MADANI ZINDAGI

MADANI ZINDAGI

1)                     Madine Munawwara ka pehle kya naam tha?

Ans: Madine Munawwara ka pehle naam YASRIB tha.

2)                     Madine me pehle Ap(Sallallahu Alaihi Wasallam)kis Jagah pohanche or Wahan kitne din Qiyam farmaye?

Ans: Ap(Sallallahu Alaihi Wasallam)pehle Quba pohanche, or wahan 12 din Qiyam farmaye.

3)                     Islam ki sabse pehli Masjid kaunsi hai?

Ans: Masjide Quba.

4)                     Masjide Quba kis Sahabi ki Zameen par banai gai?

Ans: Kulsoom Bin Hadm(razi Allahu Anhu) ki Zameen par.

5)                     Quba ke Muqam par Ap sallallahu alaihi wasallam kis din pohanche?

Ans: Monday.

6)                     Allah ke Rasool(Sallallahu Alaihi Wasallam)ne Madine Munawwara me kis Sahabi ke Ghar me aur kitne Din Qayam farmaya?

Ans: Abu Ayyub Ansari(razi Allahu Anhu) ke ghar par 7 mahine Qayam farmaya.

7)                     Musalmano ka Qible Awwal kya hai?

Ans: Baitul Muqaddas jo Falasteen me hai.

8)                     Khane ka’aba kab Qibla bana?

Ans: Hijrat k 16 ya 17 Mahine baad.

9)                     Masjid-e-Nabawi ki Tameer kab aur kahan hui?

Ans: Hijrat ke pehle Saal hi Masjid Nabawi ki Tameer shuru hui, 2 Yateem Bacho ki Zameen par,or ye Wahi Jagah hai jahan Ap(Sallallahu Alaihi Wasallam)ki Oontni baithi thi.

10)             Hijrat ke Baad Sab se pehle kaun aur kab paida hue?

Ans: Abdullah Bin Zubair(razi Allahu Anhu), Hijrat ke pehle saal.

11)             Azaan kab Shuru hui or Muazzan kaun the?

Ans: Azaan 1 Hijri me Shuru hui or Muazzan Bilal(razi Allahu Anhu) the.

 

12)             Ramazan ke Roze kab Farz hue?

Ans: 2 Hijri me.

13)             Ghazwa kise kehte hain?

Ans: us Jung ko kehte hai jisme Ap(Sallallahu Alaihi Wasallam)Musalmano ke Sath tashreef legaye ho use Ghazwa kehte hai.

14)             Sariyya kise kehte hain?

Ans: Us Jung ko kehte hai Jisme Musalmano ke sath Ap(Sallallahu Alaihi Wasallam)tashreef nahi legaye.

15)             Jumla kitne Ghazwaat or Sariyya hue?

Ans: Jumla 27 Ghazwaat aur 55 Sariyya hue.

16)             Baaz Ahem Ghazwaat ke Naam batayye?

Ans: 1.Ghazwae Badr 2 Hijri me,

2.Ghazwae Uhud 3 Hijri me,

3.Ghazwae Ahzaab 5 Hijri me,

4.Ghazwae Banu Quraiza 5 hijri me,

5.Ghazwae Khaibar 7 Hijri me,

6. Fateh Makka 8 Hijri me,

7. Ghazwae Hunain 8 Hijri me,

8. Ghazwae Ta’eef 8 Hijri me.

17)             Ghazwe Badr kab hui?

Ans: 2 Hijri me.

18)             Badr me Iblees kiski shakal me aya tha?

Ans:Suraqa Bin Maalik ki Shakal me.

19)             Ghazwe Badr me Musalmano ki Tadad kitni thi or Kuffar ki kitni?

Ans: Ghazwae Badr me Musalmano ki Tadad 313 aur Kuffar ki 1000 thi.

20)             Badr me kitne Sahaba Shaheed hue?

Ans: Badr me 14 Sahaba Shaheed hue.

21)             Badr me kitne Kuffar Maare gaye or kitne Qaid kiye gaye?

Ans: 70 kuffar Maare gaye aur 70 Qaid kiye gaye.

22)             Eid-Ul-Fitr, Eid-Ul Azha ki Namaz ka kab hukum hua?

Ans: 2 Hijri me.

23)             Haj kab farz hua?

Ans: 9 Hijri me Haj Farz hua.

24)             Allah ke Rasool(Sallallahu Alaihi Wasallam)ki Sahebzadyo(daughters) ka Nikah kis se hua?

Ans: Zainab(razi Allahu Anhu) ka Abul Aas(razi Allahu Anhu) se,

Ruqayya(razi Allahu Anhu) aur Umme Kulsoom(razi Allahu Anhu) ka Osman Bin Affan(razi Allahu Anhu)se aur

Fatima(razi Allahu Anhu) ka Ali(razi Allahu Anhu)se.

25)             Allah ke Rasool(Sallallahu Alaihi Wasallam)ke Dandaane Mubarak(teeth) kab Shaheed hue?

Ans: Ghazwae Uhud me.

26)             Munafiq kise kehte hain?

Ans: Jo Zaahir me Kalima padhta ho aur Asal me wo Musalman na ho.

27)             Munafiqo ke Sardar ka naam batayye?

Ans: Abdullah Bin Ubai

28)             Asad Ullah(Allah ka sher) kiska laqab hai?

Ans: Hamza(razi Allahu Anhu) ka.

29)             Ghazwe Uhud kab hui?

Ans: 3 Hijri me.

30)             Uhud me Musalman kitne aur Kuffar kitne the?

Ans: Ghazwae Uhud me 700 Musalman aur 3000 Kuffar the.

31)             Hamza (razi Allahu Anhu) ko kisne or kiske kehne pe Shaheed kiya?

Ans: Hamza(razi Allahu Anhu) ko WAHSHI ne Jubair Bin Mut’am ke kehne par Qatl kiya.

32)             Hamza(razi Allahu Anhu) ki Naash ke sath kya Sulook kiya gaya?

Ans: Hind Binte Utba ne Hamza(razi Allahu Anhu) ka Kaleja Nikal kar Chabaya aur Ap(razi Allahu Anhu) ke Kaano aur Nakon ka pazeb aur Haar banaya.

33)             Uhud me kitne Musalman Shaheed hue?

Ans:70.

34)             Ghaseele Maklaika kin ko kaha jata hai?

35)             Ans: Ghaseele Malaika H.Hanzala(razi Allahu Anhu) ko kaha jata hai.

36)              Uhud me ke Baaz Ahem Waqiaat batayye?

Ans:

37)             Uhud me kin se aur kya ghalti hui thi?

Ans:

38)             Abu Bakr(razi Allahu Anhu) uhud ka Zikr kiye to kya kehte the?

Ans: Abu Bakr(razi Allahu Anhu) farmate ke ye to Talha(razi Allahu Anhu) ki Jung thi.

39)             Allah ke Raste me sabse pehle kisne Teer chalai?

Ans: Saad Bin Abi Waqqas(razi Allahu Anhu) ne.

40)             RAJII’ me kya Hadsa pesh aya?

