AJ KA MUSALMAN

 

 

Musalmano ki halat dekh kar dukh hota hai Islam ke dawey daar hain lekin ISLAM par chalne ko tayyar nahi hain. Nabi E Rehmat Muhammdur Rasoolullah sallallahu alaihi wasallam ka naam to lete hain, Mohabbat ka dum to bharte hain lekin IQTEDA aur Itteba Dushmana e Islam ka karte hain. Talab e Maal ki Daurd Dhoop me HALAAL O HARAAM ka bhi Khayal nahi karte, aur kasrat e maak ki Hawas me NAMAZEN bhi chord dete hain, HAJ farz hue Barso hojate hain uske liye Himmat nahi karte, ZAKATEN Hisaa se nahi dete, AULAAD ki Taleem o Tarbiyat ka khayal nahi karte, unko Islami Aqaaid nahi sikhate, NAMAZ yaad nahi karate, Haan Angrezi,Hindi , French zabano ki taleem ke liye Bachon k Waqf kardete hain aur is par Be tahasha Raqmen kharch kar dete hain badi badi Umar ke ho jate hain Namazen bhi saheeh yaad nahi hoti, Bachon ko angrezo Baal katea kar aur unki Dadhi Mundhi hui dekh kar, aur angrezi libas pehna kar Tie lagi hui dekh kar jo Nasraniyo ka shiaar hai khushi me Phoole nahi samaate, ye ajeeb baat hai ke UMMAT Rasoolullah sallallahu alaihi wasallam ki aur SOORAT O SHAKAL WAZA’ O QATA’ LIBAAS AUR POSHAK ADUWWULLAH(ALLAH KE DUSHMANO) ki, aur is harkat par zara bhi nahi sharmate , Dunya se jaatey hain aur Aulaad ka Qaalib aur Qalb Firangi bana kar marte hain. ALLAH TA’AlA samajh de aur RAAH E HAQ Par laaye.

 

Shaadiyan ho rahi hain Dhool baajon ke sath Baraaten chal rahi hain Waleemon ki dawaten hai sarasar ISRAAF hai, tasweeren li jaa rahi hain Filme ban rahi hain, kahin Ladkiyon par Raqmen wusool ki jarahi hain kahin Ladkon ke liye Shart par ladkiyan Qabool ki ja  rahi hain ke Ladki wala itna itna NAQD de aur itni itni Raqam fullan fulaan kaam par Kharch karen, SHAADIYAN HAIN, MUSEEBATEN BAN GAYI HAIN, aur Doolha Dulhan wale dono FAreeq Gunahon ke murtakib ho rahe hain, saadi Shadi to gawara hi nahi, RASOOLULLAH Sallallahu alaihi wasallam ka ITTEBA pasand nahi, apne ikhtyar kiye hue Aamaal aur Rusoom o Riwaaj par hi jaan de rahe hain aur MAAL kharch kar rahe hain. LADKIYO KI AISI TARBIYAT KI HAI KE WOH DADHI WALE NAUJAWAAN SE SHAADI GAWARA NAHI KARTI, MUSALMAN LADKI AUR SOORAT E NABAWIYYA (ALAA SAHIBAHAS SALAAT WAT TAHIYYA) se BAIR AUR NAFRAT ye mizaaj MAA BAAP ne banaya hai, Gharon me Quran ki Tilawat hai na Allah ka Zikr hai, TELEVISION ka riwaaj hai , BESHARMI ka daur e daura hai aur har Ghar  CINEMA ban gaya hai Ghar ke Chote bade tamam Afraad SATH BAITH KAR ISHQ O MOHABBAT ke Muzahare dekhte hain. Aur zara bhi NAHI SHARMATE, phir iske nataij bhi samne aajate hain , lekin TAUBAH phir bhi nahi karte , NA ISLAMI AKHLAAQ HAIN NA ISLAMI AADAAB, apas me kata chini hai, WATNI LISANI TA’ASSUB hai, Hasad hai aur bughz hai, Qatal o Qitaal hai aur kehte hain ke HUM MUSALMAAN HAIN.

Dushmanan e Islaam jo taur tareeq Ikhtyar karte hain ISLAM ke dawedaar inhi ke peeche ho lete hain, wo Sood Qimaar se rupya hasil karenge NANGA LIBAAS pehne CHUST kapdon ka RIWAAJ dalden, AURTON KO BEPARDA PHIRAENGE LADKIYON KO PATLOON pehanyenge  to Musalman Sahib bhi unki Taqleed karne lagte hain, Dunya ki Talab Ghalib hai, Europe, America, Australia waghaira jaane aur  wahan Sukoonat ikhtyar karne ki Daurd o Dhoop hai, Wahan Nasraaniyon ki tarah rehte hain, SHARAAB O KHINZEER se bhi parhez nahi karte balke apni Dukano me ye cheezen bechte hain aur Australia me to Islami naam ke ilawa Doosra naam bhi rakhne padta hai, ek Musalman ko kya zaroorat hai, ke wo HARAAM khaye aur HARAAM kamaye aur AANE wali nasl ko Deen O Imaan ki barbadi par daaley.

