Rasoolullah Sallallahu alaihi wasallam ke Akhlaaq khud Quran hai part 7

RASOOLULLAH  sallallahu alaihi wasallam ka KHULQ(AKHLAAQ ) KHUD QURAAN HAI PART   7

Islam insane ko in cheezon se rokta hai

  1. LAHU O LA’AB SE
  2. TAMAM BAATIL KAAMO SE,
  3. GAANE BAJANE AUR MAZAMEER SE
  4. KEENA SE
  5. MAKR O FAREB SE
  6. JHOOT AUR GHEEBAT SE
  7. BUKHL AUR KANJOOSI SE
  8. TEZ MIZAAJI SE
  9. MAKR AUR DHOKA BAAZI SE,
  10. CHOGHAL KHORI SE
  • APAS ME NA ITTEFAQI SE
  1. QATA REHMI (RISHTE DAARI TODNE )SE
  2. BAD AKHLAAQI SE
  3. TAKABBUR AUR FAKHR SE,
  4. KISI KI MADAH ME MUBALGHE AMEZ ZABAN DARAZI SE
  5. BESHARMI SE
  6. BUGHZ AUR HASAD SE
  7. BURE FAAL LENE SE
  8. BAGHAWAT SE
  9. KISI KAAM ME HAD SE TAJAWUZ KARNE SE
  10. ZULM KARNE SE.

[IHYAA UL ULOOM]

In kaamo se khud bhi bachen aur doosro ko bhi bataye.

Asal to ye hai ke har koi apne andar jhaank kar dekhe aur khud ki Islaah ki FIKR muqaddam ho, magar Aj hum doosro ke chote chote AIBO ke peeche pade hain aur Apne Badey Badey Gunah nahi dekhte.

Allah Ta’ala hum sabko GUNAHO se bachne ki taufeeq naseeb farmaye.

Ameen.

FBS

Advertisements

Rasoolullah Sallallahu alaihi wasallam ke Akhlaaq khud Quran hai part 6

RASOOLULLAH  sallallahu alaihi wasallam ka KHULQ(AKHLAAQ ) KHUD QURAAN HAI PART 6

MAZHAB e ISLAM AUR  MAHAASIN E AKHLAAQ

Hazrat Muaz Bin Jabl Razi Allahu anhu naqal farmate hain ke Nabi Kareem sallallahu alaihi wasallam ka Irshad hai ke MAZHAB e ISLAM MAHAASIN E AKHLAAQ aur Mahaasin e Aamaal se ghira hua hai. Jin me se BAAZ ye hain:-

  1. Doston, Azeezon aur tamam milne walon se acha Salook karna yani unko Har Qism ki takleef se Mehfooz rakhne.
  2. Nek Amal karna,
  3. Sab se Narmi ka bartao karna,
  4. Sab par Ahsaan o Bakhshish karna
  5. Logo ko Khana khilana aur Salaam ko Aam Shaye karna yani Jaan pehchaan ho ya na ho Har MUSALMAN ko Salaam karna.
  6. BIMAR ki Iyadat karna (apna ho ya begana)
  7. Musalman ke janaze ke peeche chalna (chahe use jaan pehchaan ka koi Talluq ho ya na ho)
  8. Padosi ke sath acha salook karna
  9. Har Musalman Boodhe admi ki tazeem karna,
  10. Jo shaqs Khane ki Dawat kare usko Qabool karna aur Dawat karne wale ke liye Dua karna
  11. Logon ki Khataon aur Ziyadti ko Maaf karna
  12. Jin logo me ikhtelaaf ho unme Sulah karadena
  13. Sakhawat aur sharafat aur Himmat ko ikhtyar karna
  14. Salaam karne me sabaqqat karna
  15. Ghusse ko pee jana yani Ghusse ke muqtaze par amal na karna (Aur uski behtreen tadbeer ye hai ke us jagah se Alaihda ho jana aur kisi Doosre kaam me Mashghool hojana.
  16. Logo ki Khataen Maaf karna

[IHYAA UL ULOOM]

Ghaur se padhen aur Hum sab ko koshish karni chahye ke Ye AAMAAL hamari Zindagi ka hissa bane.

Allah Ta’ala hame Ache Akhlaaq wala banade.

Ameen

AAGEY KA  INSHA Allah agli post me.

Hamey chaye ke nabi kareem sallallahu alaihi wasallam ke akhlaaq ko apnae aur Quran o Sunnat ki Taleemaat par Amla karen.

jazakAllah khair.

