8-10 Hijri ke Chand Ahem Waqiaat

8th Hijri:

  1. Isme Ghazwae Moatta aur Zaatus Salaasil pesh ayi,
  2. Isi Saal Makkah Mukarrama RAMAZAN me Fateh hua,
  3. Isi saal Ibrahim Bin Rasoolullah sallallahu alaihi wasallam ki wiladat hui,
  4. Isi saal Zainab (Razi Allahu anha) Bint e Rasool (Sallallahu alaihi wasallam ) ka inteqal hua,
  5. Isi me Ghazwa e Hunain pesh ayi.

9th Hijri:

  1. Is me Ghazwa e Tabook hua,
  2. Isi saal Abu Bakr Razi Allahu anhu ne Haj kiya logon ke sath,
  3. Isi saal Umme Kulsoom Bint e Rasool (sallallahu alaihi wasallam) aur Najashi (Habsha ke Badshah) Razi Allahu anhuma ka inteqal hua
  4. Isi saal Islam Qabool karne wufood( yani Jamaten Aayi).

10th Hijri:

  1. Isme Allah ke Rasool sallallahu alaihi wasallam ne Haj(Hajjatul Wadaa) farmaya,
  2. Ibrahim Razi Allahu anhu Bin Rasoolullah sallallahu alaihi wasallam ka Inteqal hua,
  3. Jareer Bin Abdullah razi Allahu anhu ne islam Qabool kiya aur
  4. Surah Nasr Nazil hui.

(Tehzeeb Ul Asmaa wal Lughaat 1/20)

FBS

5-7 Hijri ke Chand Ahem Waqiaat

Imam Nawawi Rahmatullahi alaih likhte hain:

5th Hijri:

  1. Isme Ghazwa Doomatul Jandal hua,
  2. Ghazwae Quraiza hua aur
  3. Isi saal HIJAB ke ahkaam nazil hue

6th Hijri:

  1. Isme Sulah Hudaibiyah Hui,
  2. Bai’ate Rizwan hui,
  3. Ghazwa Banul Mustaliq hua,
  4. Isi saal Suraj Gehan hua aur
  5. Isi saal ZIHAAR ke Ahkaam Nazil hue.

7th Hijri:

  1. Isme Ghazwa e Khaibar hua,
  2. Isme Hudnah hui yani Ahle Makkah se Sulah hui,
  3. Isi me Umra e Qaza ada kiya gaya
  4. Isi me Hazrat Khalid Bin Waleed, Usman Bin Talha Khadim e Ka’bah ne Hijrat ki, phir Amr Bin Aas un se mile aur Teeno ne Sath Islam Qabool kiya (Razi Allahu anhum)
  5. Isi saal Ap Sallallahu alaihi wasallam ne Umme Habiba, Maimoona, Safiyya Razi Allahu anhunna se Nikah kiya aur Ap ke Paas Maariya Qabtiya razi Allahu anha aayi,
  6. Isi saal apke Paas Ap ka Khachhcar(Mule) DULDUL aaya,
  7. Isi saal Habsha se Hazrat Jafar Bin Abu Talib razi Allahu anhu aur unke sathi Madina tashreef laye aur
  8. Isi saal Hazrat Abu Huraira Razi Allahu anhu ne Islam Qabool farmaya.

(Tehzeeb Ul Asmaa wal Lughaat 1/20)

FBS

4th Hijri ke Chand Ahem Waqiaat

Imam Nawawi Rahmatullahi alaih likhte hain:

4th Hijri:

  1. Isme Ap Sallallahu alaihi wasallam ne Umme Salma razi Allahu anha se Nikah farmaya
  2. Namaz ke Qasr karne ka Hukm hua(safar me)
  3. Tayammum Ka Hukm Nazil hua
  4. Is saal Ghazwa e Khandaq hui aur kaha jata hai ke Ghazwa e Khandaq 5 Hijri me hui lekin Saheeh ye hai ke wo 4th Hijri me hui, kyunke Saheeh Bukhari o Muslim me riwayat hai ke Ibne Umar Razi Allahu anhu farmate hain: Mujhe Ap sallallahu alaihi wasallam ke saamne pesh kiya gaya UHUD ke Din us waqt meri Umar 14 Saal thi, to Ap sallallahu alaihi wasallam ne Mujhe Ijazat nahi di(Ghazwae Uhud me Shirkat karne ki) aur Mujhe Ap Sallallahu alaihi wasallam par Ghazwa e Khandaq me pesh kiya gaya us waqt meri Umr 15 saal thi to Ap sallallahu alaihi wasallam ne Mujhe Ijazat ata farmai aur Ijma hai ke Ghazwa e Uhud 3 Hijri me hui Hai aur Ghazwa e Khandaq ko Ghazwae Ahzaab bhi kaha jata hai, aur Ahzaab (lashkaron) ne Madine munawwar ka Hisaar 15 din kiya tha phir Allah Ta’ala ne Unhe Shikast di, aur Un par Hawaa aur Lashkar bheje.
  5. Kaha jata hai Ghazwa e Zaat al Riqaa isi saal hua lekin Rajeh ye hai ke wo 5 Hijri me hua aur usi me pehli martaba SALATUL KHAUF padhi gayi aur
  6. Isi saal Bi’r e Maoona par Qurra Sahaba e Kiraam razi Allahu anhum ko Shaheed kiya gaya.

(Tehzeeb Ul Asmaa wal Lughaat 1/20)

FBS

3rd Hijri ke Chand Ahem Waqiaat

Imam Nawawi Rahmatullahi alaih likhte hain:

Teesri Hijri:

  1. Teesri Sadi Hijri me Ghazwaat o Saraaya hue,
  2. unhi me Ghazwae Uhud hai jo Hafte ke din 7th Shawwal ko hua,
  3. Phir BADR E SUGHRA hui ZI QAIDA ke Shuru me,
  4. Isi Saal Ghazwa e Nazeer hui,
  5. Isi Saal Uhud ke baad SHARAB HARAAM hui,
  6. Isi Saal Ap sallallahu alaihi wasallam ne Hazrat HAFSA BINTE OMAR FAROOQ razi Allahu anha se Nikah farmaya,
  7. Isi saal Hazrat Osman Ghani Razi Allahu anhu ne Rasoolullah sallallahu alaihi wasallam ki sahebzaadi hazrat Umme Kulsoom razi Allahu anha se Nikah kiya aur
  8. Isi Saal Hazrat Hasan Bin Ali razi Allahu anhu ki wiladat hui.

(Tehzeeb Ul Asmaa wal Lughaat 1/20)

FBS

1st and 2nd Hijri ke Chand Ahem Waqiaat

Imam Nawawi Rahmatullahi alaih likhte hain:

Pehli Hijri:

1.Isme Nabi Kareem Sallallahu alaihi wasallam ne Masjid e Nabawi Tameer farmayi,

  1. Ansaar o Muhaajireen me Rishte Ukhuwwat banaya (Bhai Bhai banaya)
  2. Abdullah Bin Salam Razi Allahu anhu ne Islam Qabool kiya aur
  3. Azaan Mashroo hui.

Doosri Hijri:

  1. Doosri Hijri me Qibla Tehweel hua Baitul Muqaddas se Kabatullah ki taraf Hijrat ke 16 ya 17 Maheene baad Shaban me,
  2. Isi Saal Ramazan ke Roze Farz hue,
  3. Isi Saal Sadqa e Fitr Farz kiya gaya,
  4. Isi Saal Ramazan me Ghazwae BADR hui,
  5. Shawwal ke Maheene me Hazrat Ayesha Razi Allahu anha ki Ap sallallahu alaihi wasallam ke Haram e Mubarak me aayi(yani Rukhsati hui) aur
  6. Isi saal Hazrat Ali Razi Allahu anhu ne Hazrat Fatima Razi Allahu anha se Nikah farmaya.

(Tehzeeb Ul Asmaa wal Lughaat 1/20)

FBS