Islam Aur Kufr Juda Juda Hain

  • Islam Aur Kufr Juda Juda Hain

Ye Ke Wazeh Haqeeqat Hai Keh Islam Ek Intehaa Hai To Kufr Doosri. Islam Ek Millat Hai To Kufr Doosri . Ye Nahi Hosakta Keh Aap Buton Ki Pooja Bhi Karen Aur Tauheed O Imaan Ka D’awaa Bhi Karen. Koi Naya Nabi Bhi Banaa Laayen Aur Rasoolullah Sallallahu Alaihi Wasallam  Ko Khaatimun Nabiyyeen Hone Ka Bhi Aelaan Karen. Islam Ke Paanch Bunyadi Aqaaid Ya Un Me Se Kisi Ka Inkar Karfen Aur Muslamna Hone Ka Bhi Dawa Karen, Ghairon Ki Tehzeeb Ki Bhi Naqqali Karen Aur Islami Taleemaat Par Bhi Amal Paira Hone Ka Aetraaf Bhi Karen. Ghairon Ke Rusoom O Riwaaj Par Dil O Jaan Se Fida Hon Aur Dil Me Islam Ki Mohabbat Ke Bhi Qaail Hon.

Isi Tarah Raushan Khayali Ke Alfaaz Bade Khoobsoorat Hain Magar Us Ke Jo Ma’aani Ahl E Maghrib Ne Hamare Zehnon Me Dale Hain Wo Bade Khatarnaak Hain. Hamari Zehniyat Chaunkeh Ghulamana Hochuki Hai Is Liye Hum Badi Aasani Ke Sath Fikri Taur Par In Ma’aani Ko Hazam Karlete Hain.

Raushan Khayali Ka Matlab Ye Mutayyin Kiya Gaya Hai Keh Jo Hayaa Se Mehroom Ho, Jo Be Ghairti Ki Zindagi Guzare Wo Raushan Khayal Hai. Ab Chaunkeh Fikri Aur Zehni Taur Par Ghulamana Zehniyat Hai Lihaza Jab Kabhi Kahin Bhi Deen Par Chalne Aur Us Par Amal Karne Ki Baaten Hoti Hain To Hamare Zehno Me Aata Hai Hai Keh Kya Ajeeb Inteha Pasandi Ki Baaten Ho Rahi Hain Aaj Kal Ked Aur Me Deen Par Amal Karne Kaha Jaaraha Hai.

Deen Par Chalna Intehaa Pasandi Nahi

Nahi Nahi Mere Bhaiyo! Haqeeqat Me Deen Par Chalna Intehaa Pasandi Nahi Balkeh Deeni Fareezah Hai. Yahi Deeni Ghaira Aur Hamiyyat Ka Taqaaza Hai. Allah Ka Kalaam Ghairat Sikhlata Hai. Ghairat Bhi Koi Cheez Hoti Hai . Ghairat E Eimaani Bhi Kisi Cheez Ka Naam Hai. Hum Ghayyoor Hain. Ummate Muslimah Ghayyoor Ummat Hai. Allah Paak Ummat E Muslimah Ko Ghairat Mand Dekhna Chahta Hai. Musalman Maa, Bahen, Beti Ko Ghairat Mand Dekhna Chahta Hai Takeh Ye Kisi Ke Darki Bhikaari Na Banen. Yeh Allah  Ke Dushmano Ki Tehzeeb Ikhtyar Na Karen, Unki Ma’ashrat Ko Ikhtyar Na Karen. Allah Ta’ala Farmate Hain:

يَا أَيُّهَا الَّذِينَ آمَنُوا لَا تَتَّخِذُوا الَّذِينَ اتَّخَذُوا دِينَكُمْ هُزُوًا وَلَعِبًا

(Al Maaidah: 57)

Tarjumah: “Aye Iman Walo! Mat Ikhtyar Karo (Un Logon Ki Dosti) Jo Tumhare Deen Ko Hansii Aur Khel Banate Hain.”

Arey Musalmano! Dekho Aisa Mat Karo, Jo Log Tumhare Deen Ko Khel Tamasha Banate Hain Us Ka Mazaaq Udate Hain Un Ke Sath Dostiyaan Mat Lagao. Allah Ta’ala Farmate Hain:

يَا أَيُّهَا الَّذِينَ آمَنُوا لَا تَتَّخِذُوا الْيَهُودَ وَالنَّصَارَى أَوْلِيَاءَ بَعْضُهُمْ أَوْلِيَاءُ بَعْضٍ وَمَنْ يَتَوَلَّهُمْ مِنْكُمْ فَإِنَّهُ مِنْهُمْ

(Surah Al Maaidah :51)

Tarjumah: Aye Iman Walo ! Yahood O Nasara Ko Apna Dost Mat Banaao , Wo Aapas Me Ek Doosre Ke Dost Hain. Aur Jo Koi Tum Me Se Un Se Dosti Karega To Wo Unhi Me Se Hoga.”

Kaafir Aapas Me Ek Doosre Ke Dost Hain, Jo Un Se Dostiyaan Lagayega To Woh Unhi Me Se Shumaar Hoga.

