Reply :Lord Shiva was Muslims’ first prophet, says Jamiat Ulema Mufti Muhammad Ilyas

Assalamu alaikum.

HAMARA AQEEDA .

Allah Ta’ala Quran me farmate hain:

“Hum ne har Ummat me Koi Nabi bheja hai…”

(Surah Nahal 16 ayat 36)

Hamara Aqeeda ye hai ke Hum Imaan laate hain

Allah par uske farishton par uski kitabon par aur uske rasoolon par Aaakhirat par aur Taqdeer par.”

Rasoolon ke baare me hamara Imaan hai ke Allah Ta’ala ne Jitne Ambiya bhejen hum sab par Imaan laate hain.

Jin ke Baare me tafseel jitni batlayi gayi hai un par utni tafseel ke sath imaan laate hain aur jinke baare me hame nahi bataya gaya hai hum un par bhi imaan laate hain.

Hum jiske baare me Quran aur Hadees me nahi bataya gaya hai unke baare me hargiz ye nahi kehte ye Allah ke Nabi hai.

Hum Yaqeeeni Taur par keh hi nahi sakte ke ye fulaan Nabi the Jab tak ke Hame Nusoos (Quran o hadees aur Ijmaa e Ummat se ye baat nahi milti).

Koi Mufti Ilyas ka bayan aaya ke Hamare Hindu bhai jinhe “Lord Shiva” kehte hain wo Musalmano ke Pehle Nabi Hazrat Adam alaihis salam the.”

Hum sakhti se is baat ka rad karte hain kyu ke is baat ka saboot na Quran se hai aur Na Hadees se hai.

ye unki shakhsi raaye hosakti hai jiska Hum bharpoor rad karte hain.

Mufti Ilyas ki baat ko lekar bada hangama khada hogaya hai .
Khair ek baat yaad rakh len,
AHLE SUNNAT WAL JAMAAT KE AQAID KE KHILAF JO BHI KAHEGA US KI BAAT KO QABOOL NAHI KIYA JAYEGA.
AHLE SUNNAT WAL JAMAT KE AQAID ALHAMDULILLAH SAB MUDAWWAN MAUJOOD HAI.
KISI EK SHAKHS KI RAYE USKI ZAATI HO SAKTI HAI AUR US KA RAD BHI KIYA JATA RAHA HAI KIYA JATA RAHEGA.
IMAM TAHAWI RAHMATULLAHI ALAIH NE AQEEDATUT TAHAWI ME YE BAAT WAZEH KARDI KE ”
ولا نخالف جماعة المسلمين


“HUM UMMAT KE IJMA YANI JAMATUL MUSLIMEEN KI MUKHALIFAT NAHI KARENGE”

TO JO BAAT AQEEDE ME AHLE SUNNAT WAL JAMAT KE LIKHI JACHUKI HAI WO HAMARA AQEEDA HAI NA KE KISI KE TAFARRUDAAT KO HUM AQEEDA BANA KAR BAITHENGE.
CHAHE WO ILM ME KITNA HI BADA PAHAD HO USKI BAAT IJMAI AQEEDE KE KHILAF NAHI MAANI JAYEGI.

Ab rahi baat ke ye kehne walon ke Sath Lafz Qasmi likha hua hai isliye maine ek post dekhi jo ek Ghair Muqallid ne banai ke
Rasoolullah sallallahu aliahi wasallam ki baat ko chord kar Imamon ko maanoge to aisa hi hoga.

ye khabees Us bayan ki mukhalifat karne ka APNI ROTIYAN sekhne ki koshish kar rahe hain.
To Un ko batadun Zara Waheeduz Zaman ki kitaben padhlen .
aur rahi baat ye bayan dene wale Qasmi hai
to Qasmi hona ya naam ke aage lagana koi Motabar hone ki degree nahi hai.
ek Jala Uddin Qasmi sada hua Ghair Muqallid.
Maulana Khizar Qasmi db ne apne ek bayan me ek achi misaal di thi agar hum aise ko Qasmi maan bhi len to
jaise Ghair me Bhot si cheezon ki zaroorat hoti hai waise hi ek Zaroorat Baitul Khala ki bhi hoti hai.
Jo Aqeeda e Ahle Sunnat wal Jamat ke khilaf jaye to hum uski parwah nahi karte.
Chahe Ibne Taimia ho ya Ibne Qayyim rahimahumullah aur chahe
Waheeduz Zaman ho ya ye mufti Ilyas.

