Hum Eid-E-Miladunnabi Kyun Nahi Manate [ Part-1 ]

 

Hum Eid-E-Miladunnabi Kyun Nahi Manate [ Part-1 ]

Post-16-12-2015 By Shoaib Ikram Hayati

Assalamu Alaykum Doston Aajkal EK Bidat Jo Aam Hai Eid-E-Milad Ke Naam Se Uska Tahqeeqi Tankeedi jayza Liya Gaya Hai.

 

Milaad Ka Baani Or Milad Kab Se Shuru Hua

 

 

Ye Bid’at  604 Hijri Mosal Ke Sheher Me Hai Muzaffar Uddin  Kokri Bal 630 Hijri Ke Hukum Se Ijad Hui Jo Ek Masroof Aur Deen Se Be Parwah Badshah Tha ( Dekhiye Ibn-E-Khalkaan Wagerah )

 

Hafiz Ibne Hajr Askalaani Shafa’ii Rehmatullah Alay  Nakal Karte Hain:

 

Wo Aaimma E Deen Aur Salaf Ki Shaan Me Bahot Hi Gustakhi Kiya Karta Tha ,Gandi Zabaan Ka Malik Tha_Bada Ahmaq (Bevkoof) Mutkabbir ( Ghamandi ) Tha Deen Ke Kamo Me Bada Be Parwah Aur Sust Tha_(

Lisaan Al Meezaan—Jild—06—Pg—85 )

 

Scan

 

Allama Ibn Najaar Rahmatullah Alay Ne Farmaya:

 

Allama Ibn Tajaar Ramatullah Alay Farmate Hain Ke Me Ne Logon Ko Is Ke Jhoot Aur Zuaf Par Muttafiq Paya_( Lisan Al Meezaan—Jild—06—Pg—84 ) Ba Hawala Rahe Sunnat

 

Scan

 

Meelad Par Sabse Pehle Kitab Kisne Likhi:

 

Jis Dunya Parast Maulvi Ne Is Jashn Ke  Dil Dadad Badshah Ke Liye Meelad Ke Jawaz Par  Mawaad Ikhatta Kiya Tha Is Ka Naam Umar Bin Dahya  Abu Al Khattab (633 Hijri ) Tha Jisko Is Kitab Ke Sile Me Sahab Arbal Aur Masroof Badshah Ne Ek Hazaar Pond Inaam Diya Tha [ Dekhiye Daul Al Islam ]

 

Umar Ibn Dahya Abul Khattab Ke Mutallik Hafiz Ibn E Kaseer Likhte Hain:

 

Ye Jhoota Shaqs Tha Logon Ne Is Ki Riwayat Par Aitbaar Karna Chhod Diya Tha  Aur Iski Bohot Tazleel Ki Thi [ Dekhiye Al Bidaya Wan Nihaya ]

 

Milad Ki Asal Barelvi Alimo Ke Zabani.

 

Maulvi Abdus Sami Rampuri Sahab Likhte Hain

Lekin Ye Samani Farhat WaSuroor Karna Or Isko Bhi Makhsoos Shaher Rabi Ul Awwal Ke Sath Aur Is Me Khas Wahi Baharvi’n Din Milad Shareef Ka Mu’een Karna Baad Me Hua Yaani CHahhti ( 6 ) Sadi Ke Aakhir Me Aur Awwal Ye Rabi Ul Awwal Me Karna Takhsees Aur Ta’ayyun Ke Saath Shaher-E-Mosool Hua_[ Anwaar-E-Satia—Page—267 ]

 

Scan

Aage Phir Likhte Hain

Aur badshahon Me Awwal Badshah  Abu Saeed Muzaffar Ne Molood Shareef  Takhsees Wa Ta’ayyun Ke Sath Rabi Ul Awwal Me Kiya Garz Ke Is Badshah Ne Shaikh Umar Mazkoor Ki Pervi Is Fa’aal Me Ki Har Saal Rabi Ul Awwal Me Teen Lakh ( 300000 ) Asharfi Lagakar Badi Mahfil Kiya Karta Tha.

Scan _[ Anwaar-E-Satia—Page—267 ]

 

Mazeed Aage Likhte Hain

Jis Waqt Mulk Abu Saeed Muzaffar Ne Mahfil-E-Molood Ka Samaa’n Kiya Aur Muftiyaan  Deen Ne Is Masle Ka 604 Hijri Me Ailan Kiya.