Islaam Ke Apne Taur Tareeqe Hain. Quran Ne Aelan Kiya Hai Keh Jo Waqaee Ghairat E Imaani Rakhne Wala Musalman Hai Aur Haqeeqi Iman Ki Daulat  Us Ke Paas Maujood Hai Us Ke Dil Me Ghairon Ki Dosti Aur Mohabbat Parwaan Nahi Chadh Saki. Ishaad E Khudawandi Hai:

لَا تَجِدُ قَوْمًا يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ أُولَئِكَ كَتَبَ فِي قُلُوبِهِمُ الْإِيمَانَ وَأَيَّدَهُمْ بِرُوحٍ مِنْهُ

(Surah Mujadilah : 22)

Tarjumah: “Aap Nahi Paayenge Kisi Qaum Ko Jo Allah Aur Aakhirat Ke Din Par Yaqeen Rakhti Ho Keh Wo Aison Se Dosti Karen Jo Allah Aur Us Ke Rasool Ke Mukhalif Hoe Khwah Who (Mukhalifat Karne Wale Un Ke ) Aone Baap Hon Ya Apne Bête Ya Apne Bhai Ya Apne Gharane Ke. Unke Dilon Me Allah Paak Ne Eimaan Ko Likh Diya Hai Aur Unki Madad Ki Hai Apne Ghaib Ke Faiz Se.”

Aap Us Qaum Ke Andar Jis Me Eimaan Ki Daulat Maujood Hai Kabhi Ye Cheez Nahi Paayenge Keh Wo Allah Ke Dushmano Ke Sath Dostiyaan Lagati Phir Rahi Ho. Us Qaum Ke Afraad Aise Ghairat Wale Hote Hain Keh Agarche Unka Baap , Bhai Ya Un Ka Qareebi Rishtedaar Hi Kaafir Kyu Na Ho Magar Wo Eimani Ghairat Ki Binaa Par Un Qareebi Rishtedaton Se Bhi Dostiyaan Nahi Lagate. Aise Logon Ke Bare Me Allah Paak Ka Farmaan Hai Keh Wahi Log Hain Jin Ke Dil Par Mai Ne Eimaan Mehfooz Kardiya Hai , Eimaan Ki Mohar Lagadi Hai Aur Yahi Eimaan Wale Hain.

Advertisements

Islam Mukammil Deen Hai

Valentine Day

Mere Muazzaz Musalman Buzrugo , Azeez Bhaiyon Aur Ummat E Muslimah Ki Muqaddas Maaon Aur Behno!

Musalmano Ka Ma’ashrah Musalmano Ke Hath Me Hai , Wo Jis Tarah Chaahen Apne Muashre Ki Tarbiyat Kar Sakte Hain Aur Jis Andaz Me Chahen Use Sanwar Sakte Hain. Maashre Ki Pehli Bunyaad Aur Akaai Ek Mard Aur Ek Aurat Se Shuroo Hoti Hai. Alhamdu Lillah Yahan Mard Bhi Maujood Hain Aur Aaurten Bhi Maujood Hain Is Liye Chand Guzarishaat Maashre Se Mutalliq Arz Karni Hain.

  • Islam Mukammil Deen Hai

Islam Mukammil Deen Hai Aur Allah Ne Ise Bataur E Nemat Hame Ata Kiya Hai. Islam Ke Andar Jahan Ibadat Hai , Aqeedah Hai, Wahan Islam Ki Apni Tehzeeb Bhi Hai, Apni Ma’ashrat Bhi Hai, Apne Tehwaar Bhi Hai, Apni Khushyaan Aur Apne Taur Tareeqe Bhi Hain.

Mukammil Islaam Aur Mukammil Musalman Usi Ka Naam Hai Keh Wo Zindagi Ke Har Sho’bey Me Musalman Nazar Aaye. Nazarye Ke Andar Bhi Musalman Nazar Aaye, Ibadaat Ke Andar Bhi Musalman Nazar Aaye , Maamlaat Ke Andar Bhi Musalman Naza Aaye, Akhlaaq Ke Andar Bhi Musalman Nazar Aaye. Ma’aashrat , Tehzeeb Aur Rahen Sahen Ke Tareeqon Ke Andar Bhi Wo Musalman Nazar Aaye. In Sho’bon Ke Baghair Islam Sirf Naam Ka Reh Jata Hai, Haqeeqat Se Khaali Hojata Hai. Agar Koi Ye Kahe Keh Main In Sab Sho’bon Se Dastbardaat Ho Kar Bhi Musalman Rahun To Apni Soch Aur Fikr Me To Wo Musalman Reh Sakta Hai Magar Allah Aur Uske Rasool Sallallahu Alaihi Wasallam Ke Haan Wo Musalman Nahi Hai.

