KYA NAMAZ PADHTE WAQT SAR DHANKA JAYE???

KYA NAMAZ PADHTE WAQT SAR DHANKA JAYE???

 

1.Hazrat Anas Bin Malik razi Allahu Anhu farmate hai ke Rasoolullah Sallallahu alaihi wasallam AKSAR AUQAAT apne SAR ko DHAMP kar rakhte the.

[SHAMAIL TIRMIZI]

2.Hazrat Anas Bin Malik razi Allahu Anhu farmate hai ke Maine Rasoolullah Sallallahu Alaihi wasallam ko Wuzu karte hue Dekha. Ap sallallahu Alaihi wasallam ke SAR MUBARAK par QATRI PAGDI thi,

Ap ne Pagdi ke NEECHE se hath Daal kar Sar ke Agle Hisse par MASAH farmaya aur Pagdi ko khola nahi.

[ABU DAWOOD]

  1. Hazrat Abdullah Bin Omer Razi Allahu anhuma farmate hai ke Nabi Kareem sallallahu alaihi wasallam jab bhi AMAMA bandhte the to Apne AMAMA ko apne Kandho ke Maa bain(darmyan) latkate the.

Hazrat Nafe’ farmate hai ke Hazrat Ibne Omer Razi Allahu anhu bhi Yunhi karte the aur hazrat Abdullah kehte hai maine Hazrat Qasim Bin Muhammad(rahmatullahi alaih) aur Salim rahmatullahi alaih ko bhi Yunhi karte dekha hai.

[SHAMAIL TIRMIZI]

  1. Hazrat Abdullah Bin Omer Razi Allahu anhu SAR par MASAH farmate to TOPI Sar se hata lete aur SAR ke AGLE HISSE par MASAH farmate.

[DARQUTNI]

  1. Hazrat Hasan Basari rahmatullahi alaih farmate hai ke Huzoor sallallahu alaihi wasallam ke SAHABA RAZI ALLAHU ANHUM NAMAZ me SAJDA karte is haal me ke Unke Hath kapdo me hote the l8r unme so har ADMI apni PAGDI par SAJDA karta tha.

[MUSANNAF IBNE SHEEBA]

  1. Hazrat Wael Bin Hujr Razi Allahu anhu farmate hai ke Mai agle Saal Huzoor sallallahu alaihi wasallam ke paas aya (to Maine dekha ke Namaz me) Sahaba Razi Allahu anhum ke (Jismo par) Chadaren thi aur (SARON par) Lambi TOPIYAN thi.

[TAHAWI]

FBS

Advertisements

RASOOLULLAH SALLALLAHU ALAIHI WASALLAM KI NASEEHATEN

RASOOLULLAH SALLALLAHU ALAIHI WASALLAM KI NASEEHATEN

Hazrat Muaz Bin Jabal Razi Allahu anhu ne bayan farmaya ke Huzoor Aqdas sallallahu alaihi wasallam ne mujhe 10 BAaton ki Wasiyyat farmayi

  1. Allah ke sath kisi cheez ko Shareek na bana Agarche tu Qatal kardiya jaye aur tujhe Jala diya jaye,
  2. Aur apne MAA Baap ki Nafarmani Hargiz na karna Agarche tujhe Hukum den ke apne ghar Walon ko aur Maal o Daulat ko chord kar Nikal jao.
  3. Farz Namaz Hargiz Qasdan na Chord kyu ke Jisne Farz Namaz Chord di use Allah ka Zimma Bari hai.
  4. SHARAB hargiz ma pi kyu ke wo BEHAYAAI ki Jad hai.
  5. Gunah se bach kyu ke Gunah ki wajeh se Allah ki narazgi Naazil ho jati hai.
  6. Maidan e Jihaad se mat bhaag Agarche (Doosre) log (tere sathi) Halaak hojayen.
  7. Jab logon me (wabai) Maut phail jaye aur tu wahan maujood ho to wahan jam kar rehna (us jagah ko chord kar mat jaana).
  8. Aur jin ka kharcha tujh par laazim hai(Biwi bachche waghaira) un par apna Acha Maal kharch karna.
  9. Aur inko Adab sikhane ke pesh nazar unse apni lathi Hata kar mat rakhne.
  10. Aur inko (Allah ke ahkaam o Qawaaneen) ke bare me darata rahna.

[MISHKAT AZ MUSNAD AHMED]

IS HADEES ME JIN BAATON KI NASEEHAT FARMAYI HAI BHOT AHEM HAIN WIRD E ZABAN AUR HARZ E JAAN BANANE KE QABIL HAIN AAB E ZARR SE LIKHI JAYEN TAB BHI INKA HAQ ADAA NAHI HOGA. HAR MUSALMAN PAR LAAZIM HAI KE IN NASEEHATON PAR AMAL KARE.

