Fajr me Dua e Qunoot padhna unke Dalail aur Aetrazaat ke Jawabaat (Fiqh Shafa’ii)

Fiqh Shafa’ii

 

Fajr me Dua e Qunoot padhna unke Dalail aur Aetrazaat ke Jawabaat (Fiqh Shafa’ii).

 

 

Advertisements

Aetekaaf o Lailatul Qadr

AETEKAAF KA BAYAAN

Aayat:

وَلاَ تُبَاشِرُوهُنَّ وَأَنتُمْ عَاكِفُونَ فِي الْمَسَاجِدِ

Tarjuma: Aur un Bibiyon (ke badan) se Apna Badan bhi (Shehwat ke sath) mat milne do jis zamane me ke tum log Aetekaaf wale ho (jo ke) Masjidon me (hua karta hai)(Surah Baqarah 187)

Hadees:

“Ap sallallahu alaihi wasallam Ramazan ke Aakhri Ashre me Wisaal tak aetekaaf farmaya karte.”

(Bukhari o Muslim)

Arabi Zaban me Aetekaf ka matlab hai thairna,roke rakhna, Hamesha lazim rahna. Shar’an Makhsoos Shakhs ka niyyat ke sath Masjid me Thairna Aetekaaf kehlata hai.

Is ki mashrooiyat par Ijma hai. Aetekaf har waqt Sunnat hai chahe baghair Roze ke ya Sirf Raat me Aetekaaf kare, kyu ke kisi waqt ki qaid aur Ta’yeen marwi nahi. Ramazan ke Aakhri Ashre me degar Ayyam ke muqable me Ziada Afzal hai, kyunke Ap sallallahu alaihi wasallam ne us ki pabandi farmayi hai.(Bukhari o Muslim) aur is ki asal hikmat Laitlatul Qadr ki talash aur us ke husool ki koshish hai. Jo Quran ki roo se Hazaar (1000) Maheeno se behter hai. Yani us ek raat ki Ibadat aise Hazaar Mahino ki Ibadat se behter hai, jisme LAILATUL QADR na ho.

Hadees:

(1)”Jo Lailatul Qadr me Iman aur Sawab ki niyyat se Qiyaam kare (Allah ki Ibadat karta rahe) uske Sabiqah Gunah maaf honge.”

(Bukhari o Muslim)

Muraad isse Huqooqullah se mutalliq Sagheera gunah hain.

(2)Shabe Qadr ko Ramazan ke Aakhri Ashre me talash karo.

(Bukhari o Muslim)

Imam Shafa’ii rahmatullahi alaih ke nazdeek Aakhri Ashre ke har Shab me Lailatul Qadr ka imkaan hai, lekin ziada Ahtemaal Taaq Raaton me aur usme bhi 21 ya 23 ki raat me hia. 21wi shab par Saheeh Bukhari o Muslim ki riwayat aur 23wi shab par Muslim ki riwayat dalalat karti hai. Imam Muzani aur Ibne Khuzaima waghaira ne farmaya ke Shab e Qadr muntaqil hote rehti hai. (har saal ek hi mutayyin raat nahi hoti) Imam Nawawi rah ne Rauzah, Majmoo aur Fatawa me isi ko tarjeeh di hai. Jama Bainal Ahadees me Imam Shafa’ii rahmatullahi alaih ke Kalaam ka bhi yahi taqaza hai. Shabe Qadr ki ek alamat ye hai ke uski Subah jab Suraj Tuloo hoga , to bilkul Safed hoga, usme ziada Shu’aaen nahi hongi. Shab e Qadr is Ummat ki khusoosiyat hai. Ye saal ki sab se afzal raat aur ta qayamat baaqi hai. Ye darhaqeeqat Nazar aati hai, jise Nazar aaye usey ye chupana Sunnat hai, kyun ke ye nazar aana ek Karamat hai aur Karamat ka poshida rakhna Sunnat hai. Shab e Qadr me Saari Raat Namaz, Tilawat, Dua waghaira Ibadaat me masroof rahe . shabe Qadr me ye Dua kasrat se padhen.

اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّي

Tarjuma:

Aye Allah! Beshak Tu hi maaf karne wala hai aur Maafi ko pasand karta hai pas Mujhe maaf farma.(Tirmizi 3513)

Shabe Qadr ka Ilm na hosake tab bhi us raat ki ibadat karne se uski fazeelat Fil Jumla haasil hogi (kaamil fazeelat baghair ilm ke hasil na hogi) is ki ek Alamat usme Garmi o Sardi ka na hona hai (yani Motadil hogi) Shabe Qadr ke baad din m ebhi kasrat se Ibadat karna Mustahab hai.

