Namaz ka Martaba e Azeemah

Namaz ka Martaba e Azeemah

Namaz Allah Ta’ala ka bhot bada In’aam hai , degar Ibadaat isi sar Zameen par rehte hue farz ki gayiin lekin Namaz Aalam e Baala me farz ki gayi , Allah Ta’ala Shanahu ne apne Habeeb sallallahu alaihi wasallam ko Aalam e Baala ki sair karai, aur wahan 50 phir 5 Namazen Ata ki gayiin aur sawab 50 hi ka rakha gaya. Rasoolullah sallallahu alaihi wasallam Hazrat Moosa alaihis salam ke tawajjeh dilane par baar baar baargaah e Ilahi me Haazir hokar Namazon ki takhfeef ke liye darkhast karte rahe aur darkhast qabool hote rahe, Aalam e Baala me baar baar Aapki haziri hoti rahi.

Wahan Aanhazrat sallallahu alaihi wasallam ki Munajaat hui phir is dunya me Aap sallallahu alaihi wasallam ke Sahaba razi Allahu anhum ki aur Sahaba razi Allahu anhum ke baad poori Ummat ki Munajaat hoti rahi aur taa Qayamat ye munajaat hoti rahegi In shaa Allahu Ta’ala.

Chunkeh ye Allah Ta’ala Shanahu ke darbar ki haaziri hai is liye is ke wo aadab hai jo doosri ibadaat ke liye laazim nahi kiye gaye, Ba wazoo hona, kapdon ka paak hona, Namaz ki jagah ka paak hona, Qible rukh hona, adab ke sath haath baandh kar khada hona, Allah ka Kalam padhna, Ruku karna, sajda karna ye wo cheezen hain jo majmooi haisiyat se kisi doosri ibadat me mashroot nahi hain (go in me se baaz Ahkaam baaz degar ibadaat se bhi  mutalliq hain) phir Namazi har 2 rakat ke baad Tashahhud padhta hai jo Attahiyyatu lillahi se shuroo hota hai, Baaz Shurrahe Hadees ne farmaya hai keh Tashahhud me unhi alfaaz ka I’aada hai jo Shab e Meraj me ada kiye gaye the, Haaziri ke waqt Aanhazrat sarwar e aalam sallallahu alaihi wasallam ne Tahiyyah pesh karte hue arz kiya: التَّحِيَّاتُ لِلَّهِ وَالصَّلَوَاتُ وَالطَّيِّبَاتُus ke jawab me Allah Ta’ala Shanuhu ki taraf se jawab mila: السَّلَامُ عَلَيْكَ أَيُّهَا النَّبِيُّ وَرَحْمَةُ اللَّهِ وَبَرَكَاتُهُye sun kar Aap sallallahu alaihi wasallam ne arz kiya: السَّلَامُ عَلَيْنَا وَعَلَى عِبَادِ اللَّهِ الصَّالِحِينَ , Hazrat Jibraeel alaihis salam ne fauran Tauheed o Risalat ki gawahi di aur أَشْهَدُ أَنْ لَا إِلَهَ إِلَّا اللَّهُ وَأَشْهَدُ أَنَّ مُحَمَّدًا عَبْدُهُ وَرَسُولُهُKe kalimaat ada kiye.

(Taleeq Abu Dawood Fakhrul Hasan Gangohi rah.)

Namaz chunkeh darbar e Ilahi ki Haazri hai , is liye poori tawajjeh ke sath Namaz padhne ki taleem di gayi, Sutrah samne rakhne ki hidayat farmayi taakeh diljam’ii rahe, idhar udhar dekhne se mana farmaya hai, Namaz padhte hue Tashbeek yani Ungliyon me Ungliyan daalne ki mumaniat farmayi hai. Khaane ka taqaza hote hue aur peshab paakhane ka taqaza hote hue Namaz padhne se mana farmaya hai kyun ke ye cheezen tawajjeh hatane wali hain in ki wajeh se Khushoo Khuzoo’ baqi nahi rehta jo darbar ki haazri ki shan ke khilaf hai.

Hazrat Abu Zar razi Allahu anhu se riwayat hai ke Rasoolullah sallallahu alaihi wasallam ne irshad farmaya ke jab Bandah Namaz me ho to barabar Allah Ta’ala ki tawajjeh us ki taraf rehti hai, jab tak ke banda Khud apni tawajjeh na hatale, jab bandah tawajjeh hata leta hai to Allah Ta’ala ki bhi tawajjeh nahi rehti. Hazrat Abu Zarr razi Allahu anhu se riwayat hai ke Rasoolullah sallallahu alaihi wasallam ne irshad farmaya: agar tum me se koi Shakhs Namaz ke liye Khada ho to kankariyon ko na chooay kyun ke us ki taraf Rehmat mutawajjeh hoti hai.