FBS

Rasoolullah Sallallahu alaihi wasallam ke Akhlaaq khud Quran hai part 5

RASOOLULLAH  sallallahu alaihi wasallam ka KHULQ(AKHLAAQ ) KHUD QURAAN HAI PART 5

HUSN EAKHLAAQ KI AHMIYAT

Sahaba kiraam Razi Allahu anhum chaunke Huzoor sallallahu alaihi wasallam ke AKHLAAQ o AAMAAL ka Namoona hain is liye inke tamam SULAH O JUNG ke Haalaat bhi isi tarz par waqai hue hain. MUARRIKH BALAAZARI (FUTOOHUL BALDAAN me) naqal karte hain ke jis waqt Hazrat SIDDIQ  E AKBAR razi Allahu anhu ke AHD E KHILAFAT me AHLE KINDA ne Murtad ho kar UMMAAL E HUKOOMAT ke ke khilaaf  ALAM E BAGHAWAT buland kiya to IBNE QAIS FAREEQ E MUKHALIF ka Qaid o Sardaar tha. Haq Ta’ala ne Musalmano ko FATEH di aur Dushman Bhot se QATAL O GHARAT ke baad Maghloob hokar ek Qiley me Mehsoor hogaye. Lekin jab Muhasara taweel hua to Aajiz hokar ASHAS Ibne Qais ne Qiley ka darwaza Kholne ka Irada kar liya. Lekin ASHAS chaunke MUSALMANo ki fayyazi aur darya dili se waaqif the , munasib samjha ke us waqt use faida uthaen . ye soch kar chand Admiyon ke liye Amaan talab ki. Musalmano ne Hasb e Aadat Manzoor kar liya. Lekin jis waqt Muahda Aman hochuka, ASHAS ke sathiyon me se MA’AD IBNE ASOOD ne ASHAS ki kamar pakad li aur Israar kiya ke mujhe bhi in logo me dakhil karde Jinko AMAN diya gaya hai. Lekin un logon ki tadad Muqarrar hochuki thi, ab ziyadti Mushkil thi. ASHAS ko jab koi Soorat uske dakhil karne ki nazar na I to ek AZEEMUSH SHAAN IISAAR se kaam liya aur apni jagah uska naam darj  kar dya aur khud unse Alahda ho kar apne apko LASHKAR E ISLAAM ke hawale kar dya. Lashkar e Islaam ke Ameer ZAYYAD bin Lubaid Razi Allahu anhu unko Qaid kar ke Khalifa e Waqt Hazrat SIDDIQ E AKBAR Razi Allahu anhu ki Khidmat me Daarul khilafat bhej diya. Hazrat Siddiq e Akbar Razi Allahu anhu ko jab ASHAS ke IISAAR aur HUSN E KHULUQ (AKHLAAQ) ka haal maloom hua to unko Azaad kar dya. ASHAS ke dil me ISLAAM pehle se Ghar kar chukka tha us waqt MUSALMAN hone ka Aelaan kar dya aur phir Musalmanon ke MUBALLIGH ban kar SHAAM o IRAQ me ISLAM ki numaya Khidmaat anjaam di. Hazrat Siddiq e AKBAR Razi Allahu anhu ne apni Haqeeqi Hamsheerah (bahen) FARWAH BINTE ABI QAHAFA se unka Nikah kar dya. Al gharz Hazrat Siddiq e Akbar ne ASHAS ko Mehaz HUSNE AKHLAAQ ki wajeh se ye Aezaaz bakhsha.”

[FUTOOHUL BALDAAN 108]

HUM SAB KO GHAUR KARNA CHAHYE ke ache akhlaaq ki ahmiyat aur sahiba ka ta’amul.

AAGEY KA  INSHA Allah agli post me.

Hamey chaye ke nabi kareem sallallahu alaihi wasallam ke akhlaaq ko apnae aur Quran o Sunnat ki Taleemaat par Amla karen.

jazakAllah khair.

FBS

Rasoolullah Sallallahu alaihi wasallam ke Akhlaaq khud Quran hai part 4

RASOOLULLAH  sallallahu alaihi wasallam ka KHULQ(AKHLAAQ ) KHUD QURAAN HAI PART 4

Fateh Makkah ke mauqe par  Jab Huzoor sallallahu alaihi wasallam aur SAHABA KIRAAM ke Azeem us Shaan Jamiyat Makkah Mukarrama ki taraf badhi to Raste me ek Shakhs Haazir e Khidmat hua. Apke Irada e Jihaad ko bhi usne Aam Badshahaon ki Jung par Qiyaas kar ke arz kiya ke agar ap HASEEN AURTEN aur SURKH OONT chahte hain to Qabeele Bani Madlaj par chadhai kijye (kyunke unme unki kasrat hai) lekin ise kya Maloom tha yahan SULAH o Jung ka maqsad hi kuch aur tha. Uske jawa me Irshad hua ke:-

“Mujhe Haq Ta’ala ne Bani Madlaj par Hamla karne se mana farmaya hain kyun ke wo log SILAA REHMI karte hain aur apne AQRIBAA ke Huqooq pehchante hain.”[Ihyaa ul Uloom]

Ain halat e jung me bhi iski riaayat rakhi jaati hai ke log AKHLAAQ E HASANA se kuch Hissa rakhte hain unko har Qism ki takleef se bachaya jaye. Jis se Hadees e Mazkoor ki AMALI SHARAH Maloom hojati hai ke Huzoor Sallallahu alaihi wasallam ki BI’SAT aur Apki tamam MASAAEE ka Maqsad I’LAA E MAKARIM E AKHLAAQ ki takmeel hai.

