MEHDI O SHAKEEL KA TAQABULI JAYEZA

MEHDI O SHAKEEL KA TAQABULI JAYEZA:

Ye hain wo chand alamaat jin ki raushni me Shakeel ka Fraud poori tarah khul kar saamne aajata hai aur uske chehre par pade tamam pardon ki dhajiyaan urd jaati hain. Ab hum Guzashta tafseelaat ka ek khulasa pesh karte hain, taake Qaraeen Imam Mehdi aur Shakeel ke Darmiyaan Bhaari farq ka aasani se andaza karsaken.

  1. Imam Mehdi Arbi honge, Shakeel Ajami hai.
  2. Imam Mehdi ka Nasabi talluq Rasoolullah ﷺ ke khandaan se hoga, Shakeel Hindustan ka rehne wala hai aur Us ka Saadaat se koi ta’lluq nahi.
  3. Imam Mehdi Hazrat Fatima-tuz-Zehra razi Allahu anha ki Aulaad aur Hasan Razi Allahu anhu ki Shaakh se honge, Shakeel ka in dono nisbaton se bhala kya Ta’lluq?
  4. Imam Mehdi ka Naam Muhammad Bin Abdullah hoga, Iska Naam Shakeel Bin Haneef hai.
  5. Imam Mehdi ka saraapaa Haseen aur Shakhsiyat Badi pur asar hogi, Shakeel Manhani saakht ka aadmi hai aur iska rang bhi pakka hai.
  6. Imam Mehdi ki Wiladat Madeen-e-Munawwar me hogi, Shakeel Darbhanga Bihar me paida hua hai.
  7. Imam Mehdi ke khurooj se pehle sone ke pahad ka zuhoor, Teen Shehzadon ki Jung, Nafs Zakiya ki shahadat,Shaami Bastion par Isaiyat ki yalgaar, Sufiyani ki fitna angezi, Minaa me Hujjaj ki Khoonrezi aur Wali-e-Hijaaz ki wafaat jaise Ahem waqiaat runumaa honge, Shakeel ke Dawe se pehle aisa koi Hadisa nahi hua.
  8. Imam Mehdi ka Zuhoor Baitullah aur Rukn-e-Yamani ke darmiyan hoga, Shakeel Az Khud Lakshmi nagar Delhi me ye Dawa kiya hai.
  9. Ulama, Auliya, Abdaal aur Qutub Imam Mehdi ki ba-israr Bai’at karenge aur unke Gird aanan fanan Mukhliseen ka Jamm-e-Ghafeer Umand padega, Shakeel ne az Khud Dawa kiya aur Uski Bai’at ke liye Mukhlison ka koi jattha nahi aaya, wo Aaj bhi ek chote se mafaad parast toley par munhasir hai.
  10. Imam Mehdi Ke mukhalifeen Zameen me Dhansaa diye jayenge, Shakeel ka koi Dushman Aj tak Zameen me nahi dhansaa.
  11. Imam Mehdi Eisaiyon ko Bhaari shikast denge, Shakeel Eisaiyon se jung to kya ladta, Ulta usne to apni kitab me unki Insaniyat nawazi ka qaseeda padha hai, Haalanke Unho ne Iraq o Afghanistan me khoon ke darya bahaa diye.
  • Imam Mehdi Italy ko fateh karenge, Shakeel ne use Khwab me bhi nahi dekha.
  • Imam Mehdi Qustuntuniya par Hilali Parcham lehraayenge, Shakeel is Shahar ki Ziyarat se aj tak Mehroom hai.
  • Imam Mehdi Jaam-e-Amawi Dimashq me Qiyaam karenge, Shakeel ne Mulk-e-Shaam tak nahi dekha.
  • Imam Mehdi ke 6 saal baad Dajjal ka khurooj hoga, Shakeel ke Dawe kiye Muddat guzar gayi aur Dajjal ka abhi tak koi pata nahi.
  • Imam Mehdi ki madad ke liye Hazrat Eisa alaihis salam Aasman se utrenge, Shakeel ki Nusrat ke liye Aasman se koi nahi utra.
  • Imam Mehdi Yahoodion ka Qala’ o Qamaa’ kar ke Israil ko Fateh karenge, Shakeel to iske tasawwur se kaan par hath rakh lega.
  • Imam Mehdi 9 saal ke andar poori Dunya Fateh karlenge, Shakeel se 10 saal me bhi Lakshmi nagar tak Fateh na hua.
  • Imam Mehdi 7 ya 9 Saal baad Inteqal farmayenge, Shakeel apne Dawe ke 10 saal baad tak zinda hai aur abhi 2033 tak uska marne ka koi irada nahi.

Ye hai Alaamat-e-Mehdi ki raushni me Shakeel ka ek Mukhtasar jayeza!!

Ab Qaraeen faisla karen ke is Shakhs ka Imam ki buland maqaam Shakhsiyat se aakhir kya jord? Aur wo kis bunyad par itna bada dawa karne chala hai? Hamare mandarje baala tajziye ko padh kar yahan har shakhs be saakhta cheekh uthega ke Shakeel ko Mehdi se koi nisbat nahi, wo Shuru se aakhir tak un se har cheez me mukhtalif nazar aata hai aur koi ek alamat bhi us par fit nahi hoti.

Advertisements

1 thought on “MEHDI O SHAKEEL KA TAQABULI JAYEZA”

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s