Rozey ke Arkaan #2

Roze ke Arkaan #2

#Fiqhe Shafai

  1. Imsaak (Muftiraat Se Rukna):

Jo Mazoor aur  jahil na ho aur mukhtar ho aur Roza yaad ho us shakhs ko in umoor se rukna lazim hai

I. Jimaa’(sexual intercourse)

II. Amadan Qai karna, Lihaza jo Rozedar roza hona yaad hote hue apne ikhtyar se Hurmat ke ilm ke bawajood (ya Ilm na ho lekin is me kotahi ki ho) Jimaa karle ya Az Khud Qai nikale to us ka Roza baatil hoga (toot jayega) Jimaa’ ke masle me Ijma hai.

Hadees: Ap sallallahu alaihi wasallam ne farmaya:

jise Roze me khud bakhud Qai hojaye to us par Qaza nahi aur jo Az khud Qai nikale wo Qaza kare.”

(Sunan Darimi, Ibne Hibban, Dar Qutni, Hakim)

**Agar (Roza hona) bhool kar ya kisi ke majboor aur zabardasti karne se be ikhtyar ya masle ki Laa Ilmi ki wajeh se jabke is laa ilmi me wo Qusoorwar na ho yani Taaza Nau Muslim ho ya Ulama se (yani is masle ke janne wale aalim se) door daraaz ilaqe me pala badha ho aur Jimaa ya Qai kare to Roza na tootega. Az Khud Qai hojane se bhi Roza baatil na hoga. Amadan Qai karna khud hi mabtal hai , agarche wapis pet me ek Qatra bhi na jaye. Andar se balgham nikaal kar thookne me Harj nahi. Agar dimagh se belgham utre aur muh ke hadde zaahir (yani lafz  ح ke Makhraj tak) pohanch jaye aur use thookne par Qaadir tha aur na thooka aur pet me chala gaya to roza baatil hoga. Agar thook na paya to Baatil na hoga.

**Kisi bhi cheez ka khule hue raaste se Jauf( khaali jagah me ) jana, agarche us Jauf me Ghiza ya dawa ko badalne (aur hazam karne) ki quwwat na ho, jaise HalaqDimaghkaan ka adnrooni hissapetpeshab aur pistaan ka surakh aur masana sirf hawa daakhil ho ya zaaiqa mehsoos ho to harj nahi, kyu ke ye Ain (cheez) nahi hain.

(Dhuwaan andar chala jaye to Roza na tootega lekin beedi,cigarette waghaira ke dhuewn se toot jayega. BASHARI AL KAREEM 2/68)

**Telya Surma musammat ke zarye andar pohanche to harj nahi, jaisa ke paani se Ghusl karne me koi Harj nahi, chahe us ka asar andar mehsoos ho kyu ke ye khule hue raste ke zarye nahi pohancha.

**Khalis paak Thook apne muh se pet me jaye agarche muh me jama karne ke baad ya zaban se bahar nikalne ke baad is par maujood thook ho, us se roza baatil na hoga. Kyu ke us se bachna mushkil hai. Thook najis ho ya us me kisi aur cheez ki amezish ho ya muh se  bahar nikaalne ke baad (agarche zaahiri hont par hi kyu na ho) pet me jaye to Roza baatil hoga. Jis ke masodhon se hamesha Khoon nikalta rahe, wo achi tarah thook kar muh ko saaf kare ke thook safed hojaye to ye kaafi hai, use mashaqqat ki wajeh se kulli karne aur muh dhone ki zaroorat nahi.

**Kaan me sakht takleef ki wajeh se dawa dalne ki naubat aaye aur us me faide ki tehqeeq ho to istemal ki ijazat hai aur majboori ki wajeh se Roza saheeh hoga.

**Makhi, machar , raste ka ghubar ya aata chaante waqt us ke zarraat pet me jaye to roza baatil na hoga, kyun ke pehli 2 soorton me amadan nahi kiya aur aakhri soorton me us se ehtyat kaafi dushwar hai. Agar bhool se koi cheez jauf (khaali jagah me) pohanch jaye ya use lautane par qaadir na ho ya zabardasti aur jabran ho ya masle se laa ilmi (ilm na ho) us ka sabab ho jabke laa ilmi me us ka qasoor na ho to in soorton me Roza baatil na hoga.

