Mauzoo Riwayat, Maulana Tariq Jameel Sahab aur Ghair Muqallideen

Assalamu alaikum.
Maulana Tariq Jameel sahab jis Azeem maqsad ke liye kaam karte hain ye kisi se chupa nahi hai, wo Ummat ka rishta Allah Ta’ala se jodne ke liye kaam karte hain aur Allah paak ne Qabooliyat bhi ata farmayi hai. Allah Maulana ki Umar me Sahet me barkat ata farmaye.(Aameen).
Lekin Kuch logon ko Maulana ki Mehnat , tadap Hazam nahi hoti aur Maulana ko kis tarah Be Izzat karen aur logon ko kis tarah Maulana se mutanaffir karen uski koshish me rehte hain. Lekin shayad unhe nahi pata ke Agar Saari Makhlooq kisi ko nuqsan pohanchana chahe aur Allah Faida pohanchana chahe to us ko koi Nuqsan nahi pohancha sakta.
Maulana par bhot si tohmaten lagai jati hain unme se ek ye ke “MAULANA MAUZOO RIWAYAT GADHTE HAIN” (naoozu billah).
Ye hosakta hai ke Maulana ne bayan me koi baat kehdi ho jo unho ne Motabar kitab me padhi ho lekin wo MAUZOO nikle, lekin ye hargiz nahi hosakta ke Maulana Apni Taraf se koi baat gadhe, ye to Maulana ke bayanaaat sunne wale bhi khud jaante hain. Min Jumla bhot si baaton ke ek baat ko bhot uchala gaya aur uchala jaraha hai ke Maulana ne apne ek bayan me kaha ke “Meri Sab se pehle Namaz e Janaza ALLAH RABBUL IZZAT padhenge” is par bhot bawaal machaya gaya ke Naoozu billah aisa keh diya Allah Ta’ala ki Shan me gustakhi kardi waghaira.
Hum maante hain ke ye riwayat mauzoo hai aur Maulana ko Ise bayan nahi karna chahye tha. lekin bhot si kitabon me likhi jachuki thi aur Maulana koi ASMAA O RIJAAL ke aadmi nahi hai is liye Maulana ye baaz Mastoor rahi.
Jab Maulana ne ye bayan diya to usme ye mauzoo riwayat thi to hamara farz ye tha ke Hum Maulana se rabta kar ke kehte ke Maulana Sahib apne ye bayan diya hai isme ye mauzoo riwayat hai.. jaisa ke Khud Maulana ne Ek bayan me kaha tha ke Mujhse agar koi Ghalti hui ho to Ap Mujhe batlao mai Islah karlunga.
Lekin Maulana se Bughz hasad keena aur Maslaki inteshar ne ye karne nahi diya. aur Maulana ko Social Media par bhot bura bhala kaha gaya.
Ab Zara Tasweer ka doosra rukh dekhen.
Naam Nihad Salafi sab se ziada jin ko maante hain yani Shaikhul Islam Ibne Taimia rahimahullah aur Unke Shagird e Khaas Ibne Qayyim rahimahullah. aur in ka Aqeeda hai ke Allah Arsh hi par hai(agar is me kuch ghalat ho to meri islah karden).
Apne Is ULOO ke aqeede ko Sabit karne ke liye Ibne Qayyim rahimahumullah ne “IJTEMAA UL JUYOOSHIL ISLAMIYYAH” naami kitab me wahi riwayat ko pesh kiya hai, Jee Haan wahi Mauzoo Riwayat ko pesh kiya hai, woh Bhi AQEEDA Sabit karne ke liye.
Is par Na Naam Nihad Ahle Hadees o Salafion ki koi post aati hai na koi bayan aata hai aur Na Koi Tabsara.

Scan:allah namaz janaza padhe ibne qaim
ye hai unki dogli policy. AP inke Makr o Fareb isi tarah dekhenge.
Allah Paak Ummat e Muslimah ko Is fitne se bachaye aur Saheeh Fikr o Amal ki Taufeea ata farmaye.
Aameen.