 

Arey Allah ke Bando! Allah Ta’ala ki Kitab aur Allah Ta’ala ke Rasool sallallahu alaihi wasallam ke bataye hue AKHLAAQ o AADAAB aur Tarz e Mayeeshat aur Tareekh e Muaashirat ikhtyar karo, Dushman ke Tau Tareeq  Chordo aur Hidayat par aajao. Nek abno aur ache bano , Halaal Dunya kamao lekin Dunyadaar na Bano AAKHIRAT ke Bete bano isi ke liye Fikar mand raho.

 

Hum Muhammad sallallahu alaihi wasallam ke hain wo Hamare hain unho ne Hame Deen e Islaam diya hai, jo deen e Fitrat hai Deen E kamil hai, Jamey hai Deen e IFFAT O ISMAT hai Usne Insaniyat ko SAHEEH Maqaam diya hai, AKhlaaq e Aaliya batate hain, is Deen ki pabandiyo ko chord kar MAGHRIB ke KHUDA faramosh Insano BEHAYAO ke DAMAN se kyu wabasta hote ho. .

 

[MAULANA AASHIQ ILAHI BULAN SHAHRAI Rahmatullahi alaih]

JAAHILIYAT KA ZAMANA AUR AJ

JAAHILIYAT KA ZAMANA AUR AJ KA

Zamanae Jahiliyat me jaise hi kisi ko uske Ghar me BACHI ki paidaish ki Khabar di jaati uska Chehra GHUSSE se Mutaghayyar hojata aur ye TAKLEEF dah KHABAR sunkar wo SHARMINDGI ke MAare uske Chehre par Tareeki chah jati, ye Khabar is Qadar buri lagti ke wo logon ka Samna karne se Sharmata aur usey yaqeen hojata ke usey 2 Kaamo me se Ek kaam karna hi hoga ya to BACHI ko Zindah Rakh kar MASHREY me ZILLAT o RUSWAAI ki Takleef bardasht karta ya phir us bachi ko ZINDA dar gor karke SHARMINDGi ke daagh ko dho dale,

Allah ta’al ne Quran paak me kuch is tarah uska Naqsha kheencha:

“Aur Jab unme se kisi ko BETI paida hone ki KHABAR milti hai to uska MUH GHAM ke sabab Kaala apd jata hai aur eo Andar hi Andar Ghutne lagta hai, aur is Khabar e Bad  ke sabab Jo wo Sunta hai Logo se Chupta phirta hai sochta hai ke Ye Zillat BARDASHT kar ke LADKI ko ZINDA rehna de ya ZAMEEN me Gaard de, Dekho ye Jo Tajweez karte hain Bhot BURI hai.”

                           [SURAH AL NAHAL ayat 58,59]

Ghaur karen Aj ABORTION ke taur par Musalmaan bhi yahi kaam kar rahe yaad rakhen ALLAH TA”ALA hi Rizq dene wala hai

                   “ Aur Naddari (ke andeshe) se apni AULAAD ko Qatal na karna kyu ke Tumko aur un ko HUM Rizq dete hain”

                                                [Surah Al An’aam ayat 151]

Aur Yaad rakhen jo Is Jurm ka irtekaab karega ALLAH use Qayamat ke Roz Hum kalaam na honge balke Allah Subhanahu Ta’ala un be Gunaah Bachon se Hum kalaam honge aur unse poochenge ke Unhe kis Gunaah ke Sabab Qatl kiya gaya. Zulm o Ziyadti karne wale apne JURM ki poori  poori Saza bhuktenge.

Quran Majeed Surah Takweer Ayat 9, 10 me hai

                   “Aur Jab us Ladki se jo Zinda DAFNA di gayi ho poocha jayega ke Wo kis Gunah par maar di gayi.”

          Akhir me Ek Waqia padhlen jis se pata chal jayega ke ye Amal kitna Na pasandeeda hai

                   “Ek dafa ek Sahabi Rasoolullah Sallallahu alaihi wasallam ki Khidmat me Haazir hue aur Ap sallallahu alaihi wasallam ke samne Zamanae Jaahiliyat ki is Wehshiyana Rasm ka Tazkira karte hue kaha:

          “Ya Rasoolallah sallallahu alaihi wasallam Hum Zamanae Jaahiliyat me BUTON ki pooja kiya karte the aur apni aulaad ko Zinda dar gor kiya karte the. Meri Ek beti thi jab wo kuch badi hui, baaten samajhne lagi , mere Aagey peeche chalne lagi aur mere Bulane par Khushi se Daudi chali aati to Ek din maine use bulaya aur wo mere peeche chal padi. Jab Mai ghar se Qareeb hi ek Kunwe ke paas pohancha to maine usey HATH SE PAKAD KAR KUNWEY ME PHENK DIYA uski Zaban par Akhri Kalimaat “MERE PYARE ABBA JAAN! MERE PYARE ABBA JAAN!” the.