Ans: Safar 4 hijri me kuch log aye or Ap(Sallallahu Alaihi Wasallam)se kaha k unke paas Islam ka charcha hai, islye Ap(Sallallahu Alaihi Wasallam)unke paas kuch logo ko Deen Sikhane aur Quran padhane ke lye Rawana farmayye,Ap(Sallallahu Alaihi Wasallam)ne 10 Sahaba ko Rawana farmaya, sab RAJII nami ek Chashme par pohanche to 100 teer Andazo ne In par Hamla karke Inhe Shaheed kardya.

41)             Bee’re Ma’ona ka Waqia batayye?

Ans: Ma’ona ke Kunwe ke paas 70 Sahaba ko Dhoke se Shaheed kardya gaya.

42)             Ghazwae Ehzaab kab hui?

Ans: 5 Hijri.

43)             Ghazwe Ehzaab ka Zikr kis sure me hai?

Ans: Sure Ahzaab me.

44)             Isme Musalman kitne the?

Ans: Musalman 3000 aur Kuffar 10000.

45)             Ghazwae Ehzaab ke waqt Musalman Aurte kahan thi?

Ans: Madine me Ek Qile me.

46)             Ghazwae Ehzaab ke waqt kin logo ne Musalmano se Dhoka kiya?

Ans: yahoodiyo ne Qabeele Banu Quraiza ne.

47)             Ghazawae Ehzaab ki tayyari Musalmano ne kis tarah ki?

Ans: Khandaq khodi.

48)             Ghazwae Banu Quraiza kab aur kyu hui?

Ans: 5 Hijri me, Ghazwae Ahzaab me Banu Quraiza ne Dhoka diya bol ke.

49)             Kis Sahabi ke Bare me Allah ke Rasool(S)ne farmaya ke Inke Inteqal se Allah ka Arsh Hil gaya?

Ans: Saad Bin Muaaz(razi Allahu Anhu) ke bare me.

50)             Ghazwae Banu Quraiza me Hakam kise Banaya gaya?

Ans: Saad Bin Muaaz(razi Allahu Anhu) ko.

51)             Unho ne kya faisla kiya aur  Allah ke Rasool(Sallallahu Alaihi Wasallam)ne unke faisle ke Bare me kya farmaya?

Ans: Unho ne Faisla kiya ke Bado ko Qatl kardya jaye, Bacho aur aurton ko Ghulam banalya jaye.

52)             Allah ke Rasool(Sallallahu Alaihi Wasallam)Umre ke lye kab tashreef le gaye?

Ans: 6 Hijri me.

53)             Raste me kya hua?

Ans: Raste me Makka walo ne Apko Umra karne nahi dya.

54)             Suleh Hudaibya kab hui?

Ans: 6 Hijri me.

55)             Bai’ate Rizwan kab aur kyu hui?

Ans: 6 Hijri me Hui, Osman(razi Allahu Anhu) Safeer banker Makka gaye the to Ap(razi Allahu Anhu) k SHaHeed hone ki Afwaah hui to Ap(Sallallahu Alaihi Wasallam)ne Sahaba se Osman(razi Allahu Anhu) ki Shahadat ka Badla lene ki Bait Farmai.

56)             Suleh Hudaibya me kya tai hua?

Ans:

57)             Allah ke Rasool(Sallallahu Alaihi Wasallam)ne Ajam ke Badshaho ko kab Khat(letter) likhe?

Ans: Suleh Hudaibya ke baad.

58)             Kya Un Badshaho me se kisi ne Islam Qubool kiya?

Ans:

59)             Kis Badshah ke pas kaun khat le kar gaye?

Ans:1. Najashi Shah-e-Habash ke paas AMR BIN UMAYYA(razi Allahu Anhu) khat legaye.

2. Muqauqis Shah-e-Misr ke paas HAAtib(razi Allahu Anhu) khat legaye.

3.Khusro Parvez <KISRA>Shah-e-Faras ke paas ABDULLAH BIN HUZAFA(razi Allahu Anhu) khat legaye..

4.Qaisar Shah-e-Rome ke paas DAHIYA KALBI(razi Allahu Anhu) Khat legaye…….

60)             Rome ke badshah Hiraqal ne Khat padhne ke baad kya kiya?

Ans:

61)             Hiraqal aur Sufyan(razi Allahu Anhu) (jo us waqt Musalman nahi hue the) ke Darmyan jo Sawal Jawab hue unka khulasa likhye?

Ans:

62)             Hiraqal ne Allah ke Rasool(Sallallahu Alaihi Wasallam)ke bare me jaanne ke baad kya kaha?

Ans: Usne kaha ke Agar mai unse Milunga to unke pair dhokar piyunga, or kaha ke Me Jis Zameen par hu us par bhi unka Qabza hojaega.

63)             Ghazwae Khaibar kab hua?

Ans: 7 hijri me hua.

64)             Ghazwae Khaibar me Dono Janib kitne Log Qatl hue?

Ans: 16 Sahaba Shaheed hue aur 93 Yahoodi Maare gaye.

65)             Allah ke Rasool(Sallallahu Alaihi Wasallam)ne ye kis ke Bare me farmaya “ WALLAH MAI NAHI JANTA MUJHE KIS BAAT KI ZIADA KHUSHI HAI? KHAIBAR KI FATEH KI YA APKE AANE KI?”

Ans: Ap(S)ke Chachare Bhai Jafar Bin Abdul Muttalib(razi Allahu Anhu) se farmaya.

66)             Abu huraira(razi Allahu Anhu) ne Islam kab Qubool kiya?

Ans: Ghazwae Khaibar ke waqt.

67)             Ghazwae Mauta kab hui ?

Ans: 8 Hijri me.

68)             Allah ke Rasool(Sallallahu Alaihi Wasallam)ne Ma’rkae Mauta k Ameer kinhe banaya?

Ans: Ap(Sallallahu Alaihi Wasallam)ne Ameer Zaid Bin Harisa(razi Allahu Anhu) ko Banaya aur farmaya agar ye Shaheed hojayen to Jafar(razi Allahu Anhu) aur agar wo bhi Shaheed hojaye to Abdullah Bin Rawaha(razi Allahu Anhu) Ameer honge.

69)             Is Ghazwe me Allah ke Rasool(Sallallahu Alaihi Wasallam)ne kya peshangoi ki thi?

Ans: Ap(Sallallahu Alaihi Wasallam)ki Peshangoi ye thi:

Ap(Sallallahu Alaihi Wasallam)ne Ameer Zaid Bin Harisa(razi Allahu Anhu) ko Banaya aur farmaya agar ye Shaheed hojayen to Jafar(razi Allahu Anhu) aur agar wo bhi Shaheed hojaye to Abdullah Bin Rawaha(razi Allahu Anhu) Ameer honge. Aur ye teeno sahaba Shaheed hogaye.

70)             SAIF ULLAH(Allah ki Talwar) kis ka laqab tha?

Ans: Khalid Bin Waleed(razi Allahu Anhu) ko Ap(Sallallahu Alaihi Wasallam)me SAIF ULLAH ka Laqab dya.

71)             Allah ke Rasool(S)ne Qaza Umra kab farmaya?

Ans:7 Hijri me.

72)             Suleh Hudaibiya me jo Muahda hua tha uski Khilaf warzi kisne ki?

Ans: Mushrikeene Makka ne.

73)             Makka kab Fatah hua?

Ans: 8 Hijri me.

74)             Abu Jahel ko kisne or kab Qatl kiya?