Allahu Akbar!

Hamare Nabi Ke Akhlaaq Kaise The Aur Hamare Aj Kaise Hai???

Hamare Nabi Ache Akhlaaq Walon Ke Sath Kis Tarah Maamla Farmate The Aur Aj Hamare Akhlaaq??

Allah Ta’ala Ache Akhlaaq Walon Ko Pasand Farmate Hain To Kya Hamare Akhlaaq Ache Hain???

Hum Sab Ko Ghaur Karna Chahye.

Aagey Ka Insha Allah Agli Post Me.

Hamey Chaye Ke Nabi Kareem Sallallahu Alaihi Wasallam Ke Akhlaaq Ko Apnae Aur Quran O Sunnat Ki Taleemaat Par Amla Karen.

Jazakallah Khair.

FBS

Rasoolullah Sallallahu alaihi wasallam ke Akhlaaq khud Quran hai part 3

RASOOLULLAH  sallallahu alaihi wasallam ka KHULQ(AKHLAAQ ) KHUD QURAAN HAI PART 3

Allah Ta’ala ne Apne Rasool sallallahu alaihi wasallam ko AKHLAAQ ki taleem di aur Rasoolullah sallallahu alaihi wasallam ne tamam Makhlooq ko bataya ke

“ALLAH TA’ALA UMDAH AKHLAAQ KO PASAND FARMATE HAIN AUR KHARAAB AKHLAAQ SE NARAAZ HOTE HAIN”

[BAIHAQI]

Rasoolullah sallallahu alaihi wasallam ki HAYAATE TAYYABA ka har Lamha aur SULAH o JUNG ke Haa;aat iske SHAAHID hain ke Apki tama tar koshishen sirf AKHLAAQ E SALIHAA ki takmeel aur logon ko ZEWAR E AKHLAAQ se Aarasta karna tha.

Haatim Taai jo Arab ka Sakhi aur Shareef AADMI hai . Ek Jihaad me uski LADKI giraftaar hokar aagayi. Jab huzoor sallallahu alaihi wasallam ki khidmat me pesh hui to usne bayan kiya ke:-

Aye Muhammad (sallallahu alaihi wasallam) Mai Apni Qaum ke sardar ki beti hu. Mera baap nihayat WAFAA SHIAAR ka paband tha. Qaidiyon ko CHURDAATA aur BHOOKE AADMIYON ko Khana khilata tha. Usne kabhi kisi TAALIB E HAJAT (zaroorat mand) ka SAWAAL Rad nahi kiya. Mai HAATIM TAAI ki beti hu. Agar Munasib samjhen to Mujhe AZAAD karden aur Mere Dushmano ko Khush hone ka Mauqa na den.

Rasoolullah sallallahu alaihi wasallam ne farmaya ke ye to theek Musalmano ke Akhlaaq hain. Agar tumhare Baap Musalman hote to hun unke liye DUA karte aur phir Hukum farmadya ke isko Azaad kardiya jaye kyun ke iska baap AKHLAAQ E HASANA ko pasand karta tha, aur Allah Ta’ala bhi Akhlaaq e Hasana ko pasand farmata hai.

Ye Sun kar Abu Barda ibne nayyaat Razi Allahu anhu  khade hue aur arz kiya YA RASOOLALLAH (sallallahu alaihi wasallam) Kya Allah Ta’ala MAKAARIM E AKHLAAQ( ACHE AKHLAAQ) ko mehboob rakhta hai. Ap sallallahu alaihi wasallam ne farmaya:-

“QASAM HAI US ZAAT PAAK KI JISKE QABZE ME MERI JAAN HAI JANNAT ME ACHE AKHLAAQ WALEY KE SIWA KOI NA JAA SAKEGA.”

[NAWAADIR UL USOOL ME HAKEEM TIRMIZI NE RIWAYAT KIYA HAI JISKI SANAD ME KUCH ZO’F HAI]

ALLAHU AKBAR!

Hamare Nabi Ke Akhlaaq Kaise The Aur Hamare Aj Kaise Hai???

Hamare Nabi Ache Akhlaaq Walon Ke Sath Kis Tarah Maamla Farmate The Aur Aj Hamare Akhlaaq??

Allah Ta’ala Ache Akhlaaq Walon Ko Pasand Farmate Hain To Kya Hamare Akhlaaq Ache Hain???

Hum Sab Ko Ghaur Karna Chahye.

Aagey Ka Insha Allah Agli Post Me.

Hamey Chaye Ke Nabi Kareem Sallallahu Alaihi Wasallam Ke Akhlaaq Ko Apnae Aur Quran O Sunnat Ki Taleemaat Par Amla Karen.

Jazakallah Khair.

FBS