9,10 MUHARRAM KE ROZE KI FAZEELAT PAR EK JHOOTI HADEES KI WAZAHAT

9,10 MUHARRAM KE ROZE KI FAZEELAT PAR EK JHOOTI HADEES KI WAZAHAT

Assalamu alaikum,

Social Media par ek image 9,10 Muharram ke roze par kaafi share horahi hai jisme na hadees ka hawala hai aur na hi kuch. Aur un rozon ki fazeelaat khoob batayi gayi hai. Lekin wo hadees Mauzoo yani Jhooti hai jiska Bayan karna Share karna GUNAH hai. 

10-muharram

Allama Zahbi Rahimahullah ne us baat ko Apni Kitab “TARTEEBUL MAUZO’AAT” me naqal kiya hai. Yaad rahe is Kitaab me Allama Zahbi rahmatullahi alaih ne MAUZOO Jhooti riwayaten zikr ki hain. aur Is baat ko Naqal karne ke baat Allama Zahbi rahimahullah ne farmaya قبح الله من وضعه ما اجهله is ka khulasa ye hai ke “Allah Ta’ala us shakhs ko jisne ye Hadees Ghardi hai usko Khair o Bhalai se door rakhe kya hi jahalat ki baat kahi hai.”(Tarteebul Mauzoo’aat page 182, S.No 585)

Scan:

tarteebul-mauzuaat

Ye Baat hamare Zahen me Honi chahye ke Mauzoo riwayat jo hoti hain wo wo baaten hoti hai jo kisi Jhoote ne apni baat keh kar Rasoolullah ﷺ ki taraf uski Nisbat kardi hai, Allah Paak Ulama e Ummat ko Jazaye Khair ata farmaye ke Unki Mehnaton se Khara aur Khote me farq hogaya. Aur Muahddiseen e Izaam ne Jhooti Baaton ko Hadeeson se alag kardiya.

9,10 Muharram ke Roze ke Mutalliq Bhot si Ahadees Maujood hai jisme se ek ko hum yahan zikr karte hain baqi ki taraf ishara kardete hain.

Yaad rakhen!!!

10 MUHARRAM KE ROZE KE BAARE ME YE FAZEELAT SAHEEH HADEES SE SABIT HA

Allah ke Rasool sallallahu alaihi wasallam ne irshad farmaya:

“Arfa (9 Zil haj) ke Roze ke mutalliq mujhe Allah se umeed hai ke ek Saal Guzashta aur ek Saal Aainda (ke gunahon) ka kaffara hojayega, aur Aashoore(10 Muharram) ke Roze me Allah se Umeed hai ke Guzashta Ek saal ka Kaffara hojayega.”

(Saheeh Muslim)

Baaqi tafseelat ke liye 9,10 ke Roze ki yahan click karen.

Tamam Ahbaab se Guzarish hai ke Ghair tehqeeq Shudah baaton ko Share na karen.

Allah Paak Hame Jhooti baaten pehlane se Mehfooz rakhe.

Aameen

FBS

 

Muharram aur uske Mutalliq Aqaid part 2

Kya Yaum e Aashoora ka Roza Shahadat ki wajeh se hai?

* 10 Muharram ko Islam se pehle Guzashta Ummaton me badi Izzat o Waqaar ki Nazron se dekha jata tha, Is din Moosa Alaihis salam aur bani Israil ko Allah Ta’ala ne Zaalim Firaon se Najaat di aur wo Zaalim aur uske Rufaqa Behr-e-Qalzam me Gharq kiye (duba diye) gaye, to Moosa alaihis salam ne is din Shukriya ka Roza rakha tha, Aanhazrat sallallahu alaihi wasallam ne bhi Roza rakha.

Yaum-e-Aashoora Karbala ke Waqie se pehle hi Muazzam o Mukarram Nazron se nawaza gaya tha, ye BilkulGhalat hai ke Syedna Hazrat Hussain razi Allahu anhu ki Shahadat ke baad yaum-e-Aashoora Mohtaram hua aur Waqie Shahadat ki wajeh se roza rakha jata hai; balkeh Saheeh ye hai ke Allah Ta’ala ne Hazrat Imam Hussain razi Allahu anhu ki Shahadat ke liye aisa Mubarak o Muazzam din pasand farmaya jis ki wajeh se Ap ki Shahadat ke Darjaat aur Fazael me ziyadti farmayi.

-Fatawa Raheemiya 2/381, Fatawa Mehmoodiya 6/132

* Zikr-e-Shahadat ka Ayyam-e-Ashrae (10 Din) Muharram me karna Rawafiz(Shia) ki Mushahabat ki wajeh se Mana hai aur MAATAM, NOHA(Rona peetna) karna Haram hai, Hadees Shareef me Ap sallallahu alaihi wasallam ne Marsiyon se mana farmaya hai aur Khilaaf e Riwayaat bayan karna sab Abwaab me Haraam hain, Khaas Dino me Sadqaat Taqseem karna, agar ye janta hai ke Aj Hi Ziada Sawab hai to Bid’at Zalalah hai, kisi din ko khaas kar ke Khaana taqseem karna laghu(bekar cheez) hai, aur Sadqa khaan Maaldaar ke liye Makrooh aur Syed ke liye Haraam hai.