Hadees:

koi Shakhs roze me bhool kar khaa pee le to wo apna roza mukammal karle, usey Allah ne khilaya pilaya hai.

(Bukhari,Muslim)

Ibne Hibban aur Darqutni waghaira ki Riwayat me hai “us par Qazaa lazim nahi”(Talkheesul Habeer 2/407)

**Pani ke Ghair Matloob istemal se wo pet waghaira me chala jaye to roza baatil hoga, jaise Kulli aur istinshaaq(naak me paani chadhana) me mubalgha karna, Wuzoo me chauthi (4th) martaba kulli o istinshaaq karna. Agar muh se najasat door karne ke liye Mubalegha kare ya Wuzu me mubalegha na kare aur bilaa ikhtyar paani pet me chala jaye to Roza baatil na hoga.

**Wajib ya masnoon Ghusl me paani kaan waghaira me chala jaye to Harj nahi, agar Ghauta lagane se kaan me paani jata ho aur us se bachna mushkil ho to Ghauta lagana Haraam hai. Aur kaan me paani jane se Roza baatil hoga. Sirf thandak hasil karne ya safai o nazaafat ke liye ghusl kare aur kaan me paani chalajaye to Roza baatil hoga.

http://fiqheshafai.wordpress.com/

Rozey ke Arkaan

#Fiqh Shafai

Roze Ke Arkaan:

Roze Ke 3 Arkaan Hain:

  1. Niyyat
  2. Imsaak (Muftiraat Se Rukna)
  3. Roze Daar

 

 

1.Niyyat: Mashhoor Hadees Hain Innamal Aamalu BinniyaatYani Amaal Ka Daromadaar Niyyaton Par Hai.(Bukhari)

Degar Ibadaat Ki Tarah Har Roze Ke Liye Niyyat Wajib Hai(Ramazan,Nazar Ya Kaffara Ke) Farz Roze Ke Liye Raat Me Niyyat Karna Wajib Hai, Ghuroob Ke Baad Aur Subah Sadiq Se Pehli Kisi Bhi Waqt Niyyat Karna Kaafi Hai.

Hadees: Jo Subah Sadiq Se Qabl (Raat Me) Rozey Ki Niyyat Na Kare Us Ka Roza Nahi Hai.

(Ahmad,Abu Dawood, Nasai,Tirmizi, Ibne Khuzaima, Ibne Maja, Dar Qutni)

Aage Aane Wali Hazrat Ayesha Razi Allahu Anha Ki Riwayat Ke Pesh Nazar Is Riwayat Ka Talluq FARZ Rozey Se Hai, Farz Rozey Ki Niyyat Me Roze Ki Ta’yeen(Yani Ramazan Ya Nazar Ya Kaffare Ka Hai) Bhi Laazim Hai.

Makhsoos Ayyam Ke Sunnat Rozon Me (Jaise Arfa, Aashoora,Ayyam E Beez, Shawwal Ke 6 Rozey) Ta’yeen Laazim Nahi , Kyun Ke Un Ayyam Me Roze Usi Me Shumar Honge, Balke Kisi Aur Roze Ki Niyyat Kare To Bhi Ye Haasil Honge, Jaise Ke TAHIYYATUL MASJID Ka Sawab Kisi Aur Namaz Se Bhi Haasil Hota Hai. Kyunke Asal Maqsood Un Ayyam Me Rozon Ka Paya Jana Hai.

Niyyat Ke Baad Rozey Ke Manafi (Mukhalif Amal) Paya Jaye Tab Bhi Niyyat Saheeh Hogi, Jaise Niyyat Ke Baad Jimaa’ Karna Ya Az Khud Qai Karna. Isi Tarah Niyyat Ke Baad So Jaye Ya Haiz Ka Silsila Aksar Muddat Ke Baad Ya Aadat Ke Mutabiq Khatam Hojaye To Ye Niyyat Saheeh Hogi. Tajdeed E Niyyat Ki Zaroorat Nahi Hai Kyu Ke Ye Koi Sabab Rozey Ki Niyyat Ke Manafi (mukhtalif)Nahi Hai. Agar Fajr Se Qabl Niyyat Hi Khatm Karde To Roza Na Hoga. Subah Sadiq Se Pehle Phir Niyyat Karna Zaroori Hai. Lekin Din Me Niyyat Khatm Karne Se Koi Farq Nahi Padega. Albatta Riddat (Islam Chordna) Din Me Bhi Ho To Roza Khatm Hojayega. Sunnat(Nafil) Rozon Ki Niyyat Zawaal Se Pehli Karna Bhi Saheeh Hai.