          Ye Waqia sunkar Rasoolullah sallallahu alaihi wasallam is Qadar ROOYE KE AP sallallahu alaihi wasallam KI ANKHON SE AANSU TAPAKNE LAGEY. Hazireen e Majlis me se ek Aadmi ne Qissa bayan karne wale se kaha : “Tumne Rasoolullah sallallahu alaihi wasallam ko GHAMGEEN kardiya!” is par Rasoolullah sallallahu alaihi wasallam ne farmya :

“Ise malamat mat karo kyu ke Wo apne liye pareshani ki Baais Cheez ke baare me poochna chah raha hai.”

          Aur phir Ap sallallahu alaihi wasallam ne use farmaya: “ Apni Baat phir se kaho”

Chunanche unho ne Dubara Qissa bayan kiya Jis Par Rasoolullah sallallahu alaihi wasallam Dubara is Qadar ROYE KE APKE AANSOO APKI DADHI MUBARAK PAR TAPAKNE LAGEY, phir Ap sallallahu alaihi wasallam  us shaqs ki taraf Mutawaajh hue aur Irshaad farmaya :

          “ALLAH Ta’ala ne ZAMANAE Jaahiliyat ke Tamam Amaal ko Maaf kar diya hai islye tum naye sire se Amaal karo.”

                             [Sunan Daarimi muqadma hadis no 2]

          Aye Musalmano apni Betiyo ko Khatm na karo , socho Pyare Nabi sallallahu alaihi wasallam ko Kitni Takleef hoti hai is amal se, Hamare Nabi sallallahu alaihi wasallam to LADKIYO wale hum Ladkiyo se kis lye Nafrat karen, us Sahabi ke Waqie ne Rasoolullah sallallahu alaihi wasallam ko Kitna Rulaya, ISLAM ne AURAT ko IZZAT di hai tum JAAHILIYAT ka AMAL na karna Qayamat ke Din Ladkiyo aur Un aulaad se poocha jayega jisko tumne Abortion etc se Qatl kiya K TUM KIS JURM KI SAZA ME QATL KI GAYI HO.

                   Allah Hame SHARIAT par Kaamil Amal karne Wala banade aur Allah par Kaamil bharosa Inayat farmaya.

Ameen.

FBS

MAKHLOOQ E KHUDA SE HAMDARDI

¤¤¤HAMDARDI¤¤¤
Allah ke Rasool(SALLALLAHU ALAIHI WASALLAM) ne farmaya
“Ek Dafa Admi Raste par Chala jaa raha tha ke use Sakht pyaas lagi. Usne Ek Kunwa(well) paya to usme utar kar usne pani piya, phir Bahar Nikal aaya. Wahi ek Kutta tha Jo Pyas ke maare Zaban bahar nikal raha tha (haampte hue) keechad Chaat raha tha. Us Admi ne (Dil me) kaha :
Is Kutte ko bhi isi tarah pyas ne sataya hai jis tarah Mai uski Shiddat se Behaal hogaya tha, to Wo Kunwe me Utra aur Apna Mauza(leather sock)pani se bhara aur Usey Muh me pakad kar Upar Chadha aur Kutte ko pani pilaya.
Allah Ta’ala ne us(ke is Amal aur Jazbe) ki Qadar ki aur use Maaf farmadya.”
Sahaba(Razi Allahu Anhum) ne Arz kiya :
” Aye Allah ke Rasool(S.A.W)! Kya Hamare lye Chaupaayo(animals) <par taras khane> me bhi SAWAB hai?
Ap(Sallallahu alaihi wasallam) ne farmaya:
“HAR TAR JIGAR WALE(JAANDAAR KI DEKH BHAAL) ME AJAR HAI.”
[BUQARI & MUSLIM]

Aur Buqari kh Ek Riwayat me hai :
“Allah Ta’ala me us Shaqs ke Amal Ki Qadar ki. To Use BAQSH diya aur JANNAT me Daqil kardya..”

Subhan Allah! Itne se Amal par Allah ne Jannat ata kardi.
ISLAM MAZHAB KHAIR KHAHI ka hai.
Bhayyo! Garma ka Mausam hai, to Janwaro aur parindo.. K lye apne Ghar ki chat par ya apne Mahelle me ya kahi bhi Khususan in Bezubaan Janwaro k lye pani ka Intezam kijye. Kya pata Allah ta’ala ko hamara ye Amal pasand aajaye aur Wo Hum Gunahgaaro ke Gunah Maaf farmade aur Jannat ata farmade.

Ye Baat dusro tak pohanchayye taake agar koi 1 ne bhi Amal kiya to hame bhi Ajar milega. Aur ACHI BAAT BATANA SADQA hai.

Jazakallah khair.
FBS