-Fatawa Rasheediya 139

10 Muharram ko Zikr-e-Shahadat ka bayan karna; Agarche Saheeh Riwayaat se ho ya Sabeel laga kar Sharbat pilana Ya Chandah Sabeel Sharbat me dena ya Doodh pilana ye sab Saheeh nahi hai aur Rawafiz se Tashabboh (similarity) ki wajeh se Haraam hai.

-Fatawa Rasheediya 139

Muharram aur uske Mutalliq Aqaid part 1

Muharram aur uske Mutalliq Aqaid part 1

* Muharram ke Maheene ko Matam aur Sog ka Maheena Qarar dena Jayaz nahi, Haraam hai aur Muharram ke maheene me Shadi waghaira ko Na Mubarak aur Najayaz samajhna sakht Gunah aur Ahl-e-Sunnat Wal jamat ke Aqeede ke khilaf hai, Islam ne Jin cheezon ko halal aur Jayaz qarar diya ho , aeteqadan ya amalan unko Najayaz aur Haram samajhne me Iman ka Khatrah hai.

# Fatawa Raheemiya 3/191.

* 10 Muharram ko Zikr e Shahadat ka bayan karna; agarche saheeh riwayaton se ho ya Sabeel laga kar sharbat pilana ya Chanda Sabeel sharbat me dena, ya doodh pilana ye sab saheeh nahi hai aur Rawafiz (Shiyao) se mushabahat( similarity) ki wajeh se Haraam hai.

# Fatawa Rasheediya 139

* Taziya saazi ka najayaz hona aur uska Khilaafe Deen o Iman hona Azhar minash shams hai, quran e majeeb me hai اتعبدون ما تنحتون
Kya tum aisi cheezon ki ibadat karte ho jisko tumne tarasha aur banaya hai
Zaahir hai ke Taziya insaan apne hath se tarash kar banata hai aur phir Mannat maani jati hai aur usse muraaden maangi jaati hain, uske saamne aulaad o sehat ki duaen ki jati hain, Sajda kiya jata hai, uski ziyarat ko Hazrat hussain razi allahu anhu ki ziyarat samjha jata hai,
Kya ye sab baaten Imaan ki Rooh aur Islam ki taleem ke khilaf nahiye sab baaten Bid’at aur najayz hain.

Fatawa Raheemiya 2/275, Fatawa Rasheediya 576.
* Yaum e Aashoore ke din ke Mutalliq shariyat ne 2 khaas Cheezen batlayi hain:
1. Roza rakhna,
2. Ahel o Ayaal par khaane peene me wus’at karna.

Hadees Shareef me hai ke Jisne Yaum e aashoora ke din apne baal bachon par khaane me wus’at ( kushadgi) ki to Allah Ta’ala poore saal Rozi me izafa karenge, iske ilawa us din ke liye aur koi Hukm nahi hai.
Fatawa Raheemiya 2/380.

Masael e Shirk o bid’at 214++

FBS

Aashoore ka Roza aur Aashoore ki Bid’aat

Aashoore ka Roza:

Muharram ki 10 aur 9 tareekh ko Roza Sunnat hai

Allah ke Rasool sallallahu alaihi wasallam ne irshad farmaya:

  1. “Arfa (9 Zil haj) ke Roze ke mutalliq mujhe Allah se umeed hai ke ek Saal Guzashta aur ek Saal Aainda (ke gunahon) ka kaffara hojayega, aur Aashoore(10 Muharram) ke Roze me Allah se Umeed hai ke Guzashta Ek saal ka Kaffara hojayega.”

(Saheeh Muslim)

  1. Aashoore ka Ra Roza ek Saal ke Gunahon ka Kaffara hai.(Saheeh Ibn e Hibban)
  2. Agar Mai Aayenda Saal tak Zinda raha to Zaroor 9 Muharram ko Roza Rakhunga.(Saheeh Muslim)
  3. Agar Mai Aayenda Saal tak raha to zaroor Aashoore se ek din pehle ya ek din baad roze ka hukum doonga.(Baihaqi)

9 Muharram ka Roza Bataure ahtiyat aur Yahood ki Mukhalifa ki wajeh se hai. Isi liye 9 Muharram ko kisi ne Roza na rakha to 11 Muharram ko rakhte. Balke “AL UMM” waghaira me hai ke 9, 10 aur 11 3 Roze Mustahab hai. Imam Ghazali rahmatullahi alaih ne 1 Muharram se 8 Muharram tak ke rozon ko Sunnat qarar diya hai. (Nihayatul Muhtaj)

Aashoore ki Bid’aat:

Aashoore ke din ki Mashhoor  washaye Namaz, Kharch Karna, Khizaab, tel lagana , Surma lagana aur Makhsoos Pakwan waghaira Mauzoo aur iftera hai is din Surme ka Ahtemam karna Bid’at hai jise Qaatileen e Hazrat Hussain Razi Allahu anhu ne ghada hai. Aashoore ke din apne Ahel o Ayaal par kharch me tausee (kushadgi) karna Sunnat hai. Take Saal bhar ise Kushadgi ata farmaye, jaisa ke Hadees e Hasan me hai, bhot se Muhaddiseen ne use aazmaya to Mujarrab paaya. Imam Munawi farmate hain ke Ahel O Ayaal par Kushadgi ki Hadees Agarche ke Zaeef hai, lekin mUkhtalif Sanadon se warid hai isliye Majmooi taur par Quwwat haasil hoti hai, Baaz Sanadon ko Zain Iraqi aur Ibne Nasir Uddin ne Saheeh qarar diya hai.

(Tohfatul Baari  1/365)