Advertisements

Allah Ta’ala Jihaat (dimensions) se paak hai

بسم اللہ الرحمن الرحیم

تعالى عن الحدود والغايات والأركان والأعضاء والأدوات لا تحويه الجهات الست كسائر المبتدعات

Aur Allah Ta’ala Hudood o Quyood aur Jismani arkaan aur Aazaa aur aalaat o Asbaat se Baalatar hain aur Tamam Makhlooqaat ki tarah Jihaat e Sitta is ko Ihata kiye hue nahi hai.(Aqeedatut Tahawi)

Scan:jihaat se paak

Imam tahawi rah farmate hain: Allah Ta’ala Hudood aur Intehaao se buland o bartar hain. Allah Ta’ala Mehdood nahi hosakte, unki Inteha nahi hosakti ke Allah Ta’ala yahan par Khatm hojarahe hain(Naoozu Billah Min Zaalik) yahan se yahan tak Allah Ta’ala hain phir uske baad Khatm hain(Naoozu Billah Min Zaalik) aisa nahi hai, Wo (ALLAH) Intehaa aur Had se Buland hai.

Allah Ta’ala Tamam AAZAA o JAWAREH se paak hai

والغايات والأركان والأعضاء والأدوات

Aur isi tarah Arkaan o Aazaa aur Aalaat o Asbaab se  buland o baala hain.

Allah Ta’ala ki Sifaat sabit hain lekin Aazaa Sabit nahi hote. Allah Ta’ala dekhte hain aur hum se bhi dikhwate hain. Hum Aankhon se dekhte hain, dekhne ka Uzoo (part) hamare paas hai, Sunne ka Uzoo hamare paas hai, Bolne ka Uzoo hamare paas hai. Allah Ta’ala ki Sifaat ke sath Aazaa nahi judte. Un ka dekhna Aankh se thoda hi hota hai. Khud hamari aankh me bhot si Cheezen hai, charbi ka dalla hai, us me parde lagey hue hain, us me kuch kaala hissa hai aur kuch safed hissa hai, usme ragen hain, khoon ka daurania hai lekin Zaahir hai ke Allah Ta’ala ke liye Makhlooq ki tarah ki aankh, Kaan, Zabaan nahi hosakti aisi zaban waghaira thoda hi hogi. Wo apni Sifaat me in Aazaa ke mohtaj nahi hai. Arkaan se wo Muta’aali hain aur Aazaa se wo Buland o Bartar hain.

لا تحويه الجهات الست كسائر المبتدعات

Nahi Haawi hosakti hain un ko 6 Jihaat(dimensions) jaisa ke Makhlooqaat ka haal hai.

Saamne, peeche, Dayen, Baayen, oopar Neeche ye jihaat Allah Ta’ala ke liye nahi hain aisa nahi hai ke Allah Tabarak o Ta’ala ke Neeche kuch hai, Allah Tabarak o Ta’alaa ke Dayen Baayen kuch hai. Allah Ta’ala Jihaat e Sitta ke Khaliq hain, wo Us waqt se hain jab Jihaat e Sitta hi nahi the, wo Jihaton se pehle se hain. Makaan ko unho ne banaya hai, Allah Ta’ala Makaan se peh hain. Arsh ko Unho ne banaya hai, Wo Arsh se pehle se hain. Allah Ta’ala in sab Cheezon ke Khaliq hain.

Jis tarah aur doosri Makhlooqaat ki Sifaat Allah Rabbul Izzat ke sath nahi lagayi jasakteen to ye Makhlooqaat ki Sifaat bhi Allah Ta’ala ke sath nahi lagayi jaasaktii.

In tamam Sifaat ke sath Allah Tabarak o Ta’ala ki Ru’yat ko bhi manna hai.

Maine abhi Kitab ka Tarjuma aur thoda sa matlab aur use mutalliq kuch Zaroori baaten  arz ki hain. Aage Nafs Masla se mutalliq kuch aur baaten post karni hai in Shaa Allah.

(Dars e Aqeedatu Tahawi)

FBS


Allah Ta’ala ko Sirf Arsh par hai kehne walon ka rad Mufassir e Quran Allama Raazi rahmatullahi alaih ke zarye

Istewa Ba Maine Istiqrar Muraad Lene Ke Mafaasid

Is silsile me Allama Aaloosi rahmatullahi alaih ne Imam Raazi rahmatullahi alaih (mutawaffa 606 Hijri) ke hawale se naqal farmaya ke:

ruhul maani c

1.Allah Tabarak o Ta’aal us waqt bhi the Jab ARSH na tha aur Jab Wo Makhlooq ko Paida kiye Unhe us Cheez ki Hajat nahi jis se Wo Mustaghni hai(yani Arsh)

  1. Agar Baari Ta’ala mustaqir fil makaan honge to Baari Ta’ala ke liye dahini janib aur Baayin Janib laazim aayegi. Aur jab dono janib honge to Baari Ta’ala ka murakkab hona laazim aayega kyun ke Ajsaam e Murakkab hi ki jihaten aur Jawanib hotiin hain. Aur jo murakkab hoti hai wo Haadis hoti hai to Baari Ta’ala ka Haadis hona laazim aayega.
  2. Ye ke Arsh par Qayam Zaat ya to Muntaqil hone aur harkat karne par qaadir hogi aur is Soorat me laazim aata hai ke Haq Ta’ala Harkat o Sukoon ka Mahel hon, aur ye Hudoos ka Qayil hona hai, ya ye ke wo Zaat is par Qaadir na ho. Is Soorat me Haq Ta’ala waqt o Zamane ki tarah hojayenge balke use bhi kamtar. Yaqeenan Allah Ta’ala ki  Zaat isse Buland hai.