Ans: Ghazwae Badr me Do Naujawaan Sahabi MAAz(razi Allahu Anhu) aur MU’awwiz(razi Allahu Anhu) ne Abu Jahel ko Qatl kiya.

75)             Kis Saal ko Wufood ka saal kehte hain aur kyu?

Ans: 9 Hijri ko Wufood ka Saal kaha jata hai kyu ke Isme Door door se Log Madina aakar Islam Qabool karrahe the.

76)             Allah ke Rasool(Sallallahu Alaihi Wasallam)ki kisne aur kitne Saal Qidmat ki?

Ans: Anas Bin Maalik(razi Allahu Anhu) ne 10 Saal Qidmat ki.

77)             Allah ke Rasool(Sallallahu Alaihi Wasallam)ki pasandeede Ghizaen kya thi?

Ans: Kaddu,Sirka,Shahed,Meetha, Bakri ka Hath,Kakdi………

78)             Allah ke Rasool(Sallallahu Alaihi Wasallam)ki Roti kaisi hoti thi?

Ans: Ap(Sallallahu Alaihi Wasallam)ki Roti Moti baghir chane hue Jau ki Hua karti thi.

79)             Kya Allah ke Rasool(Sallallahu Alaihi Wasallam)pet Bhar ke khate the?

Ans: Ayesha(razi Allahu Anhu) farmati Hai ke Kabhi 2 Din Ap(Sallallahu Alaihi Wasallam)ne Jau ki Roti pet bhar kar nahi khai.

80)             Allah ke Rasool(Sallallahu Alaihi Wasallam)ke Ghar walo k pas kitni Baar Chulha Sulagta tha?

Ans:

81)             Allah ke Rasool(Sallallahu Alaihi Wasallam)ne kis ki Ghaibana Janaze ki Namaz padhi?

Ans: Habash ke Badshah ASHAMA ki.

82)             Allah ke Rasool(S)ne Fateh Makka ke Waqt kis Rang ka Amama bandha tha?

Ans: Black.

83)             Fateh Makka ke waqt kitne Musalman the?

Ans:10000 Sahaba the.

 

84)             Ghazwae Tabook kab aur kis ke Khilaf hua?

Ans:8 Hijri me Rome ke Khilaaf.

85)             Kis Masjid ko Allah ke Rasool(Sallallahu Alaihi Wasallam)ne todne lagaya aur kyu?

Ans: Masjide Ziraar ko, Wo Yahoodyo ne banai thi.

86)             Pehla Haj Kis ki Qiyadat me kiya gaya?

Ans: Abu Bakr(razi Allahu Anhu) ki.

87)             Allah ke Rasool(Sallallahu Alaihi Wasallam)ne kab Haj kiya?

Ans: 10 Hijri me.

88)             Allah ke Rasool(Sallallahu Alaihi Wasallam)ne Jumla kitne Haj kiye?

Ans: sirf 1.

89)             Hajjatul Wada kise kehte hai?

Ans: Ap(Sallallahu Alaihi Wasallam)ne jo Haj kiya use Hajjatul Wada kehte hai kyu ke ye Ap(Sallallahu Alaihi Wasallam)ka pehla aur Akhri Haj tha.

90)             Hajjatul Wada kab hua?

Ans: 10 Hijri me.

91)             Arfaat ke Maidan me Allah ke Rasool(Sallallahu Alaihi Wasallam)ne jo Khutba diya wo likhye?

Ans:

92)             Allah ke Rasool(Sallallahu Alaihi Wasallam)ki Hayaate Mubarak me Kin kin Azwaaj-e-Mutahharat ka Inteqal hua?

Ans: Khadija (razi Allahu Anhu) aur Zainab(razi Allahu Anhu) ka.

93)             Allah ke Rasool(Sallallahu Alaihi Wasallam)Angothi kab aur kyu Banai?

Ans: Ap(Sallallahu Alaihi Wasallam)ne Angothi Badshaho ko Khat likhte waqt banai MOHAR(STAMP) ke lye.

94)             Allah ke Rasool(Sallallahu Alaihi Wasallam)ke Nawason aur Nawasiyon ke Naam batayye?

Ans:1.Hasan(razi Allahu Anhu),2.Hussain(razi Allahu Anhu),3.Zainab(razi Allahu Anhu),4.Umme Kulsoom(razi Allahu Anhu)5. Umama Binte Zainab(razi Allahu Anhu).

95)             Allah ke Rasool(Sallallahu Alaihi Wasallam)ke Damaadon ke Naam batayye?

Ans: Abul Aas(razi Allahu Anhu), Osman(razi Allahu Anhu) aur Ali(razi Allahu Anhu).

96)             Allah ke Rasool(Sallallahu Alaihi Wasallam)kab Bimar hue?

Ans: 9 Safar 11 Hijri ko.

97)             Allah ke Rasool(Sallallahu Alaihi Wasallam)Ki Bimari me Masjide Nabawi me kaun Imamat kar rahe the?

Ans: Abu Bakr(razi Allahu Anhu).

98)             Allah ke Rasool(Sallallahu Alaihi Wasallam)ne jo apne Akhri waqt me Wasiyyaten ki batayye?

Ans: Namaz, Yahoodyo Or NASARA[CHRISTIANS] ki Mukhalifat ,Ghulam Aur Aurto ke Sath acha Salook karna etc.

99)             Abu Bakr(razi Allahu Anhu) ne Jumla Allah ke Rasool(Sallallahu Alaihi Wasallam)ki Hayaat me kitni Namazen padhai?

Ans: 27.

100)      Ashre Mubashshara kaun hai unke Naam batayye?

Ans: Ap(Sallallahu Alaihi Wasallam)ne Zindagi hi me 10 Sahaba ko Jannat ki Khush Khabri suna di thi unhe Ashra Mubashshara kehte hai.

1.Abu Bakr(razi Allahu Anhu),2.Omer,(razi Allahu Anhu)3.Osman(razi Allahu Anhu),4.Ali(razi Allahu Anhu),5.Abdur Rahman Bin Aof(razi Allahu Anhu),6.Talha Bin Ubaidullah(razi Allahu Anhu),7.Saad Bin Abi Waqqas(razi Allahu Anhu),8. Zubair Bin Awwam (razi Allahu Anhu),9 Zaid Bin Amr.10. Abu Ubaida Bin Jarrah(razi Allahu Anhu)

 

101)      Aswad Ansi, Musailma Kazzab kaun the aur inka kya haal kiya gaya?

Ans: In Don one Nabi hone ka Dawa kiya tha Dono ko Qatl kardya gaya.

102)      ANSAAR kise kehte hain?

Ans: Madine Munawwar ke Sahaba ko Ansaar kehte hai.

103)      MUHAJIR kise kehte hain?

Ans: Makka se Madina Hijrat kar ke jane wale Sahaba ko Muhajir kehte hai.

104)      Allah ke Rasool(Sallallahu Alaihi Wasallam)is Dunya se kab parda farmaye?

Ans: 12 Rabi ul Awwal 11 Hijri peer ke din.

105)      Allah ke Rasool(Sallallahu Alaihi Wasallam)ki tadfeen kahan or kis Din hui?

Ans: jahan Ap(Sallallahu Alaihi Wasallam)ki Rooh Ap(Sallallahu Alaihi Wasallam)ke Jism Mubarak se Nikali gai yani Ayesha(razi Allahu Anhu) ke Hujre me Ap(Sallallahu Alaihi Wasallam)ki Tadfeen hui.

