ALAAMAATE MEHDI KI RAUSHNI ME SHAKEEL KA POST-MORTEM:6

Nawween Alamat:

Imam Mehdi ka zuhoor hote hi ek Shaami hukumraan Sufyani Zaalim Makkah par fauj kashi karega take Ummat ke is Chiraagh ko wo raushan hote hi Gul karde aur Musalman Be Yaar-o-Madadgaar Zillat ki waadi bhatakte rahen, Ain usi waqt Allah ki madad aayegi, kyunke Qudrat ka Usool hai ke koi tahi dast jamat agar deen ke tahaffuz ke liye apne tamam tar Masail ko lekar Maidaan me aajayegi to us waqt Rahmat-e-Ilahi ko josh aata hai aur Aasman se Fateh o Nusrat kef aisle utarte hain, Tareekh-e-Dawat-o-Azeemat aisi misaalon se bhari padi hai, Chunanche isi Sunnat ke mutabiq Sufyani ka Pehla Lashkar Baidaa[1] ke Sehraa me Dhansaa diya jayega aur Jab wo Khud doosra lashkar lekar Hamla karega to tamam tar tayyarion ke bawajood Buri tarah Shikast khayega aur Musalman Ghazwa-e-Badar ki tarah Fateh Yaab honge.

Ye Mehdi ki aisi raushan Nusrat o Karamat hogi jise dekh kar log Deewana waar unki Bai’et ke liye toot padenge. Shakeel kyun ke Jhoota Mehdi hai aur Uske Drame par aisi koi alamat zaahir na hosakti thi, is liye wo Mehdi ke Zuhoor ki tamam Alamaton ke inkaar par tula hai, Khusoosan Sufyaani ke baab me to wo Badi Jhanjhalahat aur Be basi ka shikaar nazar aata hai, usne yahan Jahilana shubah pesh kiya Itmaam-e-Hujjat ke baghair aisa azaab to Firaon aur Mushrikeen-e-Makkah par bhi na aaya, koi Is jahail se pooch eke kya Quran o Hadees me Baaghi o Gunahgaar Musalmano par aisa azaab aane ki Khabar di gayi hai? Aur kya ye Allah ki Sunnat ke Khilaaf hai? Hadees me Huzoor ﷺ ne Fasiqon ki baabat aise hi azaabon se daraya hai, Chunanche Hazrat Abu Huraira razi Allahu anhu riwayat karte hain:

ARBI HADEES

Rasoolullah ﷺ ne farmaya ke jab sarkaari khazana (Umara) ki Khuraak ban jaye, Amanat Maal-e-Ghanimat ban jaye, Zakat Dand samjhi jaye, Masjidon me Aawaazen Goonjne lagen, Fasiq Khandaan ka sarbaraah ho, Bad Tareen Shakhs logon ka leader ho, Glokaaron aur Sarangi ka Urooj hoga, Sharaben Pee jayen, Ummat ke Baad wale Log Pehlon ko Bura kahen to us waqt Intezar karo Surkh Aandhi ka Zalzale ka, Zameen Dhans jaane ka, Soorat ke Bigad jaane ka, Patharon ki bearish ka, aur pe-dar-pe aise azaabon ka goya tasbeeh ka dhaaga toot jaye aur daane bhikar paden.[2]

Dekhiye Yahan Kabeerah Gunahon ki kasrat par Huzoor ﷺ ne Sarahatan Zameen Dhansne, Zalzala Aane, Surkh Aandhiyan chalne aur Soorten Bigadne ki Khabar di hai, Sufyaani par aane walaa Azaab bhi isi Nau’iyat ka hai kyun ke wo Hasad o Bughz me andha ho kar Khaleefa-e-waqt se jung kar raha hai jo Shari’at ki roo se itna bada gunah hai jiski Saza Quran o Hadees ne Qatal muqarrar ki hai, Isliye Shakeel ka aetraaz uski kam ilmi ka natija hai aur us alamat ki raushni me bhi wo jhoota thairta hai.

Daswiin alamat:

Sufyani ko Shikast dekar Imam Mehdi Madeen-e-Munawwara ki Ziyarat karenge aur uske baad wo tezi se Shaam ki Simt  rawana honge take Un Salibiyon  ki taaqat tord saken jo wahan A’maaq aur Dabiq ki bastion me baithe madeene par Hamle ka Mansooba bana rahe honge. Mustadrak Hakim ki Saheeh riwayat ke mutabiq us waqt Musalmano ke lashkar ki tadad 12000 ya 15000 hogi.

Shakeel kehta hai ke 1 Arab[3] Musalmano ki maujoodgi me itne chote lashkar ki farahmi is baat ki daleel hai ke sab log aur Khusoosan Ulama Shuru me inki Mukhalifat karenge, koi Jaakar is jaahil se pooch eke Ghazwa-e-Badr me kya 313 Musalman hi Huzoor ﷺ ke Hum Nawaa the aur Baaqi Sahaba AP ki Mukhalifat par Kamar basta the jo Naoozu Billah Ghar baithe rahe?

Isi tarah Fath-e-Makkah ke mauqe par Rasoolullah ﷺ ke sath sirf 10000 Sahaba the, kyun? Us waqt musalmano ki tadad itni hi thi? Ya degar Sahaba Huzoor ﷺ ki mukhalifat kara rahe the? Nusrat o Himayat karne wala Har shakhs jungi salahiyat rakhta hai aur na hi door daraaz mulkon se har musalman fauran pohanch sakta hai, phir lashkar tamam Ham Nawaon par mushtamil nahi hota. Hindustan ki aabadi ek arab se zaayad hai lekin faujion ki tadad 75 lakh hai, Shakeel Bataye kya baaqi shehri Mulk ki salamti aur uske tahaffuz ke mukhalif hai? Shakeel Mehdi ke lashkar ko haqeer batata hai, Halaanke Us waqt 15000 ki tadad faraham kar lena bhot bade jokham ka kaam hai aur hangami haalaat me ye kaarnama sirf Imam Mehdi jaise Misaali qaayed hi anjaam de sakte hain. Al Gharz is Alamat ki roo se bhi Shakeel jhoota hai, Kyun Ke Mehdawiyat ke daawe ke baad na wo aaj tak Madeene gaya aur na hi Isaiyat se uski koi Jung hui.

[1] Jagah Ka naam

[2] Jaam-e-Tirmizi

[3] Ye Mahez ek Mughalta hai warna Musalman is waqt Dhaai (2.5) Arab se kam nahi aur  Baqiyah Dhai Arab saari qaumen Shamil hain, Isaiyon ki tadad Musalmano se kabhi ziada nahi hosakti na un ke mulkon ki tadad Hum se ziada hai, warna wahi wo doosre mulkon me hum se badi aksariyat rakhte hain phir unki bood-o-baash aise thande ilaqon me hai jahan ki paidaish ki sharah hi bhot kam hai, Uske Bar Khilaaf 56 Mulk Khaalis Hamare hain aur Ghair Islami Mulkon me hamari Tadad karodon me hai jab ke Hamari paidaish ki sharah ko to dushman bhi sab se ziada tasleem karte hain phir Isaiyon ki tadad kyunkar hum se ziada hosakti hai?

Advertisements

1 thought on “ALAAMAATE MEHDI KI RAUSHNI ME SHAKEEL KA POST-MORTEM:6”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s