FBS

EK MUSALMAN KIS TARAH ZINDAGI GUZARE PART 1

EK MUSALMAN KIS TARAH ZINDAGI GUZARE

Deen e Islaam ! Aqaid , Ibadaat, A’maal e Saaliha , AKhlaaq e Hasana aur Aadaab e Aaliyah ka naam hai. Jab koi shakhs Islaam Qabool karle aur yun kahe ke Mai Musalman hun us par Laazim hai ke Poore Islaam ko Qabool kare. Surah Baqara (Ayat No 208)me Allah Ta’ala ne farmaya hai:

يَا أَيُّهَا الَّذِينَ آمَنُوا ادْخُلُوا فِي السِّلْمِ كَافَّةً وَلَا تَتَّبِعُوا خُطُوَاتِ الشَّيْطَانِ إِنَّهُ لَكُمْ عَدُوٌّ مُبِينٌ

Tarjuma: “Aye Imaan walo! Islaam me Poore poore Daakhil hojao aur Shaitaan ke Qadmon ke peeche na chalo beshak wo Tumhara Khulaa Dushman hai.”

Aj kal Logon ne ye Tareekha nikala hai ke Musalman hone ka Daawa bhi hai lekin Islaam ke Arkaan aur A’maal aur Akhlaaq aur Aadaat se Ghaflat bhi baratte hain aur Peeche bhi hatte hain. Daawa kuch aur Amal kuch, ye MOMIN ki Shaan nahi hai. Jab Musalman hogaye to poori tarah Islaam par Amal karna Laazim hai Aammatul Muslimeen ko Zaroori baaten  batane ke liye ye Mazmoon likh raha hun is mazmoon ko aapas me ek doosre ko Sunayen aur Amal par amadah karen.

  1. Islami Aqaid seekhe, Ahle Sunnat Wal Jamaat ke Aqaiad maloom karen aur Unhe apna Aqeedah banayen jitney Gumrah Firqe hain maslan Shiya , Qadiyani, Aagha Khaani, Bohri in sab se door rahen aur Bid’aat se Mukammil parhez karen.
  2. 2. Har Aaqil baaligh Musalman par Mard ho ya Aurat 5 Namazen(FAJR, ZOHAR, ASAR, MAGHRIB, ISHA) Farz hain. Inko Ghar par hote hue aur Safar me, Marz me, Tijarat karte hue, Naukri me lagey hue har haal me adaa kare, Witr ki Namaz Isha ke Farzon ke baad padhna wajib hai isko bhi kabhi Qazaa na hone den. Aurten Gharon me aur Mard Masjidon me Jamaat ke sath Namaz padhen.

Jamat ke sath Namaz padhen se ek Namaz ka sawaab 27 guna(times) kardiya jata hai.(MISHKAATUL MASABEEH SAFHA 95)

Rasoolullah sallallahu alaihi wasallam ne irshad farmaya ke Jisne Namaz ki pabandi ki uske liye Qayamat ke din Namaz noor hogi aur Uske Imaan ki Daleel aur Uski Najaat ka samaan hogi aur jisne Namaz ki pabandi nahi ki uske Liye Namaz na Noor hogi na uske Imaan ki Daleel hogi na Najaat ka samaan hogi aur Qayaamat ke Roz ye Shakhs Qaaroon aur Firaon aur (uske Wazeer ) Haaman aur (Mashhoor Mushrik) Ubai Bin Khalf ke sath hoga(Mishkaatul Masabeeh safha 58)

Witron ke bare me Rasoolullah sallallahu alaihi wasallam ne irshad farmaya hai ke WITR padhna Zaroori hai. Jo Shakhs Witr na padhe wo Hum me se nahi hia (teen baar aisa hi farmaye)

(Mishkaatul Masabeeh safha 113)

Aur Muakkadah Sunnaton ke bare me farmaya jisne Din Raat me 12 Rakaten padhlin uske liye Jannat me ek Ghar bana diya jayega, 4 Rakaten Zohar se pehle , 2 Rakaten Zohar ke baad, 2 Rakaten Maghrib ke baad , 2 Rakaten Ishaa ke baad aur 2 Rakaten Fajar se pehle.

(Mishkaatul Masabeeh safha103)

Inke Ilawa Asar se pehle 4 Rakat Sunnat e Ghair Muakkadah hain unki badi Fazeelat hai. Ek Hadees me yun hai ke Allah Us bande par Rahem kare jo Asar se pehle 4 Rakaten padhe.

(Mishkaatul Masabeeh safha 104)

Nafil namazon ki bhi badi Ahmiyat hai jin me Namaz TAHIYYATUL WUZOO’ , TAHIYYATUL MASJID, ISHRAAQ , CHAASHT, TAHAJJUD aur MAGHRIB ke baad ki Nafilen bhi aajati hain. Nafil Namazon ka Zakheera bhi Sath lekar jana chahye.