106)      Allah ke Rasool(Sallallahu Alaihi Wasallam)ki Namaze Janaza kis ne padhai?

Ans: kisi ne nahi padhai balke dus dus sahaba ka Group jata aur Ap(Sallallahu Alaihi Wasallam)ka deedar karte aur Akele akele Namaz padhte.

107)      Allah ke Rasool(Sallallahu Alaihi Wasallam)ko Ghusl kisne diya?

Ans: Abbas(razi Allahu Anhu),Ali(razi Allahu Anhu),Qasum(razi Allahu Anhu),Fazl(razi Allahu Anhu),Shaqran(razi Allahu Anhu),Usama(razi Allahu Anhu), Aos(razi Allahu Anhu).

108)      Allah ke Rasool(Sallallahu Alaihi Wasallam)ki Wafaat ke Mutalliq Omer(razi Allahu Anhu) kya keh rahe the?

Ans:

109)      Abu Bakr(razi Allahu Anhu) ne Aakar kya Khutba diya?

Ans:

110)      Allah ke Rasool(Sallallahu Alaihi Wasallam)kis tarah Chalte the?

Ans: Qadam Utha kae Narmi ke Sath Tez chalet the jaise ke Ap(Sallallahu Alaihi Wasallam)kisi Waadi me utar rahe ho.

111)      Allah ke Rasool(Sallallahu Alaihi Wasallam)kaise lagte the Tafseel se batayye?

Ans:

112)      Allah ke Rasool(Sallallahu Alaihi Wasallam)me Ghar me kya karte the?

Ans:

113)      Allah ke Rasool(Sallallahu Alaihi Wasallam)Neend se Bedaar hote hi kya karte the?

Ans: MISWAK.

114)      Allah ke Rasool(Sallallahu Alaihi Wasallam)ka Bistar kaisa tha?

Ans:

115)      Allah ke Rasool(Sallallahu Alaihi Wasallam)K Omer Mubarak kitni thi Wafaat ke waqt?

Ans: 63 saal.

116)      Allah ke Rasool(Sallallahu Alaihi Wasallam)ke Baad kinhe Khalifa banaya gaya?

Ans: Abu Bakr(razi Allahu Anhu) ko.

117)      Khulfae Rashideen Kitne hain aur unke Naam batayye?

Ans: 4 hai

1.Abu Bakr(razi Allahu Anhu),2. Omer(razi Allahu Anhu),3. Osman(razi Allahu Anhu),4. Ali(razi Allahu Anhu).

118)      Kya koi Allah ke Rasool(Sallallahu Alaihi Wasallam)ko Khwaab me dekh sakhta hai?

Ans: Ji Haan, kyu ke Shaitan Ap(Sallallahu Alaihi Wasallam)ki Shakal Ikhtyar nahi karsakta.

119)      Kya Allah ke Rasool(Sallallahu Alaihi Wasallam)ne Mizaah bhi kiya?

Ans: Ji Haan, Magar Ap(Sallallahu Alaihi Wasallam)Mazaaq me Bhi Jhoot nahi kehte the.

120)      Allah ke Rasool(Sallallahu Alaihi Wasallam)kis tarah Hanste the?

Ans: Ap(Sallallahu Alaihi Wasallam)aksar Tabassum farmate the.

121)      Allah ke Rasool(Sallallahu Alaihi Wasallam)kis tarah kalaam farmate?

122)      Allah ke Rasool(Sallallahu Alaihi Wasallam)k khane aur peene ka tariqa batayye?

123)      Allah ke Rasool(Sallallahu Alaihi Wasallam)Surma kis tarah aur kab lagate the?

Ans: AP(Sallallahu Alaihi Wasallam)har Raat 3 baar right eye me aur 3 baar left eye me Surma lagate the.

124)      Allah ke Rasool(Sallallahu Alaihi Wasallam)ke Akhlaaq ke Bare me Amma jaan Ayesha(razi Allahu Anhu)ne kya farmaya?

Ans: Amma Jaan Ayesha(razi Allahu Anhu) ne Ap(Sallallahu Alaihi Wasallam)ke Akhlaaq ke Bare me farmaya ke Ap(Sallallahu Alaihi Wasallam)ke Akhlaaq to Quran hi hai.

Means: Quran theory hai Ap(Sallallahu Alaihi Wasallam)practical.

125)      Allah ke Rasool(Sallallahu Alaihi Wasallam)ka Izaar kitna tha?

Note: Izaar =paijama,pant,lungi etc.

Ans: aadhi Pindli tak.

126)      Hamare lye Behtreen Ideal kaun hai?

Ans: hamare pyare Nabi(SAW).

127)      Allah ke Rasool(Sallallahu Alaihi Wasallam)ne Mardo aur Aurto ki khushbu ke bare me kya farmaya?

Ans: Mard ki Khushbu/Atar wo hai jis ki BOO aaye or Rang na dikhai de.

Aur Aurat ki khushbu wo hai jis ka Rang Dikhe aur BOO na aye.

128)      Allah ke Rasool(Sallallahu Alaihi Wasallam)kin kin Cheezo ka Hadya Wapas nahi farmate the?

Ans: Takya,Atar,Tel aur Doodh.

129)      Ambiya apne Wirse me kya Chod jate hain?

Ans: Ilm e Deen..

130)      Akhri Nabi kaun hai?

Ans: Akhri Nabi Hazrat Muhammad(SAW) hai.

131)      Kya Hamare Nabi(Sallallahu Alaihi Wasallam)ke Baad bhi koi Nabi ya Rasool paida hosakte hai?

Ans: Nahi Hamare Nabi Akhri Nabi hai Ap(Sallallahu Alaihi Wasallam)ke baad Koi Nabi Ya Rasool Nahi Aasakte.

 

MAKKI ZINDAGI

SEERAT QUIZ

NABUWWAT SE PEHLE KE HALAAT

1)                       Allah ke Rasool(Sallallahu Alaihi Wasallam)ka kya Naam hai?

Ans: MOHAMMAD (Sallallahu Alaihi Wasallam)

2)                       Allah ke Rasool(Sallallahu Alaihi Wasallam)kab paida hue?

Ans: 9 ya 12 Rabi ul Awwal Peer ke Din (Monday). 20/22-April-571.

3)                       Allah ke Rasool(Sallallahu Alaihi Wasallam)paida hue so saal ko kya kehte hai?

Ans: Aam-ul-Feel(Hathion ka Saal).

4)                       Allah ke Rasool(Sallallahu Alaihi Wasallam)ke Walid ka Naam batayye?

Ans: Abdullah Bih Abdul Muttalib.

5)                       Allah ke Rasool(Sallallahu Alaihi Wasallam)ki Waleda ka Naam batayye?

Ans: Amena Binte Wahab.

6)                       Allah ke Rasool(Sallallahu Alaihi Wasallam)ke Dada ka Naam batayye?

Ans: Abdul Muttalib Bin Hashim.

7)                       Allah ke Rasool(Sallallahu Alaihi Wasallam)ke Dadi ka Naam batayye?

Ans: Fatima Binte Amr.

8)                       Allah ke Rasool(Sallallahu Alaihi Wasallam)ke Nana ka Naam batayye?