4. Allah paak jis makaan par (ARSH) Mustaqirr hain us ki janib Allah Paak ke sath Takhsees karenge ya nahi, agar takhsees karenge to Baari Ta’ala ka us makaan ka mohtaj hona laazim aayega jab ke Allah paak is se bhi Munazzah hain aur Agar us Makaan ke sath takhsees nahi karenge to us Makaan (Arsh) par Mustawii nahi honge to us ke Dawe ka Butlaan laazim aayega aur Hamara mudda’aa sabit hojayega

  1. Baari Ta’ala ne farmaya ” لَيْسَ كَمِثْلِهِ شَيْءٌ” (42:11) ye Aayat aam hai, lihaza agar Baari Ta’ala Juloos ki kaifiyat ke sath muttasif honge to Makhlooq ke sath Juloos ki mumasilat sabit hogi jab ke Ayat e Mubarakah is ka inkar kar rahi hai,warna Ayat ka Butlaan laazim aayega.Scan:ruhul maani 16 155
  2. agar Baari Ta’ala Arsh par Mustaqir hain to Ba Nas-se Quran Arsh ko Farishte uthaye hue hain “وَيَحْمِلُ عَرْشَ رَبِّكَ فَوْقَهُمْ يَوْمَئِذٍ ثَمَانِيَةٌ” (69:17) aur Jab Allah paak Arsh par hain to Farishte Arsh ke sath Baari Ta’ala ko bhi uthaye hue hain chunke ‘Shai’(cheez) ke Haamil ka Haamil us ‘Shai’ ka Haami. Is lihaza se Makhlooq ka Khaliq ko uthana Laazim aaraha hai. Aur ye bhi Saheeh nahi hai.
  3. Makaan me mustaqir zaat agar Mabood hogi to Suraj aur Chand ko bhi Mabood hona lazim aayega( kyu ke Ba-Nass e Quran un ka bhi ek Mustaqir hai haalanke ye Baatil hai.)
  4. Alam GOL hai, Lihaza Jehat (dimension) jo ek Janib walon ke liye Oopar hai to doosri janib walon ke liye neeche hogi, to Allah Tabarak o Ta’ala ek Janib walon ke liye oopar hain to doosri janib walon ke liye neeche honge aur ba-ittefaq e Uqalaa ye jayaz nahi.
  5. Ulama e Ummat ka is baat par Ijmaa hai ke Baari Ta’ala ka irshad hai “قُلْ هُوَ اللَّهُ أَحَدٌ”Muhkamaat me se hai aur Allah Tabarak o Ta’ala ko Arsh par mustaqir maanne ke baad tarkeeb (murakkab)aur Inqisaam (taqseem) laazim aata hai jo AHADIYYAT ke munaafi hai pas Aayat ka Muhkam hona baatil hoga aur Khilaaf e Ijmaa laazim aayega. Neez Tarkeem aur Inqisaam ke waste Baari Ta’ala ka Muhtaaj hona Laazim aayega.
  6. Agar Baari Ta’ala Mustaqir fil Makaan honge to Baari ta’ala ka Jism hoga. Aur Quran Majeed me Hazrat Ibrahim Alaihis salam ka Qaul Mazkoor hai “لَا أُحِبُّ الْآفِلِينَ” (6:76) pas Baari Ta’ala Hamesha Jism e Aafil hone ki haisiayat se is Aayat ke Umoom me dakhil honge aur Aayat ki roo se Hazrat Ibrahim alaihis salam ka Baari Ta’ala ko napasnad karna laazim aayega.
    Scan:ruhul maani 16 156

Ye wo Uyoob aur Kharabiyaan hain Jo Baari Ta’ala ke liye Mustaqir fil Arsh maanne ki Soorat me laazim aati hain.

(Ruhul Ma’aani 16/155,156)

Download jild 16:Ruhul Maani

Other Edition (Ruhul Ma’aani 14/471)

Jab Istiqraar ke maine lena mumkin nahi to ISTIILAA ke maine Mutayyan hue.