(Mishkatul Masabeeh safha 91)

Advertisements

Namaz Me Hath Kahan Baandha Jaye???

BISMILLAHIR RAHMANIR RAHEEM

Namaz Me Hath Kahan Baandha Jaye???

          Hazrat Muawiya Razi Allahu Anhu Se Marwi Hai Ke Rasoolullah Sallallahu Alaihi Wasallam Ne Irshad Farmaya :
“Allah Ta’ala Jiske Haq Me Behtari Chahte Hain, Usko Deen Me Tafaqqoh Ata Farmate Hain. ”

(Bukhari 1/16, Muslim 2/123)

Hafiz Ibne Hajar Rah Ne Is Hadees Ke Zail Me Likha Hai Ke Isse Tamam Logo Par Ulama Ki Fazeelat Aur Tamam Uloom Se Tafaqqoh Fid Deen Ka Afzal Hona Zahir Hota Hai.

(Fathul Bari 1/124)

Imam Tirmizi Rah Ek Hadees Ke Zail Me Likhte Hain :

“Fuqaha Ne Yahi Kaha Hai Aur Wo Maaniye Hadees Se Ziada Waqif Hain”

(Tirmizi 1/118)

Hum Aaj Awaamun Naas Ko Hath Baandhne Ke Masle Par Fuqaha(Aimma E Arbah) Ki Tehqeeq Batayenge Sath Me Muhaddis E Kabeer Imam Tirmizi Rahmatullahi Alaih Ka Wazeh Qaul Batayenge Jo Aap Rah Ne Hath Baandhne Ke Bare Me Farmaya Aur Sath Hi Ibn E Qayyim Rahmatullahi Alaih Jinki Tehqeeq Par Ghair Muqallideen Naaz Karte Hain Unka Qaul Hath Baandhne Ki Kaifiayat Me Bayan Karenge. Bhaiyo Se Guzarish Hai Ta’assub Ka Chashma Utar Kar Post Padhen.

Jazakallah Khair.

Fiqh Hanafi:-

Fiqh E Hanafi Ki Motabar Kitab Hidaya Me Hai Keh Naaf Ko Seedhe Hath Ko Baayen(Left) Hand Par Naaf Ke Neeche Baandha Jaye.

(Hidaya Kitabus Salat , Baab Sifatus Salat jild 1 safha 313)

Fiqh Maaliki:-

Fiqh E Maliki Mashhoor Kitab Al- Mudawwana Me Hai Keh

Imam Malik Rah Farmate Hain Keh

“Mai Farz Namaz Me Us(Hath Baandhne) Ko Nahi Janta Aur Wo Usko Makrooh Samajhte The Lekin Nawafil Me Jab Qiyaam Lamba Hojaye To Usme Koi Harj Nahi.

(Mulkhis Al Mudawwana Kitabus Salat jild 1 safha 169)

Fiqh E Shafai:

Fiqh E Shafai Ki Mashhoor Kitab Al-Majmoo’ Sharah Muhazzab Me Hai

“Seedha Hath Bayen Hath Par Seene Ke Neeche Aur Naaf Ke Oopar Baandhe”

(Al-Majmoo  Kitabus Salat jild 3 safha 269)

Fiqh E Hambali:-

Fiqh E Hambali Ki Mashhoor Kitab Al-Mughni Me Imam Ahmad Rah Se Teen Riwayaten Milti Hain

  1. Hathon Ko Naaf Ke Neeche Baandha Jaye
  2. Hathon Ko Naaf Ke Oopar Bandha Jaye
  3. (Musalli Ko) Ikhtyar Hai(Jahan Chahe Baandhe)

(Al-Mughni Baab Sifatus Salah jild 2 safha 141,)

Imam Ahmad  Rahmatullahi aliah ne Hath ko Seene par bandhne  ko Makrooh kaha hai

(Masail Imam Ahmad Riwayat Abu Dawood Sajastani 1/48)

Ab Aayye Muhaddis E Kabeer Imam Tirmizi Rahmatullahi Alaih Ka Haqeeqat Pasandana Qaul Padhte Hain Jisme Imam Rahmatullahi Alaih Ne Salaf Saaliheen Ke Amal Ki Taraf Nishandahi Ki Hai

Imam Tirmiz Farmate Hai

“Sahaba,Tabaeen Aur Baad Ke Ahle Ilm Ka Khayal Hai Ke Namaz Ki Halat Me Admi Daayan Hath Baayen Hath Par Rakhe Ab Baaz Hazraat Ka Khayal Hai Ke Naaf Ke Upar Rakhe Aur Baaz Ki Raye Hai Ke Naaf Se Neeche Rakhe, Gharz In Hazraat Ke Nazdeek Is Masle Me Wus’at Aur Kushadgi Hai.