Ans: Wahab Bin Abdu Munaf.

9)                       Allah ke Rasool(Sallallahu Alaihi Wasallam)ke Nani ka Naam batayye?

Ans: Barra Binte Abdul ‘Uzza.

10)               Allah ke Rasool(Sallallahu Alaihi Wasallam)ka Kis Qabeele se Ta’lluq tha?

Ans: Quraish.

11)               Allah ke Rasool(Sallallahu Alaihi Wasallam)ke Khandan ka Naam kya hai?

Ans: Banu Hashim.

12)               Allah ke Rasool(Sallallahu Alaihi Wasallam)ke Walid ka Inteqal kab hua?

Ans: Ap(S)ki Wiladat se 2 Mahine pehle.

13)               Allah ke Rasool(Sallallahu Alaihi Wasallam)ki Waleda ka Inteqal kab hua?

Ans: Jab Ap(Sallallahu Alaihi Wasallam)ki Omer 6 saal thi.

14)               Allah ke Rasool(Sallallahu Alaihi Wasallam)ki Waleda ke Inteqal ke Baad Apki Parwarish kisne ki?

Ans: Ap(Sallallahu Alaihi Wasallam)ke Dada Abdul Muttalib ne.

15)               Allah ke Rasool(Sallallahu Alaihi Wasallam)ke Dada ka Inteqal kab hua?

Ans: Jab Ap(Sallallahu Alaihi Wasallam)ki Omer 8 Saal thi.

16)               Allah ke Rasool(Sallallahu Alaihi Wasallam)ke Dada ke Inteqal ke baad Ap(Sallallahu Alaihi Wasallam)ki parwarish kisne ki?

Ans: Ap(Sallallahu Alaihi Wasallam)ke Chacha Abu Talib ne.

17)               Allah ke Rasool(Sallallahu Alaihi Wasallam)ke kitne Chacha the aur unke Naam batayye?

Ans: Ap(Sallallahu Alaihi Wasallam)ke 10 Chacha the .

1.Abbas,2.Hamza,3.Abu Lahab,4.Abu Talib,5.Zubair,6.Haris,7.Maqwam,8.Hajil,9.Zirar,10.Qasum.

18)               Allah ke Rasool(Sallallahu Alaihi Wasallam)ke kitne Phoophu the aur unke Naam batayye?

Ans: Ap(Sallallahu Alaihi Wasallam)ke 6 Phoophuen thi.

1.Umme Hakeem,2.Aatika,3.Barrah,4.Umaima,5.Arwaa,6.Safiyya.

19)               Allah ke Rasool(Sallallahu Alaihi Wasallam)ke kitne Chachaon ne Islam Qubool kiya, unke Naam batayye?

Ans: Ap(Sallallahu Alaihi Wasallam)ke 2 Chachaon ne Islam Qubool kiya.

Hamza(razi Allahu Anhu) aur Abbas(razi Allahu Anhu).

20)               Allah ke Rasool(Sallallahu Alaihi Wasallam)ke kitne phuphuo ne Islam Qubool kiya unke Naam batayye?

Ans: Sirf Safiyya(razi Allahu Anhu) ne Islam Qubool kiya.

21)               Allah ke Rasool(Sallallahu Alaihi Wasallam)ko ki kis ne Doodh pilaya?

Ans: Apki Waleda Bi Bi Amena, Haleema Sadiya(razi Allahu Anhu) aur Suweba(razi Allahu Anhu) ne.

22)               Allah ke Rasool(Sallallahu Alaihi Wasallam)ke Razaai Bahen or Bhai ke Naam batayye?       Note: Razaai Bhai matlab Ek Aurat ka jab 2 ladke Doodh peete hai to Dono Razaai Bhai hote hai.

Ans: 1.Hamza(razi Allahu Anhu),2.Abu Salma,3.Abdullah(razi Allahu Anhu),4.Jafar(razi Allahu Anhu),5.Sufyan Bin Haris(razi Allahu Anhu),6.Masrooh(razi Allahu Anhu),7.Huzaifa,8.Sheema(razi Allahu Anhu),9.Unaisa.

23)               Allah ke Rasool(Sallallahu Alaihi Wasallam)ke Chacha me Ap(Sallallahu Alaihi Wasallam)ka Dushman kaun tha?

Ans: Abu Lahab.

24)               Allah ke Rasool(Sallallahu Alaihi Wasallam)ko 2 Zabeeh(Zubah kiye hue) ki Aulad kyu kaha jata hai?

Ans: Kyu ke Ao(Sallallahu Alaihi Wasallam)ke Nasab me 2 Logo ko Zabah kiya jane wala tha.

25)               Wo 2 Zabeeh ke Naam batayye?

Ans:1. Ismail(AS),2. Apke Walid Abdullah.

26)               Allah ke Rasool(Sallallahu Alaihi Wasallam)Haleema Sa’dya (razi Allahu Anhu) ke pas kitne Saal rahe?

Ans: 6 Saal tak.

27)               Allah ke Rasool(Sallallahu Alaihi Wasallam)ki Waleda ka Inteqal kis Jagah hua?

Ans: Maqaame Abwaa par.

28)               Allah ke Rasool(Sallallahu Alaihi Wasallam)ne kitne Nikah kiye?

Ans: Ap(Sallallahu Alaihi Wasallam)ne Jumla 11 Nikah kiye.

29)               Allah ke Rasool(Sallallahu Alaihi Wasallam)ke Azwaaj-E-Mutahharat  (wives) ke Naam batayye?

Ans: 1.Khadija Binte Khauled(razi Allahu Anhu),2.Sauda Binte Zam’aa(razi Allahu Anhu),3. Ayesha Binte Abu Bakr(razi Allahu Anhu),4.Hafsa Binte Umar(razi Allahu Anhu),5.Zainab Binte Khuzaima(razi Allahu Anhu),6.Umme Salma Binte Abu Umayya(razi Allahu Anhu),7.Zainab Binte Jahash(razi Allahu Anhu),8.Juweria Binte Haris(razi Allahu Anhu),9.Umme Habeeba Binte Abu Sufyan(razi Allahu Anhu),10.Safiyya Binte Hai(razi Allahu Anhu),11.Maimoona Binte Haris(razi Allahu Anhu).

30)               Allah ke Rasool(Sallallahu Alaihi Wasallam)ka pehla Nikah kis se hua?

Ans: Hazrat Khadija(razi Allahu Anhu) se.

31)               Nikah ke waqt Allah ke Rasool(Sallallahu Alaihi Wasallam)ki Omer kitni thi Or Khadija (razi Allahu Anhu) ki Omer kitni thi?

32)               Ans: Ap(Sallallahu Alaihi Wasallam)ki Umar Mubarak 25 saal aur Khadija(razi Allahu Anhu) ki 40 saal thi.

 

33)               Khutbe Nikah kisne padha?

 

Ans: Ap(Sallallahu Alaihi Wasallam)ke Chacha Abu Talib ne.

34)               Allah ke Rasool(Sallallahu Alaihi Wasallam)ne kitna Mehar ada kiya?

Ans:20 Oont.

35)               Allah ke Rasool(Sallallahu Alaihi Wasallam)ki Aulaad ke Naam batayye? Or wo kitne the?

Ans: Ap(Sallallahu Alaihi Wasallam)ke 3 Bete(Sons)

aur 4 Betyan(daughters) the.

