WALIDAIN KE DOST AHBAAB KE SATH AHSAAN AUR HUSN E SULOOK KI AHMIYAT

WALIDAIN KE DOST AHBAAB KE SATH AHSAAN AUR HUSN E SULOOK KI AHMIYAT

Yaqeenan Maa-Baap Allah Ta’ala ki ek Azeem Nemat hai jiski Aksar Saheeh Qeemat Unke Dunya se Jaane ke Baad Maloom hoti hai, us waqt afsos se hum hath malte rehte hain ke Aye Kaash! Unki Qadr karli hoti. Quran o Hadees me Walidain ke Mutalliq kasrat se Ahkaam aye hain unko UFF kehna bhi bhot bada gunah bataya gaya hai. Ab Unke Inteqal ke baad kya kiya jaye ke Baaz Nafarmaniyon ki bharpaai hosake. Is silsile me to unke liye Dua e Maghfirat karni hai neez aur Aamaal bhi Shariyat ne bataye hain unme se Ek ye hai:
Hazrat Abdullah Bin Omar Razi Allahu anhu se marwi hai ke Rasool e Kareem Sallallahu alaihi wasallam ne farmaya:

Sab se Aala Nekiyon me se ek Aalaa Neki ye hai ke Koi Shakhs apne baap ke marne ke baad ya uski Ghair Maujoodgi me uske Doston ke sath Ahsaan O Sulook(acha sulook) kare.”
(MUSLIM, MISHKAT KITABUL ADAB BAAB BIRR WAS- SILAA)
Tashreeh: Matlab ye hai ke agar kisi ka baap margaya ya safar par gaya to uske doston ke sath Ahsaan o murawwat ka Mamla karna aur Husn e Sulook ka bartaao karna goya apne Baap ke sath Ahsaan aur Husne Sulook karna aur Iska ye mamla chunke apne Baap ki Ghair Maujoodgi me hoga is liye wo behtreen aur Aala Neki karne wala Shumaar hoga.

Note:- Hadees Shareef me sirf Baap ke doston ka Zikr karna is taraf Ishara karta hai ke MAA ki sakhi Saheliyon ke Sath Ahsaan o Husn e Sulook Badarje Aulaa Ek Behtreen Neki hoga. (MAZAHIR E HAQ 4/469)

FBS

Advertisements

Dushmano Se Hifazat Ki Dua

Assalamu alaikum.

Tamam Bhai aur behnen ye Dua kasrat se padhte rahen, khusoosan Bahar nikalte waqt

 

اللَّهُمَّ! إِنَّا نَجْعَلُكَ فِي نُحُورِهِمْ، وَنَعُوذُ بِكَ مِنْ شُرُورِهِمْ

ALLAHUMMA INNA NAJ’ALUKA FII NUHOORIHIM WA NA’OOZUBIKA MIN SHUROORIHIM.

 

Allah ke Rasool sallallahu alaihi wasallam jab kisi Shakhs se ya Qaum se Khauf hota to Ap ﷺ ye Dua padha karte the.

(Sunan Abu Dawood, Nasai, Azkaar Nawawi)

dua

FBS

 

RIZQ O OMAR ME BARKAT

RISHTEDAARI KO JODNA = RIZQ OMAR ME IZAFA,
RISHTEDAARI TODNA = RIZQ OMAR ME KAMI.

Aksar hazraat ki yahi shikayat hoti hai ke Barkat nahi hai, Pareshaniyaan hai Uska Hal yahi hai ke Aj Kal Aksar Musalman Rishtedaari ke Todne par hai jodne par nahi.
Rishtedaari Jodiye aur dekhiye Allah Ta’ala Rizq o Omar me Barkat denge.
Note:- Silaa Rehmi( Rishtedari ka Jodna) aur Uski Ahmiyat ke Mutalliq Nabi e Kareem Sallallahu alaihi wasallam ke Takeedi Amr Ap Mishkaat Shareef, Kitabul Aadaab, Baab Silaa Rehmi me padh sakte hain.
FBS