Note:

Jamiat Ulama e Hind ki taraf se inke Mufti Ilyas Qasmi(!?) ke Rad me press notes

jamiat ulama maharashtra jamiat ulama press note up

Social Media par Baatil ka rad kyu?

Assalamu alaikum.

Deen ki isha’at aur Baatil Firqon ka rad ye Ummat ki zimmedari hai.
Islam ki tareekh utha kar dekhenge to ap ko Isha’ate e deen ke sath baatil firqon ka rad bhi milega.
Kharjiyo ka,
Motazala ka,
Qadriyo,
Mujassama,
Jehmiya waghaira waghaira
Islam ke har daur me Hamare Aslaaf ne baatil ka rad kiya hai aur baatil ke makr o fareb se Ummat ke Aam Musalmano ke imaan ki
Imam Ahle Sunnat Ahmad Bin Hambal rah ne Motazala ke Batil aqeede ke khilaf kabhi Apne hathyar nahi daale balke zulm o sitam sahe magar Apne Ahle Sunnat Wal Jamaat ke aqeede se nahi phire.
ye hamare akabireen ki hi Koshishen thi aur Isteqamat thi ke aj hamare Aqaid mehfooz hai aur isme koi milawat nahi aa paayi.

Zamana badla haalat badle aur fitne bhi badle.

purane fitne naye andaz se aana shuru hue.
aur Awaam un Naas jab Social media par bhot hogai to un fitno ne Social media ke zarye Ahle Sunnat wal jamaat awaam ke Aqaid par waar kiya aur Unko Ahle Haq Ulama se door karne ki nakaam koshish kiye aur kar rahe hain.

to waqt ka taqaza aur zaroorat ke pesh e nazar Ahle Haq Ulama ke Khadim aur Salaf Saaliheen ke naam lene wale Ahle Sunnat wal jamat ke Sipahio ko Ummat ke aqaid ko Baatil firqo ki talbees se bachane ke liye Baa Dil e Nakhasta Halat e Majboori me Social Media par Seena sipar hona pada.
kahin Mulhi hai
to kahi bid’ati
kahin Ghair Muqallid hai
to kahin Shia,
kahin Qadiyani hai to kahi Dehriya
Kahin Munkireen e Hadees hai
to kahin mamati………………………….
aur najaane kitne fitne aur yahood ke agent bhi yahan maujood hai jo Ummat ke sheeraze ko bikherna chahte hain.
Kyu ke in sab ka hamla Ahle Haq ke rad me hai aur Sab Salaf se bezaar karne ki nakaam koshish me lage hue hain to un ka jawab dene ke liye yahan Social media par Hame aana pada.

Wo log Salaf Saliheen aur hamare akabireen ke khilaf kehte hain to kuch nahi aur jab hum unka jawab dete hain to hame Firqa parast ka label lagaya jata hai.

Khair Mukhtasar ye ke Hum Jo social media par kaam kar rahe hain uski wajeh yahi hai ke
BAATIL JAHAN PANAPTA HAI USKA TAQUB BHI WAHIN KIYA JATA HAI.
isi baat ke pesh e nazar hum Fitno ke khilaf yahan posting karte hain aur unki Salaf se ummat ko todne ki koshish ko hum nakaam karne ki koshish karte hain.

Allah paak hum sab ko ikhlaas naseeb farmaye aur tamam Baatil Firqon se hamari aur hamare Musalman bhai behno ki hifazat farmaye
Aameen Ya Rabbal Aalameen.