Sons:

1.Qasim(razi Allahu Anhu),2.Abdullah(razi Allahu Anhu),3.Ibrahim(razi Allahu Anhu)

Daughters:

1.Zainab(razi Allahu Anhu),2.Ruqayya(razi Allahu Anhu),3.Umme Kulsoom(razi Allahu Anhu),4.Fatima(razi Allahu Anhu).

36)               Allah ke Rasool(Sallallahu Alaihi Wasallam)ki kunniyyat kya thi?

Ans: Abul Qasim(S).

37)               Allah ke Rasool(Sallallahu Alaihi Wasallam)ne Mulk Sham ka pehla Safar kab kiya?

Ans: Jab Ap(Sallallahu Alaihi Wasallam)ki Omer Mubarak 12 Saal thi.

38)               Sham ke Safar me Raste me Ap(Sallallahu Alaihi Wasallam)ki Mulaqat kis se hui or usne kya kaha?

Ans: Buhira rahib se Ap(S)ki Mulaqat hui Basra me. Usne kaha ke ye Sayyadul Aalameen hai(tamam jahano ke Sardar). Allah ne Inhe Rehmatul lil Aalameen banakar bheja hai.

39)               Us Raahib ne Akhri Nabi ki kya kya Nishania batai?

Ans: Usne Abu Talib se kaha ke jab Tum log Ghaati se utar rahe the to

Koi Darakht ya pathar aisa nahi tha jo Sajde ke lye Jhuk nag aya ho,ye Sirf Nabyo ko Sajda karte hai, Or Ap(S)ke Kandho ke Neeche Jo Mohre Nabuwwat hai mai Usse Ap(Sallallahu Alaihi Wasallam)ko pehchanta hu.

40)               Junge Fujjar kab Hui?

Ans: Jab AP(Sallallahu Alaihi Wasallam)15 Saal ke the.

41)               Junge Fujjar kin ke Darmyan Hui?

Ans: Quraish aur Qais Ailan ke Darmyan.

42)               Is Jung ko Junge Fujjar kyu kehte hai?

Ans: Islye ke Is me Haram Shareef aur Haram Mahine Dono ki Hurmat Chaak ki gai.

43)               Kya Allah ke Rasool(Sallallahu Alaihi Wasallam)Junge Fujjar me Shareek the?

Ans: Ji haan. Ap(Sallallahu Alaihi Wasallam)apne Chachaon ko Teer de rahe the.

44)               Hilf-Ul-Fuzool kise kehte hai or ye kab or kyu hui?

Ans: Qurish ke Chand Qabail ne Apas ye Ahad kiya ke Makke me job hi Mazloom Nazar ayega ye sab uski Madad karenge.

ye Zu Qaida me hui.

Hua ye tha ke Zabeed ka ek Admi Saman lekar Makka aya tha Aas Bin Waa’il ne uska Saman khareeda lekin uska Haq Rok liya. Iski koi Madad ke lye nahi aye….

45)               Hilf-Ul-Fuzool kis ke Makan par hui or Iske bare me Allah ke Rasool(Sallallahu Alaihi Wasallam)ne kya farmaya?

Ans: Hilful Fuzool Abdullah Bin Jud’aan ke Makan par hui.

Ap(Sallallahu Alaihi Wasallam)ne Nabuwwat milne ke baad farmaya

“Me Abdullah Bin Jud’aan ke Makan par e kaise Muahde me Shareek tha ke Mujhe uske Iwaz(badle me) Surkh Oont bhi pasand nahi or agar Islam me is Ahad ke lye mujhe bulaya jata to Me Labbaik kehte.”

46)                Allah ke Rasool(Sallallahu Alaihi Wasallam)ki Omer Mubarak jab 35 years hui to kya Waqia pesh aya?

Ans: khane Kaba ki tameer shuru hui.

47)               Jab Khane Ka’aba ki tameer ke Waqt Quraish ka kis baat pe Jhagda hua?

Ans: Hajre Aswad ko uski Jagah par rakhne ke lye Jhagda shuru hua.

48)               Us Jhagde ko kisne aur kaise Hal kiya?

Ans: Abu Umayya Makhzoomi ne kaha ke Kal jo Shaqs bhi Haram me pehle Dakhil hoga use apne Jhagde ka Hakam bana lenge. Dusre Din sab se pehle Ap(Sallallahu Alaihi Wasallam)dakhil hue. Logo ne Apko dekhte hi kaha Ye Ameen hai hum inse Raazi hai, Ye Mohammad(S)hai.

Ap(S)ko waqia sunaya gaya to Ap(Sallallahu Alaihi Wasallam)ne ek Chadar Mangai, usme Ap(Sallallahu Alaihi Wasallam)ne Hajre Aswad ko rakha phir har Qabeele ke Sardar ko bulaya aur chadar ke kinare pakda kar upar uthae.phir Ap(S)ne apne hath Mubarak se Usko uski Jagah rakh diya.

NABUWWAT KE BAAD MAKKI ZINDAGI

49)               WAHI(revelation) kaun lekar aate the ?

Ans: Jibraeel(AS).

50)               Pehli kab aur kahan Nazil hui?

Ans: Ghaare Hira me.

51)               Pehli Wahi me kya Nazil hua?

Ans: Sure Alaq ki 5 ayaten Nazil hui.

52)               Allah ke Rasool(Sallallahu Alaihi Wasallam)ne jab ye Khadija(razi Allahu Anhu) ko bataya to Apne kya kaha?

Ans: Ap(razi Allahu Anhu) ne farmaya

Allah ki Qasam, Ap(S)ko Allah Ruswa nahi karega,Ap(Sallallahu Alaihi Wasallam)Rishte Jodte hain,Ap(Sallallahu Alaihi Wasallam)Dusron ka bojh Uthate hain, AP(Sallallahu Alaihi Wasallam)Jo kama nahi sakta us ke lye kamate hain, Ap(Sallallahu Alaihi Wasallam)Mehman Nawazi karte hain,Haq ke lye kaam karne walon ki Ap(Sallallahu Alaihi Wasallam)madad karte hain.

53)               Warqa Bin Naufal kaun hai?

Ans: Khadija(razi Allahu Anhu) ke Chichere bhai.

54)               Warqa Bin Naufal ne Allah ke Rasool(Sallallahu Alaihi Wasallam)se kya kaha?

Ans: kaash mai us waqt zinda rehta jab tumhari Qaum tumhe nikalegi.

55)                Sab se pehle kin kin Logo ne Islam Qubool kiya?

Ans: Mardon me Abu Bakr(razi Allahu Anhu),Aurton me Khadija(razi Allahu Anhu),Bachcho me Ali(razi Allahu Anhu) aur Ghulamo me Zaid Bin Harisa(razi Allahu Anhu).

56)               Abu Bakr(razi Allahu Anhu) ki Dawat par kitne Logo ne Islam Qubool kiya?

Ans: Abu Bakr(razi Allahu Anhu) ki Dawat par 1.Osman(razi Allahu Anhu),2.Zubair(razi Allahu Anhu),3.Abdur Rahman Bin Aof(razi Allahu Anhu),4. Saad Bin Abi Waqqas(razi Allahu Anhu),5. Talha Bin Ubaidullah(razi Allahu Anhu) ne Islam Qabool kiya.

