KYA QURAN KA TRANSLITERATION KARNA JAYAZ HAI?

KYA QURAN KA TRANSLITERATION KARNA JAYAZ HAI?

Assalamu alaikum.

Aj kal Quran e Kareem ke Transliteration bhot horahe hain.

aur har koi apni zaban me use likh kar padh raha hai aur Arabic seekh nahi raha hai.

Zara Ghaur karen Allah ke Rasool sallallahu alaihi wasallam ke Zamane me Quran sirf ARABI Zaban me likha gaya haalanke Sahaba e Kiram Razi Allahu anhum me AJAMI Sahaba bhi maujood the FARAS ke Salman Farsi Razi Allahu anhu aur HABSHA ke Hazrat Bilal Razi Allahu anhu waghaira alag alag Zuban wale lekin Quran ka Kabhi ARABI ke ilawa Kisi Zaban me Transliteration nahi hua lekin Aj kal ARABI seekhne ke bajaye Quran ke Transliteration par Iktefa kiya jaraha hai.

YE AMAL ZAAHIRAN REHMAT HAI LEKIN BAATINAN AZAAB HAI.

Allah ke Rasool sallallahu alaihi wasallam ke Zamane ke Hazrat Abu Bakr razi Allahu anhu ne ek jagah Quran ko jama kiya aur Phir Hazrat Usman Razi Allahu anhu ne Ek Mushaf par Musalmano ko jama kiya us Zamane se Aj tak MUSHAF E USMANI par Musalmano ko IJMA hai. Aur uske Ilawa kisi Rasmul Khat me Quran nahi likha gaya aur na Aisa likhna jayaz hai.

Yaad Rakhiye! Quran e Kareem Arabi Zaban me Naazil hua hai aur us ka Transliteration karna aur usko ENGLISH/TELUGU/HINDI/FRENCH… me likh kar padhna ye HARAAM hai.

Ye tehreef e Lafzi hai Quran e Kareeem me.

Quran e Kareem Arabi Zaban me Naazil hua hai aur Uski Zaban Arabi hi rehni chahye.

Allah Ta’ala Quran e Kareem me farmate hain:

1.

نَزَلَ بِهِ الرُّوحُ الْأَمِينُ (193) عَلَى قَلْبِكَ لِتَكُونَ مِنَ الْمُنْذِرِينَ (194) بِلِسَانٍ عَرَبِيٍّ مُبِينٍ (195)

Tarjuma: Isko Motabar Farishta lekar Utra hai,Taake Aap Wazeh Taur par darane wale hojayen wazeh ARABI zaban me.(26:193-195)

2.

إِنَّا جَعَلْنَاهُ قُرْآنًا عَرَبِيًّا لَعَلَّكُمْ تَعْقِلُونَ

Tarjuma: Beshak Hum ne isko QURAN ARABI banaya hai taake tum Samjho.(43:3)

قُرْآنًا عَرَبِيًّا غَيْرَ ذِي عِوَجٍ لَعَلَّهُمْ يَتَّقُونَ

Tarjuma: Wo Quran hai, ARABI hai jisme koi KAJI nahi taake ye log Daren.(39:28)

وَلَوْ جَعَلْنَاهُ قُرْآنًا أَعْجَمِيًّا لَقَالُوا لَوْلَا فُصِّلَتْ آيَاتُهُ أَأَعْجَمِيٌّ وَعَرَبِيٌّ قُلْ هُوَ لِلَّذِينَ آمَنُوا هُدًى وَشِفَاءٌ وَالَّذِينَ لَا يُؤْمِنُونَ فِي آذَانِهِمْ وَقْرٌ وَهُوَ عَلَيْهِمْ عَمًى أُولَئِكَ يُنَادَوْنَ مِنْ مَكَانٍ بَعِيدٍ

Tarjuma: aur agar Hum is ko Quran Ajami banadete to ye log kehte ke is ki Aayat ko kyun wazeh tareeqe par bayan nahi kiya gaya, ye Baat hai ke Rasool Arabi hai aur Kitab Ajami hai, Ap farma Dijye ke wo Imaan walon ke liye Hidayat hai aur Shifa hai aur Jo log Iman nahi laate un ke Kaano me Daat hai aur wo un par Gumrahi ka sabab bana hua hai ye wo log hain jinhe Door se pukara jata hai.(41:44)