 

Scan_[ Anwaar-E-Satia—Page—267 ]

 

Rabi Ul Awwal Ka Naam Eid-E-Miladunnabi Kisne Allort Kiya

Barelviyat Ke Paaye Ke Aalim Likhte Hain

Ulama-E-Ikram  Masha’ikh Azzam Ka EK Ijlas Bulaya Gaya Jisme Hazrat Peer Sayyed Jamaat Ali Shah Muhaddis Ali Puri ,Hazrat maulana Asgar Ali Rohi  ,Maulana Muhammed Bakhsh Muslim B.A Ke Alawah Kai’n Sarkardah Shakhsiyaat Ne Shirkat Ki Is Ijlas Ka Agenda Ye Tha Ke Rabi Ul Awwal Shareef Ko Bara Wafaat Kehne Ki Bajaye Eid-e-MIladunnabi  ﷺ  Kaha Jaye.

Scan  [ Rasail-E-Milad Mahboob—Page—330 ]

Aage Likhte Hain

Govermant Ke Gizd Or Sarkari Kagzaat Me Barah Wafaat Ki Awaami Galti Ko Eid-E-Miladunnabi ﷺ Se Tabdeel Karwaya _Is Din Aam Ta’ateel Manzoor Karwai.

 

Scan [ Rasail-E-Milad Mahboob—Page—330 ]

Mazeed Aage Likhte Hain

Mahnama Zia-E-Haram Eid-E-Miladunnab ﷺ Number Mah (Maheena ) November, December 1989 Lahore –Page—293 / 294 Par Hai Ke Anjuman Mu’een Al Islam Ne Jis Waqt Qayaam 1930 Me Amal Me Aaya Tha Sarkaar Englishiya Se Darkhwast Ke Calandro Or Dairyon Me Barah Wafaat Ka Jo Lafz Likha Jata Hai WO Galat Hai_Iske Bajaye Eid-e-Miladunnabi ﷺ Ka Lafz Hona Chahiye_Chunanche Govermant Ne Anjuman Ki Is Tajveez Ko Mazoor Kar Liya_Phir Is Waqt Se Is Ta’ateel Ko Bhi Ta’ateel Eid-E-Miladunnabi ﷺ Likha Jaane Laga__

Scan [ Rasail-E-Milad Mahboob—Page—330 ]

Sone Par Suhaga

Abdul Hakeem Sharf Quadri Sahab Likhte Hain

Maulana Marhoom Suroor-E-Do Aalam ﷺ Ki Muhabbat Se Sarshaar Thai  Aap Hi Ki Mashai jameela ( Mahnat  ) Se Mutahidah Hindo Wa Paak Me Barah Wafaat Ki Bajaye Eid-E-Miladunnabi ﷺ Se Ta’ateel Hona Karaar Paayi Thi_[ Tazkira-E-Akabir-E-Ahle Sunnat Lahore—Page—559 ]

Scan

 

Dekhiye Is Bid’at Ko Khud Ulama E Barelviya Bayaan Kar rahe Hain Chhati (6 ) Hijri Me Hui Jiska Aqeedah Imam Hajr Askalani Ra. Ne Bayaan Kiya Or Phir Barelvi Ulama Ki Tasnifaat Se Pata CHata Hai Ki Ye Kaam kab Ijad Hua Hai…Yahan Bhi Dekha Jaaye Ke Barelvi Hazraat Govermant Englishiya Se Apna Moqqaf Sabit Karte Hain Jis Kaam Ki Ijzat Angrezi Hukumat Se Li Gayi Ho Kya Wo Sahahaba Taabi’een Tabe Tabi’een Me Se Kisi Ka Amal  Sakta Hai Lihaza Ye Bid’at Hai .

 

Aqeedah Salaf Salheen

Imam jalaluddin Suyuti Rehima Ullah Milad Ki Jhande Wali Riwayt Ke Muta’allik Farmate Hain

 

Mene Apni Is Kitab Me Is Se Zyadah Munkir Riwayat Koi Bhi Bayaan Nahi Ki  [Khasais Al Kubra Jild—1—Page—83 ]

 

Scan

Allama Ibn Ameer Al Haaj Rahima Ullah Farmate Hain

“Agar Milad Tamaam Mafasid Se Mahfooz Bhi Ho Tab  Bhi Wo Sirf Niyat ( AqdiMajlis  Milad ) Ki Wajah Se Bid’at Hogi Aur Deen Ke Ander Jadeed Amr Ka Izafa Hoga  Jo Salaf Salheen Ke Amal Me Na Tha Halanke Aslaaf Ke Naqshe Kadam Par Chalna Or Unki Pervi Karna Hi Behtar Hai ”[ Al Mudkhal—Jild—02—Page—02 ]