57)               Shuru me Tableegh kis tarah hoti thi?

Ans: Khufya.

58)               Khufya tableegh kitne Saal hui? Or us Dauran kitne log Musalman hue?

Ans: 3 Saal tak aur 30 Log Musalman hue.

59)               Musalmano ka pehla Markaz kiska ghar hai?

Ans: Arqam Bin Arqam(razi Allahu Anhu) ka.

60)               Islam ki Ailanya tableegh ke lye Allah ke Rasool(Sallallahu Alaihi Wasallam)ne kis Pahad pe Chadh kar Dawat di?

Ans: Safa pahad par.

61)               Makka wale Allah ke Rasool(Sallallahu Alaihi Wasallam)ko Nabuwwat se pehle kis naam se jante the?

Ans: Ameen aur Sadiq.

62)               Allah ke Rasool(Sallallahu Alaihi Wasallam)ne kinke Islam Qubool karne k lye Dua ki thi? Kya wo Dua Qubool hui?

Ans: Omer(razi Allahu Anhu) ya Abu Jahel ke islam Qabool karne ke lye. Ji haan wo Dua Omer(razi Allahu Anhu) ke Haq me Qabool hui.

63)               Hamza(razi Allahu Anhu) kaun hai or kab Islam Qubool kiye?

Ans: Hamza(razi Allahu Anhu) Ap(Sallallahu Alaihi Wasallam)ke Chacha hai aur 6 Nabawi me Islam Qabool kiye.

64)               Umar(razi Allahu Anhu) ne Islam kab Qubool kiya?

6 Nabawi me.

65)               Umar(razi Allahu Anhu) ke Islam Qubool karne ka Waqia batayye?

Ans: ……….

66)               Ailanya khane kaba me kab se Namaz padhi gai?

Ans: Omer(razi Allahu Anhu) ke Islam Qabool karne ke baad se.

67)               Sahabi kise kehte hai?

Ans: Jinho ne Ap (Sallallahu Alaihi Wasallam)ko Iman ki Halat me dekha ho aur Iman hi ki Halat me unka Inteqal hua ho.

68)               Sahaba k sath Kuffar e Makka kya Mamla karte the?

Ans: Kuffar e Makka Sahaba ko Bohat takleefen diya karte the.

69)               Allah ke Rasool(Sallallahu Alaihi Wasallam)ko Kuffare Makka kaisi Takleefen pohanchai,Unme se Chand batayye?

Ans: 1.Ap(Sallallahu Alaihi Wasallam)ki 2 SahebZadiyan Abu lahab ke Beton ke Nikah me thi unhe Talaq dedya gaya.

2. Ap(Sallallahu Alaihi Wasallam)Namaz padhte to Ap(Sallallahu Alaihi Wasallam)ki Peeth par Oont Ki Ojhdi dali gai,

3.Abu Lahab ki Biwi Ap(Sallallahu Alaihi Wasallam)ke Raaste me kaante daalti thi,

4. Ap(Sallallahu Alaihi Wasallam)ke Ghar ki Haandi me Gandagi Daali jati……..

70)               Osman(razi Allahu Anhu) ko kaun takleef deta tha aur kya?

71)               Ans: Osman(razi Allahu Anhu) ka Chacha unhe Khajoor ki Chatai me lappet kar Neeche se Dhunwa deta tha.

72)               Mus’ab Bin Umair(razi Allahu Anhu) ko kya Takleef di gai?

Ans: Mus’ab Bin Umair(razi Allahu Anhu) ko Apki Maa ne Khana pani Band kardya aur Ghar se nikal diya.

73)               Bilal(razi Allahu Anhu) ko kis Qisam ki takleefen di gai?

Ans:Umayya Bin Khalf Ap(razi Allahu Anhu) ki Gardan me Rassi daal kar kheenchta,Makke ke pahadon me Ghumata,Dando se Maarta,sakht Garmi me Makke ki Reth par Lita kar bada pathar Rakhwa deta. Ap(razi Allahu Anhu) sirf AHAD AHAD kehte rehte.

74)               Islam ki pehli Shaheed Khatoon kaun hai or kis ne Shaheed kiya?

Ans: Sumayya(razi Allahu Anhu) unhe Abu Jahel ne Shaheed kiya.

75)               Ammar bin Yaser(razi Allahu Anhu) ko kya Takleef di gai?

Ans: In par aur inke Khandan par Qayamat toot padi, Sakht Dhoop ke Waqt inhe Pathreli zameen ki Tapish dete…….

76)               Khabbab Bin Art(razi Allahu Anhu) ko kaunsi takleefen di gai?

Ans: Inke Baal Noche jate, aur Gardan Marodte, Inhi kai bar Dahekte hue Angaaro par Lita kar Upar se Pathar rakh diya jata……

77)               Bilal(razi Allahu Anhu) ko takleefon se kis tarah Najat mili?

Ans: Abu Bakr(razi Allahu Anhu) ne Khareed kar Allah ke lye Azaad kardya.

78)               Hijrat kise kehte hai?

Ans: Jab Zameen tang hojaye aur Allah ke Ehkaam par Amal na karsaken tab Darul Kufr ko Chod kar Dusre Mulk ko Jana Use Hijrat kehte hain. Hijrat karne wale ko Muhajir kehte hein.

2. Muhajir Usko kehte hain jo Chord de un tamam kamo  ko jisse Allah aur Rasool(Sallallahu Alaihi Wasallam)ne Mana farmaya hai.

79)               Jumla kitni Hijraten hui?

Ans: 3 Hijraten hui. 2 Habsha ki taraf aur ek Madine Munawwara ki taraf jisme taqreeban Saare Musalmano ne Hijrat ki.

80)               Pehli Hijrat kab or kahan hui?

Ans: pehli Hijrat 5 Nabawi me Habsha ki taraf hui.

81)               Habsha ki taraf pehli Hijrat me kitne Musalman gaye?

ANS: 12 mard aur 4 Aurton ne Hijrat ki.

82)               Pehli Hijrat k khafile k Ameer kaun the?

Ans: Osman(razi Allahu Anhu).

83)               Allah k Raste me Ibrahim(AS),Loot(AS) k baad kaunse Jode(husband,wife) ne Hijrat ki?

Ans: Osman(razi Allahu Anhu) aur Ruqayya(razi Allahu Anhu) ne.

84)               Habsha k Badshah ka kya Naam tha?

Ans: ASHAMA.

85)               Wo kis Din ka Manne wala tha? Or Usne Musalmano k sath kaisa Sulook kiya?

Ans: wo Isai tha. Or usne Musalmano ke Sath Narmi ka mamla kiya.

86)               Kuffare Makka ne Habsha se Musalmano ko Wapis lane ki kya tadbeer ki?

Ans: un logo ne Habsha ke Badshah aur uske wazeeron ko tohfe bheje.

87)               Kya wo us tadbeer me kaamyab hue?

Ans: nahi.

88)               Kuffare Makka ne kis ka Boycott  kab or kyu kiya?

Ans: 7 Nabawi me,Musalmano aur Banu Hashim aur Banu Muttalib ka Boycott kiya.kyu ke Banu Hashim aur Banu Muttalib ne Ap(Sallallahu Alaihi Wasallam)ki Hifazat ki Zimmedari leli thi.

89)               Ye boycott kitne saal raha?

