafan honge, Shakeel to Hijaz ke safar par hi aamada nahi to wo dafan kaisa hoga?

HAZRAT EISA ALAIHIS SALAM KA TA’AARUF

HAZRAT EISA ALAIHIS SALAM KA TA’AARUF:

Is Usooli Guftgu ke baad ek Nazar Hum Hazrat Eisa alaihis salam ki shakhsiyat par bhi daalna chahte hain, taake Unki Sawaneh Hayaat ki Raushni me Qaraeen Shakeel ka taqabuli Mutalaa karsaken.

Hazrat Ka Naam Eisa, Laqab Roohullah aur Kalimatullah hai, unka Koi Baap nahi, Walidah ka Naam Maryam hai, wo Imran ki beti aur Haroon ki Bahen thiin, Unki Iffat o Sharafat musallam hai aur un se Karamaton ka bhi Sudoor hua yani unhe Be Mausam taaza phal milte the, wo Zindagi bhar kanwari raheen lekin ek din farishte ne aakar phoonk maari to unhe hamal qarar pagaya aur Syedna Eisa alaihis salam paida hue, Qaum ne tohmat lagayi to Nau-Maulood Bacha bol pada ke Mai Allah ka Banda hun, Usne Mujhe apna Rasool banaya aur Kitab ata ki.

Ibn-e-Maryam ka qad miyana, rang Surkhi maayel hai, Baal Chamakdaar kaale daraaz aur Ghunghriyaale hain, Ap bhot Khoobsoorat hain, Sahaba me Hazrat Eisa ke Shabeeh Urwah Bin Masood the, Maseeh alaihis salam ne bhot se mojazae dikhaye, Bars ke mareezon ko shifa di, Andhon ko beena kiya, Mitti ke parindon me Rooh phoonki, Murde Qabron se uth khade hue, aur apni taqreer Dil pazeer se maashre me ek kohraam macha diya, Yahoodion ne Ap ko phaansi dena chahi lekin Baari Ta’ala ne un ke narghe se nikal kar Saheeh Salamat Aasman par utha liya.

Is waqt Ibn-e-Maryam Aasman par hain, wo Qayamat ke Qareeb Dajjal ko qatal karne ke liye Zameen par utrenge, Unka Nuzool Shaam me hoga, Musalman Namaz-e-Fajr ki safen banayenge, Iqamat kahi jayegi aur Imam Mehdi jaise hi Niyyat Baandhna chahenge usi waqt Hazrat Eisa alaihis salam Farishton ke Kaandhon par Masjid-e-Amawi ke Mashriqi minare par utrenge, Un Ka Libaas zard rang ki do chadaren honge jinhe wo Ahraam ki tarah pehne honge, Unke Hath me Harbah hoga aur Baal itne Naram o Mulayem goya abhi Ghusl kiya hai, Is liye jab wo Sar Jhukayenge to un se motiyon ki tarah Qatren tapkenge, Musalman fauran pehchaan lenge aur poori Masjid me Khushi ki ek laher daud jayegi, Imam Mehdi Imamat ki Dawat denge to wo inkaar kardenge aur Khud Unhii ko aage badha kar Pehli Namaz Mehdi ki iqteda me ada karenge.