(Tirmizi, Baab Namaz Me Hath Seedha Hath Bayen Hath Par Rakhna)

Zara Is Ibarat Ko Ghaur Se Padhen Kya Kahin Seene Par Hath Baandhne Ka Tazkirah Hai ????

Nahi Uska To Sirey Se Tazkirah Hi Nahi Hai. Is Se Saaf Pata Chalta Hai Keh Salaf Saaliheen Ka Is Par Amal Hi Nahi Tha.

Ab Zara Woh Log Jo Khud Ko Salafi Kehte Hain Woh Hame Batayen Ke Unke Salaf Kaun Hai????

Ab Aakhir Me Shaikhul Islam Ibne Taimia Rahmatullahi Alaih Ke Shagird Imam Ibn E Qayyim Rahmatullahi Alaih Ki Bhi Is Mamle Me Tehqeeq Padhlijye.

Shaikh Ul Islaam Ibn Taimiyah Ke Shagird Alama Ibn Qayyim Ki Tehqeeq Aur Faisla.

Haato Ko (Namaz Me ) Seene Par Rakhna Makrooh Hai Aur Yeh Isliye Makrooh Hai Kyunki Nabi E Karim Sallallahu Alaihi Wasallam Se “ Takfeer “ Ki Mumaanat Marwi Hai Aur Takfeer Se Muraad Seene Par Haat Rakhna Hai.

(Badaa Ul Fawaaid  980/3 )

Ab ap khud Fuqaha ke Aqwaal aur Salaf ke aamal padhen aur batayen ke kya kisi ek Faqeeh ke paas Hath Seene par baandhna hai????

Imam Tirmizi Rahmatullahi alaih ne Salaf ka Amal bataya kya usme Seene par hath bandhne ka Tazkirah hai???

Aur Ibne Qayyim Rahmatullahi alaih ne saaf likh diya keh Seene par Hath Bandhna Makrooh hai.

Ab ap khud hi sochen ke kya Salaf ke khilaf amal karne wale Salafi hosakte hain???

Allah Ta’ala se Dua hai keh Hame Deen ko Salaf jis tarah Samjhe usi tarah samajhne ki taufeeq ata farmaye aur Siraat  e Mustaqeem par chalaye .

Ameen Ya Rabbal Aalameen.

NAMAZ

NAMAZ ISLAAM KA BUNYAADI FAREEZA HAI
NAMAZ MUSALMAN HONE KI ALAMAT HAI
NAMAZ MUSALMAN AUR KAAFER KE DARMYAAN HADDE FAASIL HAI
NAMAZ RASOOLULLAH SALLALLAHU ALAIHI WASALLAM KI AANKHO KI THANDAK HAI
NAMAZ ALLAH TA’ALA KI MADAD HAASIL KARNE KA WASSEELA HAI
NAMAZ JANNAT HASIL KARNE KA RASTA HAI
NAMAZ JAHANNAM SE NAJAAT KA ZARYA HAI
NAMAZ JAAN O MAAL KI HIFAZAT KI ZAAMIN HAI
NAMAZ AAKHIRAT ME RAUSHNI KA MINAAR HAI
NAMAZ DIN RAAT ME 5 MARTABA APNE GUNAHON SE PAAK HONE KA GHUSL HAI
NAMAZ BEHAYAI KE KAAMON AUR BURI BAATON SE ROKNE WALI HAI
NAMAZ ALLAH TA’ALA KE QURB HAASIL KARNE KA SAB SE AALA AMAL HAI
NAMAZ SHAB E MERAJ KA QEEMTI TOHFA HAI
NAMAZ MOMINEEN KI MERAAJ HAI

TAHAJJUD NA PADHNE WALE KA ZIKR

عن ابن مسعودٍ – رضي الله عنه – قَالَ: ذُكِرَ عِنْدَ النَّبيِّ – صلى الله عليه وسلم – رَجُلٌ نَامَ لَيْلَةً حَتَّى أصْبَحَ، قَالَ:

«ذَاكَ رَجُلٌ بَالَ الشَّيطَانُ في أُذُنَيْهِ

[متفقٌ عَلَيْهِ]

Roman Translation:
Hazrat Abdullah Bin Masood razi Allahu anhu se riwayat hai ke

Ap(Sallallahu alaihi wasallam) ke pas ek Admi ka zikr kiya gaya k wo Raat ko subah hone tak soya raha. Ap(Sallallahu alaihi wasallam)ne farmaya
Ye Wo Admi hai jiske Kaano me SHAITAN ne PESHAB kardya

(SAHEEH BUKHARI  Hadees No 3270, SAHEEH MUSLIM)

Afsos aj aksar Ummat ke Kaan me SHAITAN PESHAB kar raha hai.

Allah hum sab ko TAHAJJUD KI NAMAZ PADHNE KI TAUFEEQ ATA FARMAYE.

===========================================

English Translation:
Abdullah Bin Masood Razi Allahu anhu reported:

“Mention was made before the prophet sallallahu alaihi wasallam of a man who slept throughout the night till morning. The Messenger of Allah sallallahu alaihi wasallam remarked,

“ HE IS A  MAN IN WHOSE EARS SATAN URINATED”

(SAHEEH BUKHARI AND MUSLIM)

So, Sad now many of us not offering night prayer and Satan is urinating in our ears?
May Allah Guide us so that we can offer Tahajjud daily and ask His Forgiveness.
FBS

DOOSRI JAMAT

MAHELLE KI MASJID JISME IMAM RAATIB HO[PABANDI KE SATH IMAMAT KE LYE MUTAYYAN HO] WAHAN DOOSRI JAMAT KARNA MAKROOH HAI

¤Hazrat Ibrahim Nakh’e rah se Marwi hai ke ALQAMA Rah aur ASWAD Rah, Hazrat Abdullah Bin Masood Razi Allahu anhu ke sath EK MASJID me aye, logo ne Unka isteqbal kiya is haal me ke Log NAMAZ padh chuke the,
Hazrat Abdullah Bin Masood Razi Allahu anhu Dono ko lekar Ek GHAR chale gaye, ek ko Dayen(right) aur ek ko bayen(left) khada kar ke NAMAZ padhai.
[MUSANNAF ABDUR RAZZAQ JILD 2, SAFHA 409]

¤Hazrat Aflah Rah farmate hai ke Hum Hazrat Qasim Rah ke sath Namaz padhne ke lye Masjid gaye to Wahan Namaz ho chuki thi. Hazrat Qasim Rah ne phir TANHA NAMAZ padhi
[MUSANNAF IBNE ABI SHEEBA J 2, PAGE 323]

IMAM SHAFAI Rahmatullahi alaih farmate hai
“Hame yaad hai ke bhot se SAHABA IKRAM Razi Allahu anhum ki Namaz Nabi kareem sallallahu alaihi wasallam ke sath faut hogai thi to unho ne Huzoor sallallahu alaihi wasallam ko is baat ke Maloom hone ke Bawajood AKELE AKELE NAMAZ padhi thi halanke Wo (doosri) Jamat karwane par Qadir bhi the, aise hi Kuch logo ki JAMAT se NAMAZ reh gai to Wo MASJID aye aur har ek ne ALAG ALAG NAMAZ padhi Halanke Wo bhi Qadir the ke MASJID ME DOOSRI JAMAT karwa len lekin phir bhi Har ek ne ALAG ALAG NAMAZ padhi aur unho ne JAMAT Karwane ko Is Wajeh se MAKROOH jana ke Wo Masjid me 2 Martaba JAMAT karwane ke MURTAKIB NA HO,
Neez Imam Shafai Rahmatullahi alaih farmate hai ke Mai AHLE MAHELLA ke lye TAKRARE JAMAT ko islye NAPASAND hu ke ye Aisa kaam hai Jo HAMARE ASLAAF[SAHABA, TABAEEN, TABE TABAEEN] ne nahi kiya balke BAAZ ne to ise MAAYOOB samjha hai.
[KITABUL UMM JILD 1, SAFHA 154,155]

Upar ke Sahaba Tabaeen ke Amal se Wazeh hogaya ke MASJID ME DOOSRI JAMAT NAHI BANANI CHAHYE .
ALLAHU ALAM.
FBS