Ans: 3 Saal.

90)               Musalman is dauran kahan the or kya khate the?

Ans: Shi’ab Abi Talib me aur wahan patte waghaira kha rahe the.

91)               Allah ke Rasool(Sallallahu Alaihi Wasallam)ke chacha Abu Talib ka Inteqal kab hua?

Ans: Nabuwwat ke 10th year Rajjab me.

92)               Khadija(razi Allahu Anhu) ka Inteqal kab hua?

Ans: Ramazan 10 Nabawi me.

93)               Aam ul Huzun kis saal ko kehte hain aur kyu?

Ans: Nabuwwat ke 10th year ko kehte hain kyu ke Isme Ap(Sallallahu Alaihi Wasallam)ke Shafeeq Chacha Abu Talib aur Zauja Khadija(razi Allahu Anhu) ka Inteqal hua.

94)               Doosri Hijrat kab aur kahan hui?

Ans: Doosri Hijrat 6 Nabawi me Habsha ko hui.

95)               Usme kitne Musalman Shareek the?

Ans: 82 Mard aur 18 Aurten.

96)               Allah ke Rasool(Sallallahu Alaihi Wasallam)Taef ko kab or kyu tashreef le gaye?

Ans: Ap(Sallallahu Alaihi Wasallam)Dawate Islam dene Taef ko Shawwal 10 Nabawi me tashreef legaye.

97)               Allah ke Rasool(Sallallahu Alaihi Wasallam)ke sath Taef kaun tashreef le gaye?

Ans: Ap(Sallallahu Alaihi Wasallam)ke Azaad karda Ghulam Zaid Bin Harisa(razi Allahu Anhu).

98)               Allah ke Rasool(Sallallahu Alaihi Wasallam)ne Taef me kin 3 Sardaro se mile?

Ans: Qabeele Banu Saqeef ke 3 Sardaron 1.Abd Yalail,2.Masood aur 3. Habeeb se mile.

99)               Kya Wo log Islam Qubool kiye?

Ans: Nahi.

100)        Un logo ne Allah ke Rasool(Sallallahu Alaihi Wasallam)ke sath kya Mamla kiya?

Ans: Shareer Ladko ko Ap(Sallallahu Alaihi Wasallam)ke peeche laga diya, jo Ap(Sallallahu Alaihi Wasallam)ko Gaalyan dete aur patharen marte the yahan tak ke Ap(Sallallahu Alaihi Wasallam)ke pair Mubarak Lahu Lahan hogaye.

101)         Allah ke Rasool(Sallallahu Alaihi Wasallam)ko Meraj kab hui?

Ans: 27 Rajjab 11 Nabawi me.

102)        Allah ke Rasool(Sallallahu Alaihi Wasallam)ki kis Asman pe kis Nabi se Mulaqat hui?

Ans:1st Asman pe Adam(AS),

2nd pe Yahya(AS) aur Eesa(AS)

3rd pe Yousuf(AS),

4th pe Idrees(AS),

5th pe Haroon(AS),

6th pe Moosa(AS),

7th pe Ibrahim(AS) se Mulaqat hui.

103)        Allah ke Rasool(Sallallahu Alaihi Wasallam)ne Meraj me kya dekha?

Ans: Ap(Sallallahu Alaihi Wasallam)ne Jannat , Dozaq ko Dekha.

104)        Allah ke Rasool(Sallallahu Alaihi Wasallam)ko Meraj me Allah Ta’ala ne kya kya Tohfe Ada kye?

Ans: Namaz, Sure Baqara ki Akhri 2 Ayaten.

105)        Meraj me kitni Namazen Farz hui?

Ans: pehle 50 thi phr Moosa(AS) ke kehne par Ap(Sallallahu Alaihi Wasallam)ne Takhfeef karai to akhir me 5 Namazen Farz hui.

106)        Shaqqul Qamar ka Waqia kab pesh aya?

Ans: Hijrat se 5 saal pehle.

107)        Bai’ate Uqba kise kehte hain?

Ans: Uqba ke Muqaam par Madine ke Logo ne Haj ke Mausam me Ap(Sallallahu Alaihi Wasallam)se Bait ki use Bai’te Uqba kehte hain.

108)        Pehli Bai’te Uqba kab hui aur isme kitne log Musalman hue?

Ans: 12 Nabawi ko hui. Madine ke 7 Admiyo ne Islam Qabool kiya aur 12 ne Bai’t ki.

109)        Islam ke pehle Safeer kaun hai or kab or kahan bheje gaye?

Ans: Mus’ab Bin Umair(razi Allahu Anhu) hai Jinhe 12 Nabawi me Madina bheja gaya take wahan ke logo ko Islam ki Taleem den.

110)        Dusri Bai’te Uqba kab hui or usme kitne log Musalman hue?

Ans: 13 Nabawi me hui jisme 73 Mardon aur 2 aurton ne Islam Qabool kiya.

111)        Dusri Bai’te Uqba ke Waqt Allah ke Rasool(Sallallahu Alaihi Wasallam)ne kitne logo ko Ameer Muntakhab farmaya?

Ans: 12 log ko Ameer banaya jinme 9 Qabeele Khazraj ke the aur 3 Aos ke.

112)        Allah ke Rasool(Sallallahu Alaihi Wasallam)ne Madina Munawwara kab Hijrat ki?

Ans: nabuwwat ke 13th year me.

113)        Allah ke Rasool(Sallallahu Alaihi Wasallam)ke sath Hijrat ke waqt kaun the?

Ans: Abu Bakr Siddiq(razi Allahu Anhu).

114)        Hijrat ke waqt Allah ke Rasool(Sallallahu Alaihi Wasallam)ne apne Bistar par kise aur kyu Sulaya?

Ans: Ali(razi Allahu Anhu) ko take wo Makka walo ki Amanaten Lauta kar Hijrat Karen.

115)        Madine tak pohanchane ke lye kis Admi ko Kiraye par rakha gaya tha?

Ans: Abdullah Bin Areeqat ko.

116)        Allah ke Rasool(Sallallahu Alaihi Wasallam)or Abu Bakr(razi Allahu Anhu) ne kis Ghaar (cave) me panah li or wahan kitne din rahe?

Ans: Ghaare Saur me 3 din.

117)        Us Ghaar me kaun aate the aur kyu?

Ans: Abu Bakr(razi Allahu Anhu) ke Ghulam Amer Bin Faheera(razi Allahu Anhu) Bakryn Charate hue aate the, Ap(Sallallahu Alaihi Wasallam)or Abu Bakr(razi Allahu Anhu)ko Bakryo ka Doodh dene aur Qadmo ke Nishan mitane. Aur Abdullah Bin Abu Bakr(razi Allahu Anhu) bhi aate the.

118)        Allah ke Rasool(Sallallahu Alaihi Wasallam)aur Abu Bakr(razi Allahu Anhu) ki Hijrat ke Baad Makka walo ne un ko giraftar karke lane k lye kitna Inaam rakha?

Ans: Jo koi Ap(Sallallahu Alaihi Wasallam)ya Abu Bakr(razi Allahu Anhu) ko Pakdega, use Hare k ke Badle 100 Oont ka Inaam diya jayega.

119)        Kis ne Lalach me aakar giraftar karne ki koshish ki?

 

Ans: Suraqa Bin Malik ne.