Rasoolullah sallallahu alaihi wasallam ne farmaya ke Qayamat ke Din sab se pehle Namaz ka HIsab hoga , Namaz theek nikli to Kaamiyaab o baa muraad hoga aur Namaz Kharab nikli to Mehroom aur Na Muraad hoga, phir agar Faraiz me Kuch kami reh gayi to Parwadigaar e Alaam ka farmaan hoga ke Dekho Kya Mere Bandey ke kuch Nawaafil bhi hain. Phir Nawaafil ke Zarye Faraiz ki Kamii poori ki jayegi. Phir Zakaat ka bhi isi tarah Hisaab hga. Phir Doosre aamaal ka bhi isi tarah Hisaab hoge.

(Mishkaatul Masabeeh safha 117)

NAMAZ

NAMAZ ISLAAM KA BUNYAADI FAREEZA HAI
NAMAZ MUSALMAN HONE KI ALAMAT HAI
NAMAZ MUSALMAN AUR KAAFER KE DARMYAAN HADDE FAASIL HAI
NAMAZ RASOOLULLAH SALLALLAHU ALAIHI WASALLAM KI AANKHO KI THANDAK HAI
NAMAZ ALLAH TA’ALA KI MADAD HAASIL KARNE KA WASSEELA HAI
NAMAZ JANNAT HASIL KARNE KA RASTA HAI
NAMAZ JAHANNAM SE NAJAAT KA ZARYA HAI
NAMAZ JAAN O MAAL KI HIFAZAT KI ZAAMIN HAI
NAMAZ AAKHIRAT ME RAUSHNI KA MINAAR HAI
NAMAZ DIN RAAT ME 5 MARTABA APNE GUNAHON SE PAAK HONE KA GHUSL HAI
NAMAZ BEHAYAI KE KAAMON AUR BURI BAATON SE ROKNE WALI HAI
NAMAZ ALLAH TA’ALA KE QURB HAASIL KARNE KA SAB SE AALA AMAL HAI
NAMAZ SHAB E MERAJ KA QEEMTI TOHFA HAI
NAMAZ MOMINEEN KI MERAAJ HAI

DEEN AASAAN HAI

DALAIL KE ISLAAM AASAAN DEEN HAI

 

KYA ALLAH TA’ALA  KE YE FARAMEEN DALALAT NAHI KARTE KE DEEN AASAAN HAI:

  1. ALLAH TA’ALA farmate hain

وَمَا جَعَلَ عَلَيْكُمْ فِي الدِّينِ مِنْ حَرَجٍ

Aur tum par Deen ke mamle me koi tangi nahi rakhi

[Surah Haj 78]

يُرِيدُ اللَّهُ بِكُمُ الْيُسْرَ وَلَا يُرِيدُ بِكُمُ الْعُسْرَ

Allah tumhare sath aasani ka mamla karna chahte hai aur tumhare liye Mushkil paida karna nahi chata.

[surah Baqara 185]

لَا يُكَلِّفُ اللَّهُ نَفْسًا إِلَّا وُسْعَهَا

Allah kisi bhi shakhs ko uski wus’at se ziada zimmadari nahi sompta

[surah Baqara 286]

و قَالَ النَّبِيِّ صَلَّى اللَّهُ عَلَيْهِ وَسَلَّمَ

“إِنَّ الدِّينَ يُسْرٌ”

Rasoolullah sallallahu alaihi wasallam ne farmaya

          “Beshak Deen Aasaan hai”

[Saheeh Bukhari, Kitabul Iman, Baab Deen aasaan hai]

 

Islaam ke asaan hone par misalen:

1. Baith kar Namaz padhna us shakhs ke liye jisko khade hone me takleef ho

قَالَ النَّبِيِّ صَلَّى اللَّهُ عَلَيْهِ وَسَلَّمَ

صَلِّ قَائِمًا فَإِنْ لَمْ تَسْتَطِعْ فَقَاعِدًا فَإِنْ لَمْ تَسْتَطِعْ فَعَلَى جَنْبٍ

 

“khade hokar namaz padho agar tum isteta’t na rakhte ho to baith kar padho to agar tum iski bhi isteta’t na rakhte ho to lait kar padho.”

[SAHEEH BUKHARI, KITABUL JUMA]

 

  1. 2.  4 Rakaat wali namaz me Qasr karna aur Jama bainas salaatain karna Musafir ke liye

القرآن:

وَإِذَا ضَرَبْتُمْ فِي الْأَرْضِ فَلَيْسَ عَلَيْكُمْ جُنَاحٌ أَنْ تَقْصُرُوا مِنَ الصَّلَاةِ

“aur jab tum Zameen me safar karo aur tumhe is baat ka khauf ho ke Kaafir log tumhe pareshan karenge to tum par is baat ka koi Gunah nahi hai ke tum Namaz me Qasr karlo.

[Surah Nisaa ayat 101]

 

Rasoolullah sallallahu alaihi wasallam Safar me Zohar aur Asar ki Namaz ek sath padhte the isi tarah Maghrib aur Isha ki bhi ek sath padhte the.

[Saheeh Bukhari, Kitab AL Jumaa Hadis No: 1038]