ALAAMAATE MEHDI KI RAUSHNI ME SHAKEEL KA POST-MORTEM:1

ALAAMAATE MEHDI KI RAUSHNI ME SHAKEEL BIN HANIF KA POST-MORTEM:

Ab Hum Qaraeen ki Sahulat ke liye Shakeel  Bin Hanif ke Sarape ka Un Ahadees ki Raushni me Jayeza lete hain jo Rasoolullah ﷺ ne Bataure Alamat bayan ki hain aur Is Mauzoo ko is qadar mufassal aur khol kar bayan kiya hai ke Imam Mehdi ki Seerat o Sawaneh Na sirf Jaame-o-Mukammal nazar aati hai balke unki Shakhsiyat o Kaarnaon ki koi Adnaa kadi bhi hamari Nazron se Ojhal nahi hoti, Unka Watan, Nasal o Khandaan, Naam o Waldiyat, Shakal o Soorat, Naak Naqsha, Qad o Qaamat, Chaal Dhaal, Kirdaar o Seerat, AKhlaaq o Aadaat aur Baatil Se Ma’arkah Aaraiyon[1] ki degar tafseelaat  bhi tamam juziyaat ke sath Huzoor ﷺ ne bayan karne ka ahtemam kiya hai.

Ilm-e-Hadees par nazar rakhne wale jante hain ke Nabi ki Guftgu Mukhtasar magar Jaame’ hoti hai aur Juzii tafseelaat aam taur par bayan nahi ki jaateen, Lekin Rasoolullahﷺ ne Ikhtesaar ko chord kar Mehdi ke Baab me jo tafseeli Usloob Ikhtiyar kiya hai uski Hikmat  Yaqeena yahi hai ke Ummat ko Alamaat o Nishaniyon ki Aisi kasoti dedi jaye, jo na sirf Marifat ka miyaar ho balke Usi par parakh kar wo Mehdawiyat ka dawa karne walon ki babat Hamesha Saheeh aur Qat’ee faisla karsake, Chunanche Tareekh batati hai ke jab bhi Aalam-e-Islam me koi Mehdawiyat ka dawa lekar khada hua to Ulama Fauran harkat me aagaye aur unho ne isi paimaane se Naap kar yakayak uske Dajl o Fareb ka parda chaak kar daala, Hum ab Shakeel Bin Hanif ko bhi Inhi Alamaat ki Raushni me parkh kar dekhte hain take Haqeeqat Aashkaara ho aur Nazireen iski babat saheeh raaye qayem karsaken

Pehli Alamat:

Imam Mehdi ki sab se pehli Alamat Rasoolullah ﷺ ne ye bayan farmai ke

الْمَهْدِيُّ مِنْ عِتْرَتِي  Mehdi Meri Nasl se honge[2].

هو مِنْ وَلَدِ فَاطِمَةَWo Hazrat Fatima ki Aulaad me honge.[3]

سَيَخْرُجُ مِنْ صُلْبِهِ رَجُلٌ Wo Hasani Shaakh me paida honge.[4]

Teeno Hadeeson ka Khulasa ye Nikla ke Imam Mehdi Khaanwadaae Nabuwwat ke Chashm Chiraagh, Fatima Zehraa Razi Allahu anha ki Aulaad aur Hazrat Hasan Razi Allahu anhu ki Nasl se honge, ye Bilkul Saaf aur Seedhi Alamat hai jis me koi pecheedgi nahi, Lekin Shakeel Bin Hanif kyunke Zabardasti Mehdi Banne par tulaa hai isliye Syed hone ka jhoot to wo na bol saka, Haan Huzoor ﷺ ki In SAheeh Ahadees ko usne ye keh kar rad kardiya ke Aj kal Khaandaan ka koi Record nahi, isliye is ki bunyaad par Imam (Mehdi) ki Shinaakht nahi hosakti, Shakeel Bin Hanif ne yahan Safed  Jhoot bola, kyunke Arbon me tamam Khandan Mehfooz hain aur Barr-e-Sagheer me bhi hum aise Bhot se Khandano ka pata desakte hain jinki Tareekh Mehfooz hai aur Unka Shijrah Hazrat Fatima RAzi Allahu anha se hokar Huzoor ﷺ tak pohanchta hai, Doosre ye ke agar nasli bunyad par Mehdi ki Shinakht nahi hosakti to Huzoor ﷺ ne is Alamat ko kyu bayan kiya? Kya Naoozubillah Nabi koi Laghu[5] baat keh sakta hai? Imam Mehdi ka Syed hona roz-e-Roshan ki tarah Ayaan hai, isliye Shakeel Bin Hanif pehli hi kasoti par khota saabit hua, Kyunke Iska Saadaat se koi taluq nahi hai.

[1]

[2] Sunan Abu Dawood 4284

[3]Mustadrak 8672,Sunan Ibne Maja 4086,Sunan Abu Dawood 4284

[4] Sunan Abu Dawood 4290,Mishkat,Alfitan 1113

[5]

Advertisements

One thought on “ALAAMAATE MEHDI KI RAUSHNI ME SHAKEEL KA POST-MORTEM:1”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s