Hadees: Ek Martaba Ap Sallallahu Alaihi Wasallam Ne Hazrat Ayesha Razi Allahu Anha Se Daryaft Farmaya “Kya Tumhare Paas (Khane Ke Liye ) Kuch Hai? Arz Kiya: “Ya Rasoolallah! Hamare Paas Kuch Bhi Nahi Hai.

Ap Sallallahu Alaihi Wasallam Ne Farmaya: “Phir Mai Roza Rakhta Hun”

(Muslim,Abu Dawood, Ibne Hibban )

Ek Riwayat Me Hai “Kya Tumhare Paas Kuch Nashta Hai.”

Zawaal Se Pehle Niyyat Karne Se Nafil Roza Us Waqt Saheeh Hoga Jab Ke Subah Sadiq Ke Baad Se Roze Ke Manafi (Mukhtalif Amal) Koi Baat (Jaise Khana,Jimaa’,Nifaas,Pagal Pan…) Na Payi Jaye Warna Roza Saheeh Na Hoga.

KAAMIL NIYYAT:

نویت صوم غد عن اداء فرض رمضان ھذہ السنة لله تعالى

Transliteration:

“NAWAITU SAUMA GHADIN ‘AN ADAA’I FARZI RAMAZANA HAZIHIS SANATI LILLAHI TA’ALA.”

Tarjuma: Maine Kal Is Saal Ke Ramazan Ke Farz Roze Ki Adaigi Ki Niyyat Ki.”

Taake Is Ke BarAks(doosra) Soorton Se Mutamaayiz Hojaye.

Niyyat Ka Asal Mahel DIL Hai. Dil Me NIYYAT Ho Aur ZABAN Se Na Kahe To Kaafi Hai, Lekin Zaban Se Kahe Aur Dil Me Na Ho To Kaafi Nahi. Agar Sehri Kare Taake Roza Rakhe Ya Pani Piye Taake Din Me Pyas Na Lagey Ya Subah Sadiq Ke Khauf Se Khaane , Peene Ya Jimaa Se Baaz Aaye Aur Tasawwur Me Roza Apne Shar’ii Sifaat Ke Sath Maujood Ho Jis Ka Niyyat Me Khayal Hona Zaroori Hai To Ye Bhi NIYYAT Kehlaayegi.

Masla: 30 Ramazan Ki Raat Kal Ramazan Ke Roze Ki Niyyat Kare Aur (Chand Nazar Na Aya Aur) Ramazan Hi Tha To Ye Roza Saheeh Hai. Lekin 30 Shaban Ki Raat Me Is Tarah Ki Niyyat Karne Se Roza Saheeh Na Hoga.(Kyun Ke Abhi Ramazan Ka Saboot Nahi Hua, Is Liye Pukhta Niyyat Na Hogi). Albatta Uske Nazdeek Kisi Motabar Shakhs Ke Kehne Se Ramazan Ka Guman Ho To Bil Jazm Niyyat Ki Wajeh Se Roza Saheeh Hai.

Agar Yun Niyyat Kare Ke Kal Shaban Ho To Nafil Roza Aur Ramazan Ho To Farz Roza (Aur Koi Alamat Na Ho) To Shaban Hone Ki Soorat Me Nafil Roza SAHEEH Hoga Kyun Ke Asal Shaban Ka Baaqi Rehna Hai Aur Ramazan Ho To Farz Ya Nafil Dono Saheeh Nahi Hai.

Agar Kisi Ko Qaid O Band Me Hone Ki Wajeh Se Ramazan Ka Ilm Na Hosake To Mukhtalif Alamaton Ki Raushni Me Andaza Laga Kar Roza Rakhe, Agar Waqiatan Ye Roze Ramazan Me Hi Rakhe To Ada Hain Aur Baad Me Hain To Qazaa Hain, Aur Pehli Hainaur Phir Ramazan Mil Jaye To Us Me Ada Kare Warna Baad Me Qaza Kare Agar Ainda Saal Ke Ramazan Me Waqe Ho To Uski Taraf Se Ada Honge N Ke Sabiqa Saal Ki Qaza.

 

http://fiqheshafai.wordpress.com/