Hazrat Eisa alaihis salam ke Nuzool ka maqsad dar-asal us Fitne ka Khatma karna hai jise Ahadees me Dajjaal kaha gaya hai, ye Ahed Aakhir me paida hone wale us Shakhs ka naam hai jo tamam Shaitani aur Jaadoi taqaton ke bal par dunya me Uddham machayega aur uska maqsad sirf aur Sirf Islam ko mitana hoga, Rasoolullah ﷺ ne jis tarah tafseel ke sath uske haalaat bayan kiye hain, Un se saaf pata chalta hai ke ow ek Mutayyan Shakhs hai jo Qayamat se pehle Khurooj karega, koi Mulk aur Idara nahi hai jaisa ke Shakeel Bakk raha hai, Wo himaqat me kabhi America o France ko aur kabhi Aqwaam-e-Muttahida ko Dajjal qarar deta hai halanke Ahadees-e-Rasool ki raushni me ye Mulk aur Idare Dajjal ke nizaam ka Hissa hain, Bazaat-e-Khud Dajjal nahi, kyun ke Wo Yaqeeni taur par ek mutayyan shakhs ka naam hai, ab uski zaat o sifaat ko kisi mulk ya idare par fit karna Hadees ke sath Bhonda mazaaq aur bad tareen shararat hai jise Ummat bardasht nahi karsakti, Chunanche Hazrat Eisa alaihis salam Namaz se farigh hokar jab masjid ka darwaza khulwayenge to baher apne laao lashkar ke sath dajjal maujood hoga, wo kyun ke Naqli Maseeh hai isliye Asli Maseeh Eisa alaihis salam ko dekhega to uski  siti  Gum hojayegi aur wo fauran bhaag khada hoga, Musalman us ka Ta’aqub karenge aur Israil ke Shahar “Lud” me pohanch kar use pakad liya jayega, Hazrat Eisa alaihis salam fauran apna neza seene me utar denge, Yahoodiyon me Bhag Daurd mach jayegi lekin aj koi Cheez unhe Panan na degi, Dar-o-Deewar tak Aelaniya Nishan dahi karenge, Us waqt Hazrat Eisa alaihis salam ke Saans me ye taseer hogi ke Taa-Hadd-E-Nigaah wo jis kaafir ko bhi choo lega wo tadap kar girjayega, is tarah Sehooniyat ka Bilkul Khatima hoga aur Fateh ke baad Hazrat Eisa alaihis salam Imam Mehdi ke sath Un Mulkon ka bhi daura karenge jahan Dajjal ne Musalmano par Qaher dhaaya hoga, Aalimi Jihad Cherd diya jayega, har simt Mujahideen Fateh ke Jhande lehrayenge, Natijatan tamam mazahib be dast-o-paa ho kar dum tord denge.

Ye Insani tareekh ka sab se haseen daur hoga, Barkaton ki barish hogi, Zameen apne Khazane ugal degi, Maal baha baha phirega, Dil Bughz o Hasad se Khaali honge, Har simt Ulfat o Muhabbat ka dhre hoga, Keede Makodon ka zaher jaata rahega, yahan tak ke bache saamp se khelenge, Bherdiya bakriyon ki pasbani karega aur ek choti si bachi sher ko bhaga degi.

Algahrz aalimi sateh par shariyat ke nifaaz ki bina par adl o insaaf ka daur daura hoga aur Islam bhi har taraf se yaksoo hokar apni gardan daal dega, isi asnaa me Hazrat Eisa alaihis salam par wahii utregi ke Sad-de-sikandari toot chuki hai aur yajooj majooj ka lashkar tum dhawa bolne wala hai, isliye wo Musalmano ko lekar Kooh-e-Toor chale jayenge, Yajooj Majood dar-asal aisi Wehshi qaum hai jo insanon ki ba nisbat hazaar gunaa ziada hai, Aur Allah ne use kayenaat hi ke kisi makhfi ilaqe me qaid kar rakha hai, Dajjal ke baad Uska Ummat ke liye Sab se badi Aazmaish hogi, Ye tiddi dal ki tarah aakar poori dunya me phail jayegi, Khetiyan barbaad karenge, Samandar Dakos jayenge, Hatta ke Doosre logon ko ghalle ka ek daan bhi hath na aayega, Hazrat Eisa alaihis salam ki Dua ki Ba-daulat bargaah-e-Aizdi me unki tabahi ka faisla kiya jayega, wo Sab Taa’oon me mubtala hone aur Dunya lashon se pat jayegi, Baari Ta’ala ek Moosla Dhaar Baarish ke zarye inki gandagiyon ko dhodenge, phir Hazrat Eisa alaihis salam Koh-e-Toor se wapis honge, wahi Noorani Daur dobara palat aayega, Ap Lajjur Rauhaa jayenge, Hajj o Umrah bhi karenge, Jab ke Nikah Hazrat Shoaib Alaihis salam ki Qaum me hoga, unki aulaad bhi hogi, 40 Saal Dunya me rahenge, Rauza-e-Nabawi ﷺ se Apko Salam ka Jawab milega aur Wafaat ke baad Huzoor ﷺ ke Baayen simt unhe dafan kiya jayega.