Istewaa Ibrat yani Naam hai Ta’lluq e Tasarruf ka jaisa ke Rooh ka talluq jism ke sath hota hai.

Aise hi Arsh par Tasarruf ka jo Ta’luq hai wo RAHMAAN ko hai is ko ISTIWAA kahenge isi liye Ba-Lissan Isharah o Dawaam Zuhoor e Haq ko bhi Istewaa kehte hain jaise ISTIWAA SHAMS, dawaam o kamaal ka ZUhoor aaftab ko kehte hain, Arsh RAHMAN ek baargah e Aam hai ke Farishte waqiaat e Aalam aur Bandon ke aamal ko us jagah pesh karte hain aur Ahkaam Khair o Shar Nafa o Zar Alam e Nasoot ke liye Wahan se haasil karte hain aur ye chunke Mahaz Rafat o Rahmat hai islye الرَّحْمَنُ عَلَى الْعَرْشِ اسْتَوَى  ka farmaya الله عَلَى الْعَرْشِ اسْتَوَى nahi farmaya, Allah ZUl Arsh hain kyu ke wo Arsh par Ism RAHMAAN ke sath Mustawii o Mutasarrif hain.

(Makhooz Dars Aqeedatut Tahawi)

FBS

IMAM ABU HANEEFA RAHMATULLAHI ALAIH KA AQEEDA QURAN ALLAH KA KALAAM HAI

Assalamu Alaikum.

AQEEDA TAHAWI C

Imam Tahawi rahmatullahi alaih mutawaffi 341 Hijri ek bade Muhaddis o Faqeeh hai aur Un ho ne Aqeede par ek kitab bhi likhi hai jo ke Ahle Sunnat wal jamaat ke Aqaid par mushtamil hai aur Kaafi Mashhoor o Maroof hai.

Us kitab ki Shuruaat wo is tarah karte hain

هذا ذكر بيان عقيدة أهل السنة والجماعة على مذهب فقهاء الملة أبي حنيفة النعمان بن ثابت الكوفي وأبي يوسف يعقوب بن إبراهيم الأنصاري وأبي عبد الله محمد بن الحسن الشيباني رضوان الله عليهم أجمعين وما يعتقدون من أصول الدين ويدينون به رب العالمين

“Ye Zikr hai Ahle Sunnat Wal Jamaat ke Aqeede ke bayan ka Fuqaha e Millat ke Mazhab ke mutabiq yani Abu Haneefa Noman Bin Sabit Koofi, Abu Yusuf Yaqoob Bin Ibrahim Ansari aur Abu Abdullah Muhammad Bin Hasan Shaibani Rizwanullahi Alaihim Ajmaeen (ke mazhab ke mutabiq) aur Unho ne Deen me se jin ka Aeteqaad rakhte hain aur Rabbul Aalameen ke liye jis ko wo Apna Deen Banaye hue hain.”

(Aqeedatu Tahawi  7)

SCANAQEEDA TAHAWI 7

Phir us ke Baad Allah Ta’ala ki Rububiyat,Uloohiyat aur Sifaat ke Mutalliq Aqaid ko Zikr farmaya.

Phir Nabi  kareem Sallallahu alaihi wasallam ke Mutabiq Aqeede ko Zikr karne ke baad Quran e Kareem ke Mutalliq Aqeede ki wazahat farmayi.

Wo likhte hain

وإن القرآن كلام الله منه بدا بلا كيفية قولا وأنزله على رسوله وحيا وصدقه المؤمنون على ذلك حقا وأيقنوا أنه كلام الله تعالى بالحقيقة ليس بمخلوق ككلام البرية فمن سمعه فزعم أنه كلام البشر فقد كفر

“Beshak Quran Allah ka Kalaam hai. Allah hi se zaahir hua hai baghair kaifiyat ke Awwalan aur Nazil kiya us ko Apne Rasool Sallallahu alaihi wasallam par Wahi ke Zarye, Momineen ne Haq samajhte hue us ki Tasdeeq ki aur wo Is baat par yaqeeni le aaye ke ye Haqeeqat me Allah Ta’ala ka Kalaam hai, ye Insano ke Kalaam Ki tarah MAKHLOOQ nahi hai, pas jis ne Is ko Sun kar Yaqeen kiya ke Ye Insan ka Kalaam hai to us ne Kufr kiya………………………….”