Ek Shakhs Ne Chah Keh Main Sher Ki Tasweer Apne Jism Par Gudwaloon- Ye Soch Kar Kisi Gudwane Wale Ke Paas Gaya Aur Us Se Kaha Keh Meri Pusht Par Sher Ki Tasweer Bana Do. Gudwane Wale Ne Tasweer Banana Ke Liye Suin(Needle) Chubhoi To Use Takleef Hui , Poocha Keh Bhaai Kya Bana Rahe Ho? Gudwane Wale Ne Kaha: Sher Ka Sar Bana Raha Hun. Usne Kaha : Arey Bhaai Sher Sar Ke Baghair Bhi To Hota Hai, Sar Ke Baghair Hi Banado. Godne Wale Ne Phir Suin Chubhoi To Usne Phir Poocha Keh Bhai Ab Kya Bana Rahe Ho? Godne Wale Ne Kaha Keh Abs Her Kid Um Bana Raha Hun. Usne Kaha: Bhaai Sher Dum Ke Baghair Bhi To Hosakta Hai, Aap Dum Ke Baghair Hi Bana Do. Us Godne Wale Ne Phir Suin Chubhoi To Use Takleef Hui , Phir Poocha  Keh Bhai Ab  Kya Bana Rahe Ho? Godne Wale Ne Kaha:Shre Ki Taangen Bana Raha Hun. Ye Bola Keh Arey Bhaai Tango Ke Baghair Bhi To Sher Hota Hai Is Liye Tango Ke Baghair Hi Bana Do. Godne Wale Ne Phir Suin Chubhoi Usne Dubara Poocha Keh Ab Kya Bana Rahe Ho To Godne Wale Ne Kaha Keh Sher Ke Baazu Bana Raha Hun. Usne Kaha Keh Arey Bhaai Baazu Bana Raha Hun. Usne Kaha Keh Arey Bhai Baazu Ke Baghair Bhi Sher Hota Hai Isliye Baazu Ke Baghair Hi Banado. Godne Wale Ne Apna Saaman Phenk Diya Aur Kaha Keh Aisa Sher Jis Kin A Garden Ho, Na Paaun Ho , Na Dum Ho Aur Na Baazu Hon Main Ne Nahi Dekha.

To Sach Keh Raha Hun Musalmano! Allah Ne Aisa Islam Nahi Utara Keh Jis Ke Andar Aqeedah Bhi Na Ho , Ibadat Bhi Na Ho, Ma’mlaat Bhi Nah On, Ma’aashirta Bhi Na Ho, Ma’eeshat Bhi Na Ho Magar Phir Bhi Who Islam Ho. Allah Ne Aisa Islam Nahi Utara Keh Jis Me Tumhe Aqeede Ki Zaroorat Pade To Apna Man Pasand Aqeedah Ikhtyar Kar Lo Bhale Wo Shirk Ka Kyu Na Ho, Apni Man Pasand Ibadaat Ikhtyar Kar Lo Aur Un Me Apni Ikhtera’aat Kar Lo Keh Sab Se Badi Ibadat Yahi Hai. Saari Ikhtera’aat Aur Tabdeeliyaan Sirf Deen Me Hi Karte Hoa Ur Agar Ma’amla Tehzeeb Aur Ma’ashirat Ka Ho To Phir Maghrib Ki Chaukhat Par Chale Jate Ho. Siyasat Aur Ma’eeshat Ka Mamla Aajaye To Tum France Ki Chaukhat Par Chale Jaao.

  • Ummat E Muslimah Ghayyoor Hai

Allah Ne Ummat E Muslimah Ko Ghairat Mand Banaya Hai , Ghairat Se Mehroom Nahi Kiya. Ise Dar Dark I Thokaren Khaane Ke Liye Mohtaj Nahi Banaya, Iske Daaman Me Sab Kuch Rakha Keh Saari Dunya Is Ki Chaukhat Par Aaye Aur Ye Daulat Is Se Le Kar Jaye. To Allah Ne Kaamil Aur Mukammil Deen Utara Hai , Aisa Deen Jis Ke Andar Aqeedah Bhi Hai , Ibadaat Hi Hain, Ma’mlaat Bhi Hain , Ma’aashraat Bhi Hai, Akhlaaq Bhi Hain, Tehwaar Bhi Hain, Khushiyaan Bhi Hain Uar Khushyaan Manane Ke Tareeqe Bhi Hain. Jo Islam Ke Tareeqon Ko Chord Kar Koi Aur Raah Ikhtyar Karega Allah Ke Haan Who Hargiz Qabool Nahi Hai. Allah Paak Ka Irshad Hai

وَمَنْ يَبْتَغِ غَيْرَ الْإِسْلَامِ دِينًا فَلَنْ يُقْبَلَ مِنْهُ وَهُوَ فِي الْآخِرَةِ مِنَ الْخَاسِرِينَ

(Surah Aal Imran:85)

Tarjuma: “Aur Jo Koi Chahe Islam Ke Ilawah Koiaur Deen So Us Se Hargiz Qabool Na Hoga.”

Islam Ki Apni Tehzeeb, Ma’ashirat Aur Tareeqe Hain. Lihaza Musalmano Ke Liye Kisi Doosre Mazhab Ya Tehzeeb Ki Naqqali Ya Taur Tareeqe Ikhtyar Karna Pasandeedah Amal Nahi Hai.