Scan

Mazeed Aage Likhte Hain

“ Logon’n Ki In Bid’ato’n Or Nau Ijad Bato’n Me Se Jinko Badi Ibadat Samajhte Hain Or Jin Ke Karne Ko Sha’aar-E-Islamia Ka Izhar Kehte Hain , EK Majlis Milad Bhi Hai Jisko WO mah Rabi Ul Awwal Me Karte Hain Or Waqya Ye Hai Ke Bohot Si Bid’aat Or Mahermaat Par Mushtamil  Hai ….Aakhir Me Farmate hain…..Or Is Majlis Milad Par Mafasid Us Surat Me Murattab Hote Hain Jabke Sama’a Ho So Agar Majlis Milad sama’a Se Bhi Paak Ho Or Sirf Be Niyat Molood Khana tayyar kar Liya Ho Or Bhaiyyon Or Doston Ko Is Liye Bulaya jaye Or Tamaam Mazkoor Bala Mafasid Se Mahfooz Ho Ho Tab Bhi Wo Sirf ( Aqdi Majlis Milad ) Ki Wajah Se Bid’at Hai Or Deen Ke Andar Ek Jadeed Izafa Karna Hai ,Jo Salaf Saalheen Ke Amal Me Na Tha Halanke Aslaaf Ke Naqshe Kadam Par Chalna Aur Unki Pervi Karna Hi Zyadah Behtar Hai__[ Al Mudkhal—Jild—02—Page—10 ]

Scan

Hazrat Is’haaq Shatbi Rahima Ullah Bid’at Ke Hawale Se Farmate Hain.

“ Jese Ke Hum Awaaz Hokar Ijtemayi Taur Par Zikr Karna Aur Aap ﷺ Ke Pedha’ish Ko Eid Ke Taur Par Manana ”__[ Al Aitisaam—Jild—01—Pg—53 ]

Scan

Hazrat Mujaddid Al FIsani Rahima Ullah Farmate Hain.

“ Aapko Pehle Likha Ja Chuka Tha Tha Ke Sama’a Ke Mana Hone Ka Mubalga Molood Ke Mana Hone Ko Bhi SHamil Hai Jo Natiya Qaseedon Or Ger Natiya Sha’aron Ke Padhne Se Murad Hai ”__[ Matubat-E-Imam-E-Rabbani—Page—386 ]

Scan

 

Jub Aslaaf Ka Aqeedah Hi Ye Kaam Bid’at Hai To Raza Khanio Ko Sochna Chahiye Ke Sirf Ulama E Deoband Ke Bugz Me Ye Saari Khurafaat Karne Me Tumhari Konsi Bhalai Hai…….Allah Ta’ala Hum Sab Ko Amal Ki Taufeeq Ata Farmaye…..Ameen

 

Minjanib…Shoaib Ikram Hayati

 

 

 

 

 

 

 

 

 

 

Rasoolullah Sallallahu alaihi wasallam ke Akhlaaq khud Quran hai part 7

RASOOLULLAH  sallallahu alaihi wasallam ka KHULQ(AKHLAAQ ) KHUD QURAAN HAI PART   7

Islam insane ko in cheezon se rokta hai

  1. LAHU O LA’AB SE
  2. TAMAM BAATIL KAAMO SE,
  3. GAANE BAJANE AUR MAZAMEER SE
  4. KEENA SE
  5. MAKR O FAREB SE
  6. JHOOT AUR GHEEBAT SE
  7. BUKHL AUR KANJOOSI SE
  8. TEZ MIZAAJI SE
  9. MAKR AUR DHOKA BAAZI SE,
  10. CHOGHAL KHORI SE
  • APAS ME NA ITTEFAQI SE
  1. QATA REHMI (RISHTE DAARI TODNE )SE
  2. BAD AKHLAAQI SE
  3. TAKABBUR AUR FAKHR SE,
  4. KISI KI MADAH ME MUBALGHE AMEZ ZABAN DARAZI SE
  5. BESHARMI SE
  6. BUGHZ AUR HASAD SE
  7. BURE FAAL LENE SE
  8. BAGHAWAT SE
  9. KISI KAAM ME HAD SE TAJAWUZ KARNE SE
  10. ZULM KARNE SE.

[IHYAA UL ULOOM]

In kaamo se khud bhi bachen aur doosro ko bhi bataye.

Asal to ye hai ke har koi apne andar jhaank kar dekhe aur khud ki Islaah ki FIKR muqaddam ho, magar Aj hum doosro ke chote chote AIBO ke peeche pade hain aur Apne Badey Badey Gunah nahi dekhte.