(Aqeedatut Tahawi  12)

AQEEDA TAHAWI QURAN ALLAH KA KALAAM

Qaraeen e Kiram! Ab Ap Ghaur kijye ke Imam Tahawi rahmatullahi alaih ne Apni Is kitab me Ahle Sunnat wal Jamaat ke Aqaid ko Zikr farmaya hai aur Usko bhi Khaas Taur Imam Azam Abu Haneefa rahmatullahi aliah aur unke 2 Azeem Shagerd Imam Abu Yusuf o Imam Muhammad rahmatullahi alaih ke aur us me Un ka Aqeeda bayan kiya ke QURAN ALLAH KA KALAAM HAI, AUR USKO MAKHLOOQ KEHNE WALA KAAFIR HAI, Ab is ke baad koi Tareekhi riwayaton ko lekar ya kisi aur ke Qaul ko lekar Imam Sahab rahmatullahi alaih par Bohtan baandhe ke un ka Aqeeda ye tha ke Quran Allah ka Kalaam nahi balke Makhlooq hai to use bada jahil insan aur bad bakht insan kaun hosakta hai???

Allah Hum sab ko Deen e Islam ki Saheeh samajh ata farmaye aur Fitna parwaron ke Fitnon se Hamari aur Ummat e Muslima ki Hifazat farmaye.

Aameen Ya Rabbal Aalameen.

FBS

QURAN ALLAH KA KALAAM HAI

QURAN ALLAH KA KALAAM HAI AHLE SUNNAT WAL JAMAAT KA AQEEDA

Assalamu alaikum,

Bhot se Na Aaqibat andesh Bhai jo bhi Tareekhi Riwayaat Aimma e Arba ke Khilaf mil jaye us se post bana dete hain khusoosan Imam Azam Imam Abu Haneefa rahmatullahi alaih tak aur Khud ke baare me ye samajhte hain ke Qila Fateh karliya, aur Us tareekhi riwayat ki Tehqeeq kiye baghair Bhot se Hamare Bhai un posts ko share bhi kardete hain.

Haalanke Quran e Kareem me isse Sakhti se mana farmaya hai.

Isi tarah Hadees e paak me hai.

Naam Nihad Ahle Hadees Imam Azam Imam Abu Haneefa rahmatullahi alaih ko Kabhi Murjiya, Kabhi Motazali, Kabhi Jehmiya Sabit karne ke liye Langdi Lulli Tareekhi riwayaton ka Sahara lete hain, aisi baaten bhi mansoob karte hain Jo Shiya karte the jis Ka Jawab Shaikhul Islam Ibn e Taimia rahmatullahi alaih ne MINHAJUS SUNNAH me dediya hai.

Ek Aetraz par Nazar padi jis me Imam Azam Abu Haneefa rahmatullahi alaih ki taraf QURAN KE MAKHLOOQ hone ka Aqeeda mansoob kiya gaya tha.

Mere Bhaiyo! Is Jahilana baat ka jawab to dene ki zaroorat nahi thi lekin Aj Kal ye fitne Net par phail rahe hain is liye mujhe ek baar phir is Mauzoo par kuch likhna pada.

Aayye Shaikhul Islam Ibne Taimia rahimahullah ki Zubani is ka jawab sunte hain:

Ibne Taimia rahmatullahi alaih ek Shubeh ka jawab dete hue Tehreer farmate hain

“Ye Tamam Mashhoor Aimma  ye tamam ke tamam Allah Ta’ala Ki Sifaat ko Sabit maante hain aur wo kehte hain:

إِنَّ الْقُرْآنَ كَلَامُ اللَّهِ لَيْسَ بِمَخْلُوقٍ

BESHAK QURAN ALLAH KA KALAAM HAI MAKHLOOQ NAHI HAI

Aur wo kehte hain: Allah Ta’ala ko Aakhirat me Dekha jayegi.

Ye Sahaba Razi Allahu anhum aur un ka jo Ahle Bait aur unke Ilawa ki Itteba kiye Ahsan tareeqe se unka Mazhab hai, aur ye Aimma e Matbooeen ka mazhab jaise

  1. Malik Bin Anas,
  2. Sufyan Sauri,
  3. Lais Bin Sa’ad,
  4. Auzaai,
  5. Abu Hanefa
  6. Shafa’ii,
  7. Ahmad Bin Hambal,
  8. Ishaq,
  9. Dawood,
  10. Muhammad Bin Khuzaima,
  11. Muhammad Bin Nasr Marwazi,
  12. Abu Bakr Bin Munzir
  13. Muhammad Binjareer Tabari aur unke ashaab ka (RAHIMAHUMULLAH)

(MINHAJUS SUNNAH 2/106)

SCAN:

quran Allah ka kalaam hai minhaj us sunnah

FBS