وَمَا كَانَ هَذَا الْقُرْآنُ أَنْ يُفْتَرَى مِنْ دُونِ اللَّهِ وَلَكِنْ تَصْدِيقَ الَّذِي بَيْنَ يَدَيْهِ وَتَفْصِيلَ الْكِتَابِ لَا رَيْبَ فِيهِ مِنْ رَبِّ الْعَالَمِينَ

Tarjuma: aur ye Quran aisa nahi hai jo Iftera kiya gaya ho Allah ki tarag se na ho balke wo Un Kitabon ki tasdeeq karne wala hai jo us se Pehle hain aur ahkaam zarooriya ki Tafseel bayan karne walah hai, is me koi Shak nahi keh ye RABBUL  AALAMEEN ki taraf se hai.(10:37)

فَوَيْلٌ لِلَّذِينَ يَكْتُبُونَ الْكِتَابَ بِأَيْدِيهِمْ ثُمَّ يَقُولُونَ هَذَا مِنْ عِنْدِ اللَّهِ لِيَشْتَرُوا بِهِ ثَمَنًا قَلِيلًا فَوَيْلٌ لَهُمْ مِمَّا كَتَبَتْ أَيْدِيهِمْ وَوَيْلٌ لَهُمْ مِمَّا يَكْسِبُونَ

Tarjuma: so badi Kharabi hai un logon ke liye jo Kitab ko likhte hain apne hathon se  phir kehte hain ke ye Allah ki taraf se hai take iske zarye khareed len thodi si Qeemat, so badi Halakat hai un ke liye bawajeh us ke jo Unke hathon ne likha hai. Aur badi halakat hai un ke liye is ki wajeh se jise wo kamate hain.(2:79)

Khudara! Quran ko Arabi me hi likhye aur Khud, Apne Ahl o Ayaal aur Apne Jaanne walon ko Arabi seekhne ki targheeb den aur apne Bachon ko Arabi sikhlayye aur Quran ko Uski Zaban me padhiye aur padhayye.

Ye baat kisi se Dhaki Chupi nahi hai ke Har Zaban ke Apne Alphabets (Huruf e Tehji ) hote hain. Arabi ke bhot se Alfaz hai jinka badal nahi doosri Zabano me to phir kaise Doosri Zaban me Quran ka Haq ada kiya jasakta hai???

Note: TRANSLITERATION ka matlab hai ke Arabi Alfaz ko English ya kisi aur Zaban me likhna jaise
ye hadees hai

إِنَّمَا الأَعْمَالُ بِالنِّيَّاتِ

usko aise likhna
INNAMAL AAMALU BIN NIYAAT.
aisa Quran e Kareem ki Aayaat ko Likhna HARAAM hai.

FBS.

Advertisements

MASLA 3 DIN SE KAM ME QURAN E KAREEM KA KHATM KARNA

Bismillahir Rahmanir Raheem

 

Assalamu alikum,

3 din se kam me Quran khatm karne me Salaf Saaliheen hi me 2 group the ek ka Nazarya ye tha ke 3 Din se pehle khatm karna Pasandeeda nahi to Doosri jamat wo thi ke wo 3 din se kam me Khatm kiya karti thi.

Quran aur Hadees ko hum se behter aur ache andaaz me Sahaba Razi Allahu anhum aur baqiya salaf Saaliheen samajhte the. Hum kisi ko Saheeh aur Doosre ko ghalat nahi keh sakte. Tafseel zail me arz hai.

Allama nawawi rah likhte hain:

Aur Jo log Quran Paak ek Rakat me Khatm karlete the unki tadad bhi kasrat ki wajeh se Shumar nahi ki jasalti unme Ek Hazrat Usman Bin Affan razi Allahu anhu hain aur Hazrat Tameem Daari Razi Allahu anhu hain aur Hazrat Sayeed Bin Jubair Rahmatullahi alaih hain.

Baherhaal ye Quran e Paak ka kam ya ziada Miqdaar me Thode thode aur ziada ziada arse me Tilawat karne me Akabir ki apni shaan hai baaz Hazraat Daqeeq Fikr ke sath Lataif aur Ma’aani ko dekhte hain to usi aetebar se kam padhte hain aur Baaz Tilawat e Quran ki Halawat aur Lazzat ki wajeh se ziada padhte hain to har Ek Buzrug ki ek Shaan hai.

Mutaqaddimeen ki ek Jamat ne Ek Din Raat me Ek Quran Khatm karne ko na pasand Qarar diya hai aur uske Mutalliq ek Riwayat jo Saheeh Sanadon ke sath Abu Dawood , Tirmizi aur Nasai waghaira me marwi hai ke Abdullah Bin Amr Bin Aas Razi Allahu anhuma ne farmaya ke Rasoolullah sallallahu alaihi wasallam ka Irshad hai

لا يفقه من قرأ القرآن في أقل من ثلاث

Yani  “ jo shqs 3 Din se kam me Quran Paak padh leta hai wo Quran paak ko nahi samajh sakta”

isliye unhone thode waqt me padhne ko na pasand farmaya hai.

Scan: http://min.us/lCLjW1aRkRy0S

 

Mashhoor Ghair Muqallid Muhaddis Allama Abu Bakr Mubarak poori likhte hain

 

“Jab Hum Aimma E hadees ke Tarajim talash karte hain to hum un me se Bhotko paate hain ke Wo 3 din se kam me Quran Khatm karte the. To pata ye chala ke Ye ULAMAA 3 din se kam me Quran padhne ki Mumaniyat ko TEHREEM me nahi lete the. AUR MERE NAZDEEK WAHI MAZHAB HAI JISE Imam Ahmed , Ishaq waghaira rahimahumullah ne ikhtyar kiya Allahu alam.”

[Tohfatul Ahwazi jild 8 safha 273]

 

Scan: http://min.us/lXPXQKDTc2Eh0

 

 

 

Bhot se Aslaaf ek Di me Khatm karte the

  1. Abu Qasim Ali Damashqi rah ka 1 din me Quran khatm karna   [Tazkiratul Huffaz]

 

Scan: http://min.us/lbbk371kBAuLtK

 

  1. Baqiya Bin Makhlad (mutawaffah  276 hijri)ka har raat me khatm Quran karna aur wo MUSATAJAABUD DUA the   [Tazkiratul Huffaz]

Scan: http://min.us/lbjcXhRhMndbD4

 

3. Ibnul haddad Shafa’ii rah [mutawaffah 344 hijri] ka Ek Din me Quran Khatm karna                                                                                                 [Tazkiratul Huffaz]

 

Scan: http://min.us/l3lvAw0dQ6xAq

 

 

  1. Imam Shafai Rahmatullahi alaih [Mutawaffah 204 hijri] ka Ramazan me 60 Quran khatm karna                                                                                                        [Tazkiratul Huffaz]

Scan: http://min.us/lSfRjic0FY5rh

 

  1. sayeed Bin Jubair rah [Mutawaffah 95 hijri]  ka 2 raat me ek Quran khatm karna                                                                                                                                       [Tazkiratul Huffaz]

scan: http://min.us/lExAwd4ehYXMc

 

 

  1. Khateeb Baghdadi rah ka Rozana ek Quran Khatm karna                                                                                     [Tazkiratul Huffaz]

Scan: http://min.us/lYQc8j1x3KjQP

 

  1. wakee bin jarrah rah [Mutawaffah 196  hijri] ka ek Raat me ek khatm karna                                                                                                                                              [Tazkiratul Huffaz]

scan: http://min.us/lEILZD7r39y2X

 

  1. Hazrat Usman ka ek Din me Quran khatm karna                                                                                           [Al Azkaar]

Scan: http://min.us/lCLjW1aRkRy0S

 

8.Sayeed Bin Musayyib rah ka ek Din me Quran khatm karna                                                           [Tohfatul Ahwazi jild 8]

Scan: http://min.us/lXPXQKDTc2Eh0

  1. Abu Hirra rah ka ek Din me Quran khatm karna:                                                                                   [Tohfatul Ahwazi jild 8]

Scan: http://min.us/lXPXQKDTc2Eh0

  1. Usman Bin Affan razi Allahu anhu ke Ek Rakaat me Quran khatm karna                      [Tohfatul Ahwazi jild 8]

Scan: http://min.us/lXPXQKDTc2Eh0

  1. Tameem Daari razi Allahu anhu ka ek Rakat me Quran khatm karna                                      [Tohfatul Ahwazi jild 8]

Scan: http://min.us/lXPXQKDTc2Eh0

  1. Abdullah Bin Zubair Razi Allahu anhu ka EK Rakat me Quran khatm karna                             [Tohfatul Ahwazi jild 8]

Scan: http://min.us/lXPXQKDTc2Eh0

 

  1. Sayeed Bin Jubair rah ka Ek Rakat me Quran khatm karna                                                      [Tohfatul Ahwazi jild 8]

Scan: http://min.us/lXPXQKDTc2Eh0

  1. Saleh Bin Kaisan rah ke Ek Raat me 2 Martaba Quran khatm karna                             [Tohfatul Ahwazi jild 8]

Scan: http://min.us/lXPXQKDTc2Eh0

  1. Mansoor Bin Zaazaan rah ka CHASHT ki Rakat me Ek Quran khatm karna aur Din me 2 Martaba Quran khatm karna                                                               [Tohfatul Ahwazi jild 8]

Scan: http://min.us/lXPXQKDTc2Eh0

  1. Yahya Bin Sayeed ka 1 Din me Quran khatm                                                                                      [Tazkiratul Huffaz]

Scan: http://min.us/lbdeJ8tntLyxly

  1. Zuhair Bin Muhammad ka Ramazan me 90 Quran khatm karna                                                       [Tazkiratul Huffaz]

Scan: http://min.us/l1WpOYXcQIKsZ

 

 

Maqsad sirf ye batlana tha ke Quran ko 3 Din se kam me khatm karne me Salaf Saaliheen me 2 Jamaten thi, hum na dono me se kisi ko Saheeh Ghalat ka fatwa nahi lagasakte.

Hame Chahye ke raah e aetedal ikhtyar kare aur Salaf Saaliheen se husn zan rakhen. Aur unki Ibadaat par Rashk karen aur Pabandi se Tilawat karne ki koshish karen kam az kam Rozana Ek paara Zaroor tilawat karen aur Quran paak ko samajh kar padhne ki koshish karen.

 

Allah Ta’ala se Dua hai ke baari ta’ala hame Quran paak ko samajh kar pabandi se Tilawat karne wala bana de aur Hame Salaf Saaliheen jis tarah Quran o Hadees ko samjhe hain usi manhaj par samajhne ki taufeeq ata fama aur Tamam Ummat e muhammadiya ki taraf se tamam muhaddiseen o Fuqaha ko Jaza e Khair ata farma aur unke darajaat ko buland farma.

Ameen Ya Rabbal Aalameen.

 

Farhan Bajrai Shafa’ee.
 

QURAANE PAAK KI TILAWAT KI FAZEELAT

QURAANE PAAK KI TILAWAT KI FAZEELAT

Allah ke Rasool(Sallallahu Alaihi Wasallam) ne farmaya
“Jisne ALLAH TA’ALA ki kitab se EK HARF padha uske lye ek NEKI hai aur EK NEKI KA BADLA 10guna(1 Neki ka sawab 10 times Ziada) hai
ALIF LAAM MEEM se Muraad 1 Harf nahi balke ALIF ek Harf,
LAAM ek Harf aur
MEEM ek harf hai.”
(TIRMIZI)
Ab zara hum ghaur karen hum taqreeban Din tamam FACE BOOK use karrahe hai,
Kya hi behtar tha k QURAN ki Tilawat karne me waqt dete.
Allahu Akbar ek harf k padhne par 10 nekiya.
Khudara! Apni Akhirat ki fikr karen.
Aam me maza hai,
Jaam me Maza hai,
Allah ne apni paida ki hui har cheez me maza rakha hai.
Mere bhayyo soncho k
Kya Allah ne apne KALAAM me maza nahi rakha.
Yaqeenan rakha hai !
Ap pabandi to karo.
Aj se tai karlen k hum Rozana kuch waqt Kalam paak ki tilawat ko denge. IN SHAA ALLAH KUCH HI DINO JO LAZZAT AYEGI na us se hamare DIL raushan hojaenge.

AMAL karne ka Irada o koshish karen. Aur Allah se maangte rahen.

Jazakallah khair. Ye pehli Meri zaat ke lye Reminder hai.
Share karen.

Allah hum sab ko Kalaam paak ki pabandi se Tilawat karne ki taufeeq ata farmaye.
Ameen.
FBS