DOS AND DONTS AFTER 10th

DOS AND DONTS AFTER 10th

Assalamualaikum,
Walidain aur sarparast hazraat ki khidmat me ye arz hai ke 10th hote hi apne ladke ladkiyon ko bilkul aazaad na chorden balke unke mustaqbil ki fikr abhi se karen.
Yaad rakhye!
*_Jaisa boyenge waisa hi hum kaatenge_*
aur Bachon ki tarbyat aur unki activities par nigrani karna sarparaston ki zimmedari hai. Kal *Qayamat ke din* Aulaad ki tarbyat ke mutalliq sawaal hoga.
10th hote hi baaz ghaltiyan ki jaati hain unme se chand ki taraf ishara kiya gaya hai.

*DOS*

1⃣ Deeni Taleem ki fikr karen,
Bhot si jaghon par Summer camps hote hain kisi achi jagah par dakhila karwaden,

2⃣ Aage ke liye kisi ache Course aur college ki fikr karen, khusoosan bacha kya banna chahta hai usko saamne rakh kar is line ke Mahireen se mashwara kar ke Bache ko ache se college me daakhila dilwane ki fikr karen,

*DON’TS*

1⃣ Phone ko Hargiz hath me mat dijiye. Agar dena bhi ho to Apni nigrani me thodi der.
Aam taur par hum ye samajh kar bache/bachi ko phone dete hain ke exams likh kar saal bhar baad ye farigh hue to thoda istemal karlene denge.
Lekin yaad rakhiye ke Ap ke bache ke career (dunya o aakhirat) dono ka sabse bada Dushman phone hai.
Social Media facebook, instagram, aur tik tok jaisi behuda cheez par ye time kharaab karenge aur mazeed ye *ladke ladkiyon ki chat* hogi aur zindagi kharaab hogi.

*KAYEE ACHE KHAASE SHAREEF LADKE LADKIYAN ISI KI BADAULAT BEHAYAA HUE HAIN*

2⃣ *TIME PASS*
Waqt Allah Ta’ala ki badi Nemat hai isko aise hi fuzool me paas karne na den. Exams aur academics ki thakan thode din rishtedaron se mil kar khatm hojayegi. Inhe time pass nahi balke is time ko utilize kar ke aage ki tayyari karni chahye.

3⃣ *Roaming*
Bahar idhar udhar bhi phirne na den. Doston par apne bache ki activities par nazar rakhen.

*AJ JAAGE RAHENGE KAL PACHTANA NAHI PADEGA*

✍🏼 *FBS*

RASOOLULLAH SALLALLAHU ALAIHI WASALLAM KI NASEEHATEN

RASOOLULLAH SALLALLAHU ALAIHI WASALLAM KI NASEEHATEN

Hazrat Muaz Bin Jabal Razi Allahu anhu ne bayan farmaya ke Huzoor Aqdas sallallahu alaihi wasallam ne mujhe 10 BAaton ki Wasiyyat farmayi

  1. Allah ke sath kisi cheez ko Shareek na bana Agarche tu Qatal kardiya jaye aur tujhe Jala diya jaye,
  2. Aur apne MAA Baap ki Nafarmani Hargiz na karna Agarche tujhe Hukum den ke apne ghar Walon ko aur Maal o Daulat ko chord kar Nikal jao.
  3. Farz Namaz Hargiz Qasdan na Chord kyu ke Jisne Farz Namaz Chord di use Allah ka Zimma Bari hai.
  4. SHARAB hargiz ma pi kyu ke wo BEHAYAAI ki Jad hai.
  5. Gunah se bach kyu ke Gunah ki wajeh se Allah ki narazgi Naazil ho jati hai.
  6. Maidan e Jihaad se mat bhaag Agarche (Doosre) log (tere sathi) Halaak hojayen.
  7. Jab logon me (wabai) Maut phail jaye aur tu wahan maujood ho to wahan jam kar rehna (us jagah ko chord kar mat jaana).
  8. Aur jin ka kharcha tujh par laazim hai(Biwi bachche waghaira) un par apna Acha Maal kharch karna.
  9. Aur inko Adab sikhane ke pesh nazar unse apni lathi Hata kar mat rakhne.
  10. Aur inko (Allah ke ahkaam o Qawaaneen) ke bare me darata rahna.

[MISHKAT AZ MUSNAD AHMED]

IS HADEES ME JIN BAATON KI NASEEHAT FARMAYI HAI BHOT AHEM HAIN WIRD E ZABAN AUR HARZ E JAAN BANANE KE QABIL HAIN AAB E ZARR SE LIKHI JAYEN TAB BHI INKA HAQ ADAA NAHI HOGA. HAR MUSALMAN PAR LAAZIM HAI KE IN NASEEHATON PAR AMAL KARE.

FBS