Allah Ta’ala hum sabko GUNAHO se bachne ki taufeeq naseeb farmaye.

Ameen.

FBS

Rasoolullah Sallallahu alaihi wasallam ke Akhlaaq khud Quran hai part 6

RASOOLULLAH  sallallahu alaihi wasallam ka KHULQ(AKHLAAQ ) KHUD QURAAN HAI PART 6

MAZHAB e ISLAM AUR  MAHAASIN E AKHLAAQ

Hazrat Muaz Bin Jabl Razi Allahu anhu naqal farmate hain ke Nabi Kareem sallallahu alaihi wasallam ka Irshad hai ke MAZHAB e ISLAM MAHAASIN E AKHLAAQ aur Mahaasin e Aamaal se ghira hua hai. Jin me se BAAZ ye hain:-

  1. Doston, Azeezon aur tamam milne walon se acha Salook karna yani unko Har Qism ki takleef se Mehfooz rakhne.
  2. Nek Amal karna,
  3. Sab se Narmi ka bartao karna,
  4. Sab par Ahsaan o Bakhshish karna
  5. Logo ko Khana khilana aur Salaam ko Aam Shaye karna yani Jaan pehchaan ho ya na ho Har MUSALMAN ko Salaam karna.
  6. BIMAR ki Iyadat karna (apna ho ya begana)
  7. Musalman ke janaze ke peeche chalna (chahe use jaan pehchaan ka koi Talluq ho ya na ho)
  8. Padosi ke sath acha salook karna
  9. Har Musalman Boodhe admi ki tazeem karna,
  10. Jo shaqs Khane ki Dawat kare usko Qabool karna aur Dawat karne wale ke liye Dua karna
  11. Logon ki Khataon aur Ziyadti ko Maaf karna
  12. Jin logo me ikhtelaaf ho unme Sulah karadena
  13. Sakhawat aur sharafat aur Himmat ko ikhtyar karna
  14. Salaam karne me sabaqqat karna
  15. Ghusse ko pee jana yani Ghusse ke muqtaze par amal na karna (Aur uski behtreen tadbeer ye hai ke us jagah se Alaihda ho jana aur kisi Doosre kaam me Mashghool hojana.
  16. Logo ki Khataen Maaf karna

[IHYAA UL ULOOM]

Ghaur se padhen aur Hum sab ko koshish karni chahye ke Ye AAMAAL hamari Zindagi ka hissa bane.

Allah Ta’ala hame Ache Akhlaaq wala banade.

Ameen

AAGEY KA  INSHA Allah agli post me.

Hamey chaye ke nabi kareem sallallahu alaihi wasallam ke akhlaaq ko apnae aur Quran o Sunnat ki Taleemaat par Amla karen.

jazakAllah khair.

FBS

Rasoolullah Sallallahu alaihi wasallam ke Akhlaaq khud Quran hai part 5

RASOOLULLAH  sallallahu alaihi wasallam ka KHULQ(AKHLAAQ ) KHUD QURAAN HAI PART 5

HUSN EAKHLAAQ KI AHMIYAT

Sahaba kiraam Razi Allahu anhum chaunke Huzoor sallallahu alaihi wasallam ke AKHLAAQ o AAMAAL ka Namoona hain is liye inke tamam SULAH O JUNG ke Haalaat bhi isi tarz par waqai hue hain. MUARRIKH BALAAZARI (FUTOOHUL BALDAAN me) naqal karte hain ke jis waqt Hazrat SIDDIQ  E AKBAR razi Allahu anhu ke AHD E KHILAFAT me AHLE KINDA ne Murtad ho kar UMMAAL E HUKOOMAT ke ke khilaaf  ALAM E BAGHAWAT buland kiya to IBNE QAIS FAREEQ E MUKHALIF ka Qaid o Sardaar tha. Haq Ta’ala ne Musalmano ko FATEH di aur Dushman Bhot se QATAL O GHARAT ke baad Maghloob hokar ek Qiley me Mehsoor hogaye. Lekin jab Muhasara taweel hua to Aajiz hokar ASHAS Ibne Qais ne Qiley ka darwaza Kholne ka Irada kar liya. Lekin ASHAS chaunke MUSALMANo ki fayyazi aur darya dili se waaqif the , munasib samjha ke us waqt use faida uthaen . ye soch kar chand Admiyon ke liye Amaan talab ki. Musalmano ne Hasb e Aadat Manzoor kar liya. Lekin jis waqt Muahda Aman hochuka, ASHAS ke sathiyon me se MA’AD IBNE ASOOD ne ASHAS ki kamar pakad li aur Israar kiya ke mujhe bhi in logo me dakhil karde Jinko AMAN diya gaya hai. Lekin un logon ki tadad Muqarrar hochuki thi, ab ziyadti Mushkil thi. ASHAS ko jab koi Soorat uske dakhil karne ki nazar na I to ek AZEEMUSH SHAAN IISAAR se kaam liya aur apni jagah uska naam darj  kar dya aur khud unse Alahda ho kar apne apko LASHKAR E ISLAAM ke hawale kar dya. Lashkar e Islaam ke Ameer ZAYYAD bin Lubaid Razi Allahu anhu unko Qaid kar ke Khalifa e Waqt Hazrat SIDDIQ E AKBAR Razi Allahu anhu ki Khidmat me Daarul khilafat bhej diya. Hazrat Siddiq e Akbar Razi Allahu anhu ko jab ASHAS ke IISAAR aur HUSN E KHULUQ (AKHLAAQ) ka haal maloom hua to unko Azaad kar dya. ASHAS ke dil me ISLAAM pehle se Ghar kar chukka tha us waqt MUSALMAN hone ka Aelaan kar dya aur phir Musalmanon ke MUBALLIGH ban kar SHAAM o IRAQ me ISLAM ki numaya Khidmaat anjaam di. Hazrat Siddiq e AKBAR Razi Allahu anhu ne apni Haqeeqi Hamsheerah (bahen) FARWAH BINTE ABI QAHAFA se unka Nikah kar dya. Al gharz Hazrat Siddiq e Akbar ne ASHAS ko Mehaz HUSNE AKHLAAQ ki wajeh se ye Aezaaz bakhsha.”

[FUTOOHUL BALDAAN 108]

HUM SAB KO GHAUR KARNA CHAHYE ke ache akhlaaq ki ahmiyat aur sahiba ka ta’amul.

AAGEY KA  INSHA Allah agli post me.

Hamey chaye ke nabi kareem sallallahu alaihi wasallam ke akhlaaq ko apnae aur Quran o Sunnat ki Taleemaat par Amla karen.

jazakAllah khair.

FBS

Rasoolullah Sallallahu alaihi wasallam ke Akhlaaq khud Quran hai part 4

RASOOLULLAH  sallallahu alaihi wasallam ka KHULQ(AKHLAAQ ) KHUD QURAAN HAI PART 4

Fateh Makkah ke mauqe par  Jab Huzoor sallallahu alaihi wasallam aur SAHABA KIRAAM ke Azeem us Shaan Jamiyat Makkah Mukarrama ki taraf badhi to Raste me ek Shakhs Haazir e Khidmat hua. Apke Irada e Jihaad ko bhi usne Aam Badshahaon ki Jung par Qiyaas kar ke arz kiya ke agar ap HASEEN AURTEN aur SURKH OONT chahte hain to Qabeele Bani Madlaj par chadhai kijye (kyunke unme unki kasrat hai) lekin ise kya Maloom tha yahan SULAH o Jung ka maqsad hi kuch aur tha. Uske jawa me Irshad hua ke:-

“Mujhe Haq Ta’ala ne Bani Madlaj par Hamla karne se mana farmaya hain kyun ke wo log SILAA REHMI karte hain aur apne AQRIBAA ke Huqooq pehchante hain.”[Ihyaa ul Uloom]

Ain halat e jung me bhi iski riaayat rakhi jaati hai ke log AKHLAAQ E HASANA se kuch Hissa rakhte hain unko har Qism ki takleef se bachaya jaye. Jis se Hadees e Mazkoor ki AMALI SHARAH Maloom hojati hai ke Huzoor Sallallahu alaihi wasallam ki BI’SAT aur Apki tamam MASAAEE ka Maqsad I’LAA E MAKARIM E AKHLAAQ ki takmeel hai.

Allahu Akbar!

Hamare Nabi Ke Akhlaaq Kaise The Aur Hamare Aj Kaise Hai???

Hamare Nabi Ache Akhlaaq Walon Ke Sath Kis Tarah Maamla Farmate The Aur Aj Hamare Akhlaaq??

Allah Ta’ala Ache Akhlaaq Walon Ko Pasand Farmate Hain To Kya Hamare Akhlaaq Ache Hain???

Hum Sab Ko Ghaur Karna Chahye.

Aagey Ka Insha Allah Agli Post Me.

Hamey Chaye Ke Nabi Kareem Sallallahu Alaihi Wasallam Ke Akhlaaq Ko Apnae Aur Quran O Sunnat Ki Taleemaat Par Amla Karen.

